୨୦୨୫ ସୁଦ୍ଧା ତିଆରି ହେବ ରୋବଟିକ୍ ସହର: କୃତ୍ରିମ ଚନ୍ଦ୍ର ଦେବ କିରଣ, ଉଡିବ କାର
ସୁରକ୍ଷା ଦେବେ ରୋବର୍ଟ
ନୂଆଦିଲ୍ଲୀ: ରାସ୍ତାରେ ରୋବର୍ଟ ବୁଲିବେ, ଉପରେ କାର ଉଡିବ । ଏଠାରେ କୌଣସି ଫିଲ୍ମର କଥା କୁହାଯାଉନାହିଁ । ଆସନ୍ତା ଦିନରେ ବାସ୍ତବରେ ଏପରି ଘଟିବାକୁ ଯାଉଛି । ହଲିଉଡ୍ ଫିଲ୍ମରେ ଯେପରି ରୋବର୍ଟ ଆଉ କାର ଆକାଶରେ ଉଡନ୍ତି, ଠିକ୍ ସେହିପରି ଏହି ଦେଶରେ ରୋବର୍ଟ ବୁଲିବେ ଆଉ କାର୍ ଉପରେ ଉଡିବ । ସାଉଦି ଆରବ ଏପରି ଏକ ସହର ବନାଇବାକୁ ଯାଉଛି, ଯେଉଁଠାରେ ରୋବର୍ଟ ଲୋକଙ୍କୁ ସୁରକ୍ଷା ଦେବା ସହ ନିଜେ ଚାକିରି ମଧ୍ୟ କରିପାରିବେ ।
Sambad is now on WhatsApp
Join and get latest news updates delivered to you via WhatsApp
କେବଳ ଏତିକି ନୁହେଁ ଏହି ସହରରେ କୃତ୍ରିମ ବାଦଲ ତିଆରି କରାଯାଇ ବର୍ଷା କରାଯିବ। ମୋଟାମୋଟି ଭାବେ କହିବାକୁ ଗଲେ ଏହି ସହରରେ ସବୁକିଛି ମନୁଷ୍ୟ ତିଆରି ଜିନିଷ ରହିବ । ସାଉଦି ଆରବର ତବୁକ୍ ରାଜ୍ୟରେ ଏପରି ସହର ନିର୍ମାଣ କରାଯିବ ବୋଲି ଜଣାପଡ଼ିଛି । ଏହି ସହରର ନାମ ରଖାଯିବ ‘ନିୟୋମ’ । ବ୍ରିଟେନ୍ ଗଣମାଧ୍ୟମରେ ପ୍ରକାଶ ପାଇଥିବା ରିପୋର୍ଟ ଅନୁସାରେ, ୨୦୨୫ ସୁଦ୍ଧା ପ୍ରସ୍ତୁତ ହୋଇଯିବ ଏହି ସହର । ‘ନିୟୋମ’ ବିଶ୍ୱର ସବୁଠୁ ଅଲଗା ସହର ଭାବେ ପରିଗଣିତ ହେବ । ସୌର ଶକ୍ତି ଏବଂ ପବନ ଶକ୍ତି ଦ୍ୱାରା ଏହି ସହର ସଂଚାଳିତ ହେବ । ସବୁଠୁ ବଡକଥା ହେଉଛି ଏହି ସହରରେ କୃତ୍ରିମ ଚନ୍ଦ୍ର ନିର୍ମାଣ କରାଯିବ । ରାତି ହେଲେ ପ୍ରାକୃତିକ ଚନ୍ଦ୍ର ଭଳି କୃତ୍ରିମ ଚନ୍ଦ୍ର ରାତିରେ ଆଲୋକ ପ୍ରଦାନ କରିବ ।
‘ନିୟୋମ’ର ଅଧ୍ୟକ୍ଷ କ୍ରାଉନ ଫ୍ରିସ୍ ମହମ୍ମଦ ବିନି ସଲମାନ କହିଛନ୍ତି, ଏହି ସହର ଡ୍ରୋନ୍ ଫ୍ରେଣ୍ଡଲି ଏବଂ ରୋବର୍ଟିକ୍ସ ବିକାଶ କେନ୍ଦ୍ର ପାଲଟିବ । ଠିକ୍ ହଲିଉଡ୍ ଫିଲ୍ମରେ ଉଡୁଥିବା ଟ୍ୟାକ୍ସି ଓ କାର ଭଳି ଏଠାରେ ଉଡନ୍ତା କାର ଓ ଟ୍ୟାକ୍ସି ଦେଖିବାକୁ ମିଳିବ । ସାଉଦି ଆରବରେ ବର୍ଷା ହେଉନାହିଁ କିନ୍ତୁ ଏହି ସହରରେ କୃତ୍ରିମ ବାଦଲ ତିଆରି କରାଯାଇ ବର୍ଷା କରାଯିବ । ସମୟ ଅନୁସାରେ ବର୍ଷା ହେବା ସହ ଏଥିପାଇଁ କୋଟି କୋଟି ଟଙ୍କା ଖର୍ଚ୍ଚ ହେବ।