/sambad/media/agency_attachments/2024-07-24t043029592z-sambad-original.webp)
/sambad/media/media_files/2025/03/26/pMYpnqbgnnj0Pilzli9A.jpg)
ନୂଆଦିଲ୍ଲୀ: ଉତ୍ତରପ୍ରଦେଶର ସନ୍ଥ କବୀରନଗରରୁ ଏକ ଆଶ୍ଚର୍ଯ୍ୟଜନକ ଘଟଣା ସାମ୍ନାକୁ ଆସିଛି। ଏଠାରେ ଜଣେ ସ୍ୱାମୀ ସ୍ତ୍ରୀଙ୍କୁ ତାଙ୍କ ପ୍ରେମିକଙ୍କ ସହ ବିବାହ କାରାଇବା ଘଟଣା ଚର୍ଚ୍ଚାରେ ରହିଛି। କେବଳ ଏତିକି ନୁହେଁ, ବ୍ୟକ୍ତି ଜଣକ ତାଙ୍କ ସ୍ତ୍ରୀଙ୍କଠାରୁ ଜନ୍ମ ହୋଇଥିବା ଦୁଇ ସନ୍ତାନକୁ ନିଜ ପାଖରେ ରଖିବା ସହିତ ଖୁସିଖୁସିରେ ସ୍ତ୍ରୀଙ୍କୁ ପ୍ରେମିକ ସହ ନୂଆ ଜୀବନ ଆରମ୍ଭ କରିବା ପାଇଁ ଅନୁମତି ଦେଇ ବିବାହ ପାଇଁ ସମସ୍ତ ପ୍ରକାର ଆୟୋଜନ ବି କରିଥିଲେ।
ସୂଚନାଅନୁଯାୟୀ, ଧନଘଟା ଥାନା ଅଞ୍ଚଳର କଟାର ଜୋତ ଗ୍ରାମର ବାସିନ୍ଦା ବବଲୁଙ୍କ ପୁଅ କଲ୍ଲୁଙ୍କ ବିବାହ ୨୦୧୭ ମସିହାରେ ଗୋରଖପୁର ଜିଲ୍ଲାର ବେଲ ଘାଟ ଥାନା ଅଞ୍ଚଳର ଭୁଲନଚକ ଗ୍ରାମର ବାସିନ୍ଦା ତୌଲି ରାମଙ୍କ ଝିଅ ରାଧିକାଙ୍କ ସହିତ ହୋଇଥିଲା।
ବିବାହ ପରେ ସବୁକିଛି ଠିକଠାକ ଚାଲିଥିଲା । ସ୍ୱାମୀ ଓ ସ୍ତ୍ରୀ ଦୁହେଁ ବେଶ ଖୁସିରେ ଦିନ କାଟୁଥିଲେ। ଆଠ ବର୍ଷର ବିବାହ ମଧ୍ୟରେ କଲ୍ଲୁ ଓ ରାଧିକାଙ୍କ ଦୁଇଟି ସନ୍ତାନ ମଧ୍ୟ ଥିଲେ। ବଡ଼ ସନ୍ତାନର ବୟସ ସାତ ବର୍ଷ ନାମ ଆର୍ଯ୍ୟାନ ଥିବା ବେଳେ ଦ୍ବିତୀୟ ସନ୍ତାନ ଶିବାନୀ, ଯାହାଙ୍କ ବୟସ ୨ବର୍ଷ। କଲ୍ଲୁ ପ୍ରାୟତଃ କାମ ପାଇଁ ଘରୁ ବାହାରକୁ ଯାଉଥିଲେ। ଏଭଳି ସମୟରେ ରାଧିକା ଉକ୍ତ ଗାଁର ଜଣେ ଯୁବକଙ୍କ ସହ ମିଳାମିଶା କରୁଥିଲେ। କିଛିଦିନର ମିଳାମିଶା ମଧ୍ୟରେ ରାଧିକା ଗାଁର ଉକ୍ତ ଯୁବକଙ୍କ ପ୍ରେମରେ ପଡ଼ି ଯାଇଥିଲେ।
ସ୍ତ୍ରୀଙ୍କ ଏ ସମ୍ପର୍କ ବିଷୟରେ ଯେତେବେଳେ ସ୍ୱାମୀ ଜାଣିଥିଲେ ତାଙ୍କ ପାଦତଳୁ ମାଟି ଖସିଗଲା ଭଳି ଲାଗିଥିଲା। ସେ ସ୍ତ୍ରୀଙ୍କୁ ଅନେକ ବୁଝାଇ କହିଥିଲେ, ‘ଯାହା ହୋଇଯାଇଛି ହୋଇଯାଇଛି। ଏବେ ତୁମେ ଏ ସମ୍ପର୍କରେ ପୁନଃଚ୍ଛେଦ ପକାଇ ଦିଅ।’ କିନ୍ତୁ ସ୍ବାମୀଙ୍କ କଥାରେ ସ୍ତ୍ରୀ ରାଜି ହୋଇ ନଥିଲେ। ଏହାପରେ ଗାଁରେ ଏକ ପଞ୍ଚାୟତ ବସିଥିଲା।
