ନୂଆଦିଲ୍ଲୀ: ଟମାଟୋ ଦର ଆକାଶ ଛୁଆଁ ହୋଇଯାଇଛି। ବଜାରରେ ସମ୍ପ୍ରତି ଟମାଟୋ କିଲୋଗ୍ରାମ ପ୍ରତି ଦର ୧୫୦ରୁ ୨୫୦ ଟଙ୍କା ପର୍ଯ୍ୟନ୍ତ ରହିଛି। ଟମାଟୋର ମହଙ୍ଗା ଦରକୁ ନେଇ ସୋସିଆଲ ମିଡିଆରେ ବିଭିନ୍ନ ପ୍ରକାର ମଜାଳିଆ ଭିଡିଓ ସାମ୍ନାକୁ ଆସୁଥିବା ବେଳେ ନିକଟରେ ସ୍ତ୍ରୀ’ଙ୍କୁ ନ ପଚାରି ସ୍ବାମୀ ୨ଟି ଟମାଟୋ ରାନ୍ଧି ଦେଇଥିବାରୁ ମଧ୍ୟପ୍ରଦେଶର ଶହଡ଼ୋଲ୍‌ ଜିଲ୍ଲାରେ ବସବାସ କରୁଥିବା ଜଣେ ସ୍ତ୍ରୀ ତାଙ୍କ ସ୍ବାମୀଙ୍କ ସହିତ କଳହ କରି ଘରଛାଡ଼ି ଚାଲିଯାଇଥିବା ଘଟଣା ସାମ୍ନାକୁ ଆସିଥିଲା।

Advertisment

ଏହି କ୍ରମରେ ଦେଖିବାକୁ ଗଲେ ସୋସିଆଲ ମିଡିଆରେ ଟମାଟୋକୁ ନେଇ ଏକ ଭିଡିଓ ଭାଇରାଲ ହେଉଛି। ଏହି ଭିଡିଓରେ ଦେଖିବାକୁ ମିଳୁଛି, ଏକ ସ୍ଥାନରେ ଟମାଟୋ ଗଦା ହୋଇଛି। ଏହି ମହଙ୍ଗା ଟମାଟୋକୁ ଏକ ନାଗସ‌ାପ ଜଗି ବସିଛି। ମାଲିକ ଯେମିତି ଉକ୍ତ ଟମାଟୋକୁ ନେବାକୁ ଆସୁଛନ୍ତି ସାପ ଫଣାଟେକି ଗର୍ଜନ କରି ତାଙ୍କୁ ଦଂଶନ କରିବା ପାଇଁ ଦୌଡ଼ିଯାଉଛି। ସୌଭାଗ୍ୟବଶତଃ ସର୍ପ ଦଂଶନରୁ ଟମାଟୋ ମାଲିକ ବଞ୍ଚିଯାଉଛନ୍ତି।’

ଭୟଭୀତ କଲା ଭଳି ଏହି ଭିଡିଓକୁ ଇନଷ୍ଟାଗ୍ରାମରେ ମିର୍ଜା ମହମ୍ମଦ ଆରିଫ ଜୁଲାଇ ୧୧ ତାରିଖରେ ପୋଷ୍ଟ କରିଥିଲେ। ମିର୍ଜା ସାପ ଧରିବା କାମ କରିଥାଆନ୍ତି। ସାପ ଧରିବାର ବିଭିନ୍ନ ଭିଡିଓ ସେ ଇନଷ୍ଟାଗ୍ରାମ ଓ ୟ୍ୟୁଟୁବରେ ପୋଷ୍ଟ କରିଥାଆନ୍ତି। ନିକଟରେ ଟମାଟୋକୁ ସାପ ଜଗି ବସିଥିବାର ଭିଡିଓ ପୋଷ୍ଟ କରିଥିଲେ। ଯାହାକି ସୋସିଆଲ ମିଡିଆରେ ଭାଇରାଲ ହୋଇଛି।