ୟୁଟ୍ୟୁବର୍‌ ଅର୍ମାନ ମଲ୍ଲିକଙ୍କ ପୁଅ ଚିରାୟୁଙ୍କ ୟୁଟ୍ୟୁବରେ ସବ୍‌ସ୍କ୍ରାଇବର୍‌ ୨ ମିଲିୟନ୍‌: ଇନ୍‌ଷ୍ଟା‌ ଫଲୋୟର୍ସ ୪୧୪,୦୦୦

ନୂଆଦିଲ୍ଲୀ: ୟୁଟ୍ୟୁବର୍‌ ଅର୍ମାନ ମଲ୍ଲିକ ଖୁବ୍‌ ଲୋକପ୍ରିୟ। ଅର୍ମାନ ବି‌ଶେଷ ଭାବେ ତାଙ୍କ ୨ ଜଣ ପତ୍ନୀ ପାୟଲ୍‌ ମଲ୍ଲିକ ଓ କୃର୍ତ୍ତିକା ମଲ୍ଲିକଙ୍କୁ ନେଇ ଚର୍ଚ୍ଚାରେ ରହିଥାଆନ୍ତି। ନିକଟ ଅତୀତରେ ଅର୍ମାନଙ୍କ ୨ ଜଣ ପତ୍ନୀ ମିଶି ୩ ଜଣ ପିଲାଙ୍କୁ ଜନ୍ମ ଦେଇଛନ୍ତି। ନିକଟରେ ସେ ୨ ଜଣ ଶିଶୁ ପୁତ୍ର ଓ ଜଣେ ଶିଶୁ କନ୍ୟାର ବାପା ବନି ସାରିଛନ୍ତି। ତେ‌ବେ ଆପଣ ଜାଣିଥିବେ ଯେ ଅର୍ମାନଙ୍କର ପୂର୍ବରୁ ତାଙ୍କ ପ୍ରଥମ ପତ୍ନୀ ପାୟଲ୍‌ଙ୍କ ସହ ଏକ ପୁଅ ଅଛି। ତାଙ୍କର ସେହି ବଡ଼ ପୁଅର ନାମ ଚିରାୟୁ ମଲ୍ଲିକ। ଆପଣ ଜାଣିଲେ ଆଶ୍ଚର୍ଯ୍ୟ ହେବେ ଯେ ବାପାଙ୍କ ପରି ପୁଅ ଚିରାୟୁ ମଧ୍ୟ ଜଣେ ଜଣାଶୁଣା ୟୁଟ୍ୟୁବର୍‌।

ଖୁବ୍ କମ୍‌ ବୟସରୁ ସେ ବ୍ଲଗ୍‌ କରି ଅବିଶ୍ବସନୀୟ ସଫଳତା ସାଉଁଟି ପାରିଛନ୍ତି। ସେ ହେଉଛନ୍ତି ଜଣେ କଣ୍ଟେଟ୍‌ କ୍ରିଏଟର୍‌। ସଫଳ କୁନି କଣ୍ଟେଟ୍‌ କ୍ରିଏଟର୍‌ ଭାବେ ସେ ବେଶ୍‌ ଜଣାଶୁଣା। ୟୁଟ୍ୟୁବର୍‌ରେ ତାଙ୍କର ୨ ମିଲିୟନ୍‌ ସବ୍‌ସ୍କ୍ରାଇବର୍‌ ଅଛନ୍ତି। କେବଳ ସେତିକି ନୁହେଁ, ଇନ୍‌ଷ୍ଟାଗ୍ରାମ୍‌ରେ ତାଙ୍କର ୪୧୪,୦୦୦ ଫଲୋୟର୍ସ ରହିଛନ୍ତି।

ଚିରାୟୁ ମେ ୫ ୨୦୨୩ ରେ ୭ ବର୍ଷରେ ପାଦ ଦେଇଛନ୍ତି। ନିକଟରେ ତାଙ୍କ ଘରେ ଏକ ବଡ଼ ପାର୍ଟି ବି ଦେଖିବାକୁ ମିଳିଥିଲା। ଚିରାୟୁ ଏଥର ତାଙ୍କର ୩ ଜଣ କୁନି ଭାଇଭଉଣୀଙ୍କ ସହ ନିଜର ଜନ୍ମଦିନ ପାର୍ଟି ମନାଇଛନ୍ତି।

ଉଲ୍ଲେଖଯୋଗ୍ୟ, ନିକଟ ଅତୀତରେ ପ୍ରଥମେ ଅର୍ମାନଙ୍କ ଦ୍ବିତୀୟ ପତ୍ନୀ କୃର୍ତ୍ତିକା ଏକ ପୁତ୍ର ସନ୍ତାକୁ ଜନ୍ମ ଦେଇଥିବା ବେଳେ ତା’ର କିଛି ଦିନ ପରେ ତାଙ୍କ ପ୍ରଥମ ପତ୍ନୀ ପାୟଲ୍‌ ଏକ ପୁତ୍ର ଓ ଏକ କନ୍ୟା ସନ୍ତାନକୁ ଜନ୍ମ ଦେଇଛନ୍ତି।