ଅଭିନେତ୍ରୀଙ୍କ ପ୍ରେମରେ ଟ୍ରକ ଚାଳକ‌; କିଡନୀ ଦାନ କରିବାକୁ ଅଛନ୍ତି ପ୍ରସ୍ତୁତ

ନୂଆଦିଲ୍ଲୀ: ବିହାରର ଭାଗଲପୁରର ବାସିନ୍ଦା ତଥା ଅଭିନେତ୍ରୀ ସଞ୍ଚିତା ବସୁ ତାଙ୍କ ରିଲ୍ ପାଇଁ ଚର୍ଚ୍ଚାରେ ରହିଛନ୍ତି। ସୋସିଆଲ ମିଡିଆରେ ତାଙ୍କର ଲକ୍ଷ ଲକ୍ଷ ପ୍ରଶଂସକ ଅଛନ୍ତି, ଯେଉଁମାନେ ତାଙ୍କୁ ବହୁତ ପସନ୍ଦ କରନ୍ତି ।

ସେ ଦକ୍ଷିଣ ଚଳଚ୍ଚିତ୍ର ‘ଫାଷ୍ଟ ଡେ ଫାଷ୍ଟ ସୋ'ରେ ମୁଖ୍ୟ ନାୟିକା ଭୂମିକାରେ ଅଭିନୟ କରିଥିଲେ। ଲୋକମାନେ ତାଙ୍କ ରିଲ୍ ଏବଂ ଚଳଚ୍ଚିତ୍ରକୁ ଖୁବ ପସନ୍ଦ କରନ୍ତି ।

ନିକଟରେ ଖବର ମିଳିଛି କି ଜଣେ ଟ୍ରକ ଚାଳକ ସଞ୍ଚିତା ବସୁଙ୍କ ପ୍ରେମରେ ପଡି ଯାଇଛନ୍ତି। ଟ୍ରକ ଚାଳକ ଜଣକ କହିଛନ୍ତି ଯେ, ‘ ମୁଁ ସଞ୍ଚିତାଙ୍କୁ ଭଲ ପାଏ ଏବଂ ମୁଁ ତାଙ୍କ ବିନା ବଞ୍ଚି ପାରିବି ନାହିଁ। ହଁ ତାଙ୍କୁ କେବେ ମୁଁ ସାମ୍ନାରେ ଦେଖି ନାହିଁ କିନ୍ତୁ ତାଙ୍କର ପ୍ରତ୍ୟେକ ଭିଡିଓକୁ ମୋ ଫୋନରେ ସେଭ କରି ରଖିଛି। ହଁ ‌ମୋ ଭଲ ପାଇବା ଏକପାଖିଆ କିନ୍ତୁ ମୁଁ ସଞ୍ଚିତାଙ୍କୁ ମୋ ଜୀବନରୁ ଅଧିକା ଭଲ ପାଏ। ତାଙ୍କର ଭିଡିଓ ଗୋଟିଏ ଦିନ ନଦେଖିଲେ ମୋତେ ଭଲ ଲାଗି ନଥାଏ। ଜାଣିଛି ମୋ ପ୍ରେମର କୌଣସି ଅସ୍ଥିତ୍ବ ନାହିଁ ତଥାପି ମୁଁ ଅଭିନେତ୍ରୀଙ୍କୁ ଭଲ ପାଉଛି ଓ ପାଉଥିବି ମଧ୍ୟ। ଦରକାର ପଡ଼ିଲେ ମୁଁ ତାଙ୍କ ପାଇଁ ଉଭୟ କିଡନୀ ଦାନ କରିବାକୁ ମଧ୍ୟ ପ୍ରସ୍ତୁତ ଅଛି।’

ବବି କୁମାର ମିଶ୍ର ନାମକ ଜଣେ ଫେସବୁକ ବ୍ୟବହାରକାରୀ ତାଙ୍କ ଆକାଉଣ୍ଟରେ ଏହି ଟ୍ରକ ଚାଳକଙ୍କ ଭିଡିଓ ସେୟାର କରିଛନ୍ତି। ସଞ୍ଚିତା ବସୁ ଭାଗଲପୁରର ବାସିନ୍ଦା। ସେ ସାଉଥ୍ ଇଣ୍ଡଷ୍ଟ୍ରିରେ କାମ କରନ୍ତି । ଟ୍ରକ ଚାଳକଙ୍କ ଏହି ଅନନ୍ୟ ପ୍ରେମ କାହାଣୀକୁ ନେଇ ସୋସିଆଲ ମିଡିଆରେ ଚର୍ଚ୍ଚା ଜୋର ଧରିଛି ।