ବିଜୟଓ୍ଵାଡ଼ା: ବୁଧବାର ଠାରୁ ବାର୍ଷିକ ତ୍ରିଦିବସୀୟ ଶାକମ୍ବରୀ ଦେବୀ ଉତ୍ସବ ଆରମ୍ଭ ହୋଇଛି। ଆଷାଢ଼ ଶୁକ୍ଳପକ୍ଷ ତ୍ରୟୋଦଶୀରୁ ଆରମ୍ଭ ହେଉଥିବା ଏହି ଉତ୍ସବ ପୂର୍ଣ୍ଣିମା ଦିନ ଶେଷ ହେବ। ପ୍ରତ୍ୟୁଷ ୩ ଘଟିକାରୁ ରାତି ୧୦ଟା ଯାଏଁ ଖୋଲା ମନ୍ଦିର ଖୋଲା ରହି ଏହି ଉତ୍ସବ ଜୁଲାଇ ୨୭ ଯାଏଁ ଚାଲିବ।

Advertisment

ଉତ୍ସବ ସମୟରେ ଦେବୀ କନକ ଦୁର୍ଗା ମାତା ଶାକମ୍ବରୀ ବେଶ ଧାରଣ କରନ୍ତି। ଏଥିପାଇଁ ପ୍ରତିମାଙ୍କୁ ଫଳଫୁଲୁରୀରେ ସଜା ଯାଇ ଶାକମ୍ବରୀ ଦେବୀ ଭାବେ ପୂଜା କରାଯାଏ। ଭକ୍ତମାନେ ଦେବୀ ଦୁର୍ଗାଙ୍କୁ ପନିପରିବା ଅର୍ପଣ କରନ୍ତି। ଶହ ଶହ କିଲୋ ଓଜନର ପନିପରିବାରେ ମନ୍ଦିର ପରିସରକୁ ଅତି ଆକର୍ଷଣୀୟ କରି ସଜା ଯାଏ। ଏହି ପବିତ୍ର ଅବକାଶରେ ମନ୍ଦିରରେ ଭାରି ଜନଗହଳି ହୁଏ।

publive-image

ମନ୍ଦିରର କାର୍ଯ୍ୟନିର୍ବାହୀ ଅଧିକାରୀ ଏମ୍‌ ପଦ୍ମା ଏହି ଉତ୍ସବକୁ ଉଦ୍‌ଘାଟନ କରିଛନ୍ତି। ଏହି ଅବସରରେ ମନ୍ଦିରର ମୁଖ୍ୟ ପରିଧି ଏବଂ ବେଦୀକୁ ସବୁଜ ପତ୍ର, ଫୁଲ, ପରିବା ଓ ଫଳରେ ସଜାଯାଇଛି। ପରିବା ମଧ୍ୟରେ ରହିଛି ବାଇଗଣ, କାକୁଡ଼ି, କୁନ୍ଦୁରୀ, କାଗେଜି, ଜହ୍ନି ଓ ଗାଜର, ଭେଣ୍ଡି, ବନ୍ଧାକୋବି, ବିଲାତୀ ବାଇଗଣ, ଲାଉ ଆଦି ଅନ୍ତର୍ଭୁକ୍ତ। ତିନି ଦିନର ଏହି ଉତ୍ସବରେ ମନ୍ଦିର କର୍ତ୍ତୃପକ୍ଷମାନେ ୪୦ ଟନ୍‌ ପରିବାପତ୍ରରେ ମନ୍ଦିର ସଜାଇବେ। ଫଳ ସହ କଞ୍ଚାଲଙ୍କା ଓ କଲରାର ମାଳ ମଧ୍ୟ ଦେବୀଙ୍କ ଅଳଙ୍କାର ଭାବେ ବ୍ୟବହାର କରାଯାଇଛି।

କିଂବଦନ୍ତି କହେ, ଦୁର୍ଭିକ୍ଷ ସୃଷ୍ଟି କରାଉଥିବା ଦୈତ୍ୟ ଧୁରୂରୁଦୁକୁ ଦେବୀ କନକ ଦୁର୍ଗା ପରାସ୍ତ କରିଥିଲେ। ଲୋକମାନଙ୍କର ଦୁର୍ଦ୍ଦଶା ଦେଖି ଦେବୀଙ୍କ ଆଖିରୁ ଲୁହ ଝରି ପଡ଼ିଥିଲା। ଫଳରେ ବିପୁଳ ପରିମାଣର ଖାଦ୍ୟ ଶସ୍ୟ ଓ ପନିପରିବା ଫଳିଥିଲା। ସେବେଠାରୁ ଭକ୍ତମାନେ ଦେବୀଙ୍କୁ ପନିପରିବାରେ ସଜାଇ ଆସୁଛନ୍ତି।