ନୂଆଦିଲ୍ଲୀ: ଦାନ୍ତ ଦେଖାଅ ନାହିଁ, ବୋଲିଂ କର। ଭାରତ-ୱେଷ୍ଟଇଣ୍ଡିଜ୍ ମଧ୍ୟରେ ମ୍ୟାଚ୍ ଚାଲିଥିବା ବେଳେ କ୍ରିକେଟର ଯୁଜବେନ୍ଦ୍ର ଚହଲଙ୍କୁ ଏଭଳି କହିଥିଲେ ଭାରତୀୟ ଦଳର ଅଧିନାୟକ ରୋହିତ ଶର୍ମା। ମ୍ୟାଚ୍ ଶେଷ ହୋଇଥିବା ବେଳେ ଏହି ମ୍ୟାଚରେ ୱେଷ୍ଟଇଣ୍ଡିଜକୁ ହରାଇ ବିଜୟୀ ହୋଇଥିଲା ଭାରତ। ଏବେ ମ୍ୟାଚ୍ ସରିବା ପରେ ସେ ସମୟରେ ଏକ ଭିଡିଓ ଭାଇରାଲ ହେଉଛି। ଯେଉଁଥିରେ ରୋହିତ ଶର୍ମା ଚହଲଙ୍କୁ ଦାନ୍ତ ନଦେଖାଇ ବୋଲିଂରେ ଧ୍ୟାନ ଦେବାକୁ କହୁଛନ୍ତି।

Advertisment

ଭାଇରାଲ ଭିଡିଓରେ ଦେଖାଯାଇଛି ଯେ, ମ୍ୟାଚ୍ ସମୟରେ କମେଣ୍ଟ୍ରି କରାଯାଉଛି। ଏହି ସମୟରେ ଚହଲଙ୍କୁ ରୋହିତ ଶର୍ମା କହୁଛନ୍ତି ଯାଅ ଯାଅ ତାକୁ ଦାନ୍ତ ଦେଖାଅ ନାହିଁ। ସୂଚନା ମୁତାବକ, ଯୁଜଭେନ୍ଦ୍ର ଚହଲ ୱେଷ୍ଟଇଣ୍ଡିଜ୍ ଇନିଂସର ୧୫ତମ ଓଭରରେ ବୋଲିଂ କରୁଥିଲେ। ପ୍ରଥମ ବଲରେ ଚହଲ ତାଙ୍କ ସ୍ପିନ୍ ସହିତ କିରଣ ପୋଲାର୍ଡଙ୍କୁ ଅସୁବିଧାରେ ପକାଇଥିଲେ, କିନ୍ତୁ ପୋଲାର୍ଡ କୌଣସି ପ୍ରକାରେ ରନ୍ ସହ ଅଣ-ଷ୍ଟ୍ରାଇକ୍ ଆଡକୁ ଆସିଥିଲେ। ଏହା ପରେ ଯୁଜବେନ୍ଦ୍ର ଚହଲ ହସିବାକୁ ଲାଗିଲେ। ଏଭଳି ପରିସ୍ଥିତିରେ ସ୍ଲିପ୍‌ରେ ଠିଆ ହୋଇଥିବା ଅଧିନାୟକ ରୋହିତ ଶର୍ମା ଯୁଜବେନ୍ଦ୍ର ଚହଲଙ୍କୁ ଦାନ୍ତ ନଦେଖାଇ ଶୀଘ୍ର ବୋଲିଂ କରିବାକୁ କହିଥିଲେ। ଏହି ସମୟରେ ଷ୍ଟମ୍ପ ମାଇକରେ ରୋହିତଙ୍କ ଏହି କଥା ସମସ୍ତେ ଶୁଣିଥିଲେ, ଯାହାର ଭିଡିଓ ଏବେ ସୋସିଆଲ ମିଡିଆରେ ଭାଇରାଲ ହୋଇଛି।