ପ୍ଲାଷ୍ଟିକ୍ ବୋତଲ ବଦଳରେ ରେଳ ଦେବେ ପେଟିଏମ୍ କ୍ୟାସ୍ବ୍ୟାକ୍
ନୂଆଦିଲ୍ଲୀ : ଭାରତୀୟ ରେଳ ବିଶ୍ୱ ପରିବେଶ ଦିବସରେ ଏକ ନୂତନ ଯୋଜନା ଆରମ୍ଭ କରିଛି । ଏହି ନିୟମ ଅନ୍ତର୍ଗତ ବଢ଼ୋଦରା ଷ୍ଟେସନ୍ ସହ କିଛି ଟ୍ରେନ୍ରେ ପ୍ଲାଷ୍ଟିକ୍ ବୋତଲ୍କୁ ନଷ୍ଟ କରିବା ପାଇଁ ଏକ ମେସିନ୍ ଲଗାଯାଇଛି । ଯାତ୍ରୀ ଏହି ମେସିନ୍ରେ ଅବ୍ୟବହୃତ ପ୍ଲାଷ୍ଟିକ୍ ବୋତଲ ପକାଇବା ଦ୍ୱାରା ତାଙ୍କୁ ଟଙ୍କା ମିଳିବ। ତେବେ ଏହା ଦ୍ୱାରା ୫ ଟଙ୍କା ପ୍ରତି ବୋତଲ ହିସାବରେ ଆପଣଙ୍କୁ ପେଟିଏମ୍ କ୍ୟାସ୍ବ୍ୟାକ୍ ମିଳିଥାଏ। ଏହା ଯୋଜନା ଦ୍ୱାରା ଦେଶରେ ପ୍ଲାଷ୍ଟିକ୍ ଆବର୍ଜନା କମ ହେବ ବୋଲି ଆଶା କରିଛି ଭାରତୀୟ ରେଳ।
Sambad is now on WhatsApp
Join and get latest news updates delivered to you via WhatsApp
କିପରି ପାଇବେ କ୍ୟାସ୍ବ୍ୟାକ୍ :
କ୍ୟାସ୍ବ୍ୟାକ୍ ପାଇବା ପାଇଁ ଯାତ୍ରୀଙ୍କୁ ବୋତଲ୍ ନଷ୍ଟ ମେସିନ୍ରେ ବୋତଲ୍ ପକାଇବା ପରେ ସେଠାରେ ନିଜର ପେଟିଏମ୍ ରେଜିଷ୍ଟର ମୋବାଇଲ୍ ନମ୍ବର ଡ଼ାଏଲ୍ କରିବାକୁ ପଡ଼ିବ । ଏହାର କିଛି ସମୟ ମଧ୍ୟରେ ଆପଣଙ୍କ ପେଟିଏମ୍ ଆକାଉଣ୍ଟକୁ ବୋତଲ ହିସାବରେ କ୍ୟାସ୍ବ୍ୟାକ୍ ମିଳିଯିବ ।
କେଉଁଠାରେ ରହିଛି ଏହି ମେସିନ୍:
ଭାରତୀୟ ରେଳ (ଆଇଆରସିଟିସି ) ବୋତଲ ନଷ୍ଟ କରିବା ଏହି ମେସିନ୍କୁ ପ୍ରଥମ ପର୍ଯ୍ୟୟରେ ନୂଆଦିଲ୍ଲୀକୁ ଯାଉଥିବା ୮ଟି ଶତାବ୍ଦୀ ଏବଂ ରାଜଧାନୀ ଟ୍ରେନ୍ରେ ଲଗାଇଛି । ଏହାକୁ ବିଶ୍ୱ ପରିବେଶ ଦିବସ ଅବସରରେ ଆରମ୍ଭ କରାଯାଇଛି। ଏହା ଦ୍ୱାରା ଦେଶରେ ପ୍ଲାଷ୍ଟିକ୍ ଆବର୍ଜନାର ମାତ୍ରା କମ୍ ହେବ ବୋଲି ଆଶା କରାଯାଇଛି।