ନୂଆଦିଲ୍ଲୀ: ଆପଣ ବିଭିନ୍ନ ଡିଜାଇନର କାର୍ ରାସ୍ତାରେ ଗଡ଼ୁଥିବାର ଦେଖିଥିବେ । ବୋଧ୍ ହୁଏ ଏମିତି କାର୍ ଆପଣମାନେ କେବେ ଦେଖି ନଥିବେ ଯେଉଁଠି ଜଣେ ଜିଅନ୍ତା ମଣିଷ ମୁହୂର୍ତ୍ତକରେ ପାଲଟିଯାଏ କାର୍ । କଥାଟି ଆଶ୍ଚର୍ଯ୍ୟ ଲାଗିଲେବି ସତ । ଏଥିରେ ସଂଲଗ୍ନ ଭିଡିଓରେ ଯେଉଁ ଦୃଶ୍ୟ ଅଛି ତାହା ଦେଖିଲେ ଆପଣ ତାଜୁବ ହୋଇଯିବେ । ଦେଖନ୍ତୁ ଏବେ । କିଭଳି ରୋବଟ ଭଳି ସଜବାଜ ହୋଇଥିବା ମଣିଷଟି ହଠାତ୍ କାର ପାଲଟିଯାଉଛି । ହୁଏତ ଟ୍ରାନ୍ସଫର୍ମର୍ସ ଫିଲ୍ମରେ ମଣିଷ ରୋବୋଟ ବନିବାର ଦେଖିଥିବେ । ହେଲେ ସତରେ ମଣିଷ ଯେ କାର ପାଲଟିପାରେ ତାହା କେବେ ଦେଖି ନ ଥିବେ, ଯାହା ଏ ଭିଡିଓରେ ଦେଖିବାକୁ ମିଳୁଛି । ଏହି ଭିଡିଓ ଏବେ ସୋସିଆଲ ମିଡିଆରେ ବେଶ୍ ଭାଇରାଲ ହେବାରେ ଲାଗିଛି ।
Sambad is now on WhatsApp
Join and get latest news updates delivered to you via WhatsApp
ଭିଡିଓଟି ଅଫିଜେନ୍ ନାମକ ଏକ ଟ୍ୱିଟର ପେଜରେ ପୋଷ୍ଟ ହୋଇଛି, ଯାହାକୁ ଥରେ ଦେଖିଲେ ଆପଣ ବି ସେୟାର କରିବାକୁ ବାଧ୍ୟ ହେବେ । ଆଉ ବ୍ୟକ୍ତିଙ୍କ ଜ୍ଞାନକୌଶଳକୁ ପ୍ରଶଂସା ମଧ୍ୟ କରିବେ । ବ୍ୟକ୍ତି ଜଣକ ରାସ୍ତାରେ ନିଜର ଜ୍ଞାନ କୌଶଳକୁ ନିଖୁଣ ଭାବେ ପ୍ରଦର୍ଶନ କରି କାର୍ ପାଲଟି ଯାଇଥିଲେ ।
ସୋସିଆଲ ମିଡିଆରେ ଭାଇରାଲ ହେଉଥିବା ଭିଡିଓରେ ବ୍ୟକ୍ତି ଜଣଙ୍କ ନିଜ ପିଠିରେ ପ୍ଲାଷ୍ଟିକ୍ ସେଟ୍ଅପ୍ ପିନ୍ଧିଛନ୍ତି । ତାଙ୍କ ହାତ ଗୋଡ଼ରେ ଟାୟାର ଖଞ୍ଜାଯାଇଛି , ଏବଂ କାରର ବଡି ଭଳି ପଛରେ ଏକ ଡିଜାଇନ୍ ଦେଖାଯାଉଛି । ଯାହା ହଠାତ୍ ରାସ୍ତାରେ ବଙ୍କା ହୋଇ ଏକ ଛୋଟ କାରରେ ପରିଣତ ହୋଇଯାଉଛି । ଆଉ ସେ କାରଟି ବି ରାସ୍ତାରେ ଚାଲୁଛି । ଏହି ବିସ୍ମୟକାରୀ ଭିଡିଓ ଅପଲୋଡ ହେବାର କିଛି ସମୟ ମଧ୍ୟରେ ବେଶ ଭାଇରାଲ ହୋଇ ସାରିଛି । ପାଖାପାଖି ୩୮ ଲକ୍ଷରୁ ଅଧିକ ଲୋକ ଏହି ଭିଡିଓକୁ ଦେଖିସାରିଥିବା ବେଳେ ଭିନ୍ନ ଭିନ୍ନ ମତ ଦେଇଛନ୍ତି।