ମନୁଷ୍ୟ ପାପ ଓ ପୁଣ୍ୟ ମଧ୍ୟରେ ଅନେକ ସମୟରେ ଝୁଲି ରହିଥାଏ । ଏହି କାରଣରୁ ବେଳେ ବେଳେ ଅନିଚ୍ଛା ସତ୍ତ୍ୱେ ପାପ କରି ବସେ । ମନୁଷ୍ୟ ଅଧିକାଂଶ ସମୟରେ ଯେପରି ପାପ ନ କରେ,ସେଥିପ୍ରତି ସଚେତନ ଥାଏ । ଯଦି ମନୁଷ୍ୟ ନିଜ ପାପରୁ ମୁକ୍ତ ହେବା ପାଇଁ ଚାହେଁ,ତେବେ ସେଥିପାଇଁ କିଛି ପନ୍ଥା ଅବଲମ୍ବନ କରିବାକୁ ପଡ଼ିବ,ତାହା ମନୁସ୍ମୃତିରେ ଉଲ୍ଲିଖିତ ରହିଛି ।
Sambad is now on WhatsApp
Join and get latest news updates delivered to you via WhatsApp
ମନୁସ୍ମୃତିରେ ଏକ ଶ୍ଲୋକରେ ଯାହା କୁହାଯାଇଛି କି, “ଅଧ୍ୟାପନଂ ବ୍ରହ୍ମଯଜ୍ଞଃ ପିତୃ ଯଜ୍ଞସୁ ତର୍ପଣମ୍ ହୋମୋ ଦୈବୋ ବଳି ର୍ଭାତୋ ନୃୟ ଜ୍ୟୋତିଥି” ।
ବେଦର ଅଧ୍ୟୟନ କରିବା ଓ କରାଇବାକୁ ବ୍ରହ୍ମ ଯଜ୍ଞ ବୋଲି କୁହାଯାଏ । ନିଜର ପିତୃ ପୁରୁଷଙ୍କୁ ଶ୍ରାଦ୍ଧ ତର୍ପଣ କରିବା ହେଉଛି ପିତୃ ଯଜ୍ଞ । ନିୟମିତ ରୂପେ ଯଜ୍ଞ କରିବା ଦେବ ଯଜ୍ଞ,ବଳି ଦେବା ହେଉଛି ଭୁତ ଯଜ୍ଞ ଏବଂ ଅତିଥି ମାନଙ୍କର ସତ୍କାର କରିବା ତଥା ସେମାନଙ୍କୁ ଭୋଜନରେ ତୃପ୍ତ କରିବା ହେଉଛି ମନୁଷ୍ୟ ଯଜ୍ଞ । ଯେଉଁ ବ୍ୟକ୍ତି ନିୟମିତ ବେଦ ଅଧ୍ୟୟନ କରେ ଓ ଗାୟତ୍ରୀ ମନ୍ତ୍ର ଜପ କରିଥାଏ, ସେ ସମସ୍ତ ପାପରୁ ମୁକ୍ତ ହୋଇଥାଏ । ଠିକ୍ ସେହିପରି ଯେଉଁ ବ୍ୟକ୍ତି ପ୍ରତ୍ୟହ ଯଜ୍ଞ କରିଥାଏ,ଅତିଥିମାନଙ୍କୁ ଆଦର ସତ୍କାର କରିଥାଏ,ଗାଇ, କୁକର, କୁଆ ଆଦି ଜୀବଜନ୍ତୁଙ୍କୁ ଭୋଜନ କରାଇଥାଏ ସେ ମଧ୍ୟ ପାପର ପ୍ରାୟଶ୍ଚିତ କରିଥାଏ । ।