ରୋଲ୍ସ ରଏସ୍ କାର୍କୁ ୮ଫୁଟ ଉପରେ ଝୁଲାଇ ସଫା କରୁଥିଲା ମେକାନିକ୍, ହଠାତ୍ ନିୟନ୍ତ୍ରଣ ହରାଇ ମେକାନିକ୍ ଉପରେ ଖସି ପଡ଼ିଲା କାର୍, ତା’ ପରେ…
ନୂଆଦିଲ୍ଲୀ: ସୋସିଆଲ ମିଡିଆରେ ଏକ ହୃଦୟ ଥରାଇବା ଭଳି ଭିଡିଓ ଭାଇରାଲ ହେଉଛି । ଭିଡିଓରେ ଦୁଇ ମେକାନିକ୍ ଦୁନିଆର ସବୁଠାରୁ ମହଙ୍ଗା କାର୍ ମଧ୍ୟରେ ଆସୁଥିବା ରୋଲ୍ସ ରଏସ୍ର ସଫେଇ କରୁଛନ୍ତି । ଭଲ ଭାବରେ ସଫା କରିବା ପାଇଁ କାର୍କୁ ତଳୁ ୮ଫୁଟ ଉଚ୍ଚରେ ଝୁଲାଇ ରଖା ଯାଇଛି । ଦୁହେଁ ସଫେଇ କାମରେ ବ୍ୟସ୍ତ ଥିବା ବେଳେ ହଠାତ୍ କାର୍ର ନିୟନ୍ତ୍ରଣ ବିଗିଡ଼ିବା ସହ କାର୍ଟି ଉପରକୁ ଉଠିବାକୁ ଲଗୁଛି । ଦୁଇ ମେକାନିକ୍ଙ୍କ ମଧ୍ୟରେ ଜଣେ ବାହାରକୁ ଆସି ଯାଇଥିବା ବେଳେ ଆଉ ଜଣେ ଉପରକୁ ଉଠୁଥିବା କାର୍କୁ ତଳକୁ ଟାଣୁଥିବା ଦେଖା ଯାଇଛି । ଠିକ୍ ସେତିକି ବେଳେ କାର୍ଟି ହଠାତ୍ ତଳକୁ ଖସି ପଡ଼ିବା ସହ ତଳେ ଥିବା ମେକାନିକ୍ ଜଣଙ୍କ ତଳେ ଚାପି ହୋଇ ଯାଉଛନ୍ତି ।
Sambad is now on WhatsApp
Join and get latest news updates delivered to you via WhatsApp
ଏହି ଘଟଣା ଘଟିବା ପରେ ପାଖରେ ଥିବା ଲୋକ ତୁରନ୍ତ ଆସି ତଳେ ଫସି ରହିଥିବା ମେକାନିକ୍ଙ୍କୁ ବାହାର କରୁଥିବା ଭିଡିଓରେ ଦେଖିବାକୁ ମିଳିଛି । ଭିଡିଓଟି ଚୀନ୍ର ବୋଲି ଜଣା ପଡ଼ିଥିବା ବେଳେ ମେକାନିକ୍ଙ୍କ ଘଟଣା ପରର ଅବସ୍ଥା କ’ଣ ତାହା ଜଣା ପଡ଼ି ପାରି ନାହିଁ ।