ସୁନା ଖୁରରେ ଖିଅର ହେବେ କି? ଦେବେ ମାତ୍ର ୧୦୦ ଟଙ୍କା
ପୁଣେ: ସୁନା ଖୁରରେ ଖିଅର ହେବେ, ଆଉ ମାତ୍ର ୧୦୦ ଟଙ୍କା ଦେବେ | ଲୋକଙ୍କୁ ଆକର୍ଷିତ କରିବା ପାଇଁ ପୁଣେର ଜଣେ ସେଲୁନ୍ ମାଲିକ ଏଭଳି ଏକ ନିଆରା ଉପାୟ ଆପଣାଇଛନ୍ତି | ମିଳିଥିବା ସୂଚନା ମୁତାବକ ପୁଣେର ଜଣେ ସେଲୁନ ମାଲିକ କରୋନା ମହାମାରୀ ଏବଂ ଲକଡାଉନ ଯୋଗୁଁ ବ୍ୟବସାୟରେ କ୍ଷତି ସହିଥିଲେ । ଆଉ ଗ୍ରାହକଙ୍କୁ ଆକର୍ଷିତ କରିବା ପାଇଁ ସେ ଏକ ସୁନା ରେଜର(ଖୁର) ସାହାଯ୍ୟରେ ଏବେ ଲୋକଙ୍କୁ ଖିଅର କରୁଛନ୍ତି । ପୁଣେ ନିକଟ ଦେହୁଗାଓଁରେ ଏକ ସେଲୁନ୍ ଚଳାଉଥିବା ଅବିନାଶ ଏବେ ଏମିତି ଏକ ବାଟ ଆପଣାଇଛନ୍ତି ଯେ ଦୋକାନରେ ଗ୍ରାହକଙ୍କ ଭିଡ ଦେଖିବାକୁ ମିଳୁଛି |
Sambad is now on WhatsApp
Join and get latest news updates delivered to you via WhatsApp
ଅବିନାଶଙ୍କ କହିବା ମୁତାବକ କରୋନା ମହାମାରୀ ଏବଂ ଲକଡାଉନ ଯୋଗୁଁ ଅନେକ ମାସ ପର୍ଯ୍ୟନ୍ତ ସେଲୁନ ବନ୍ଦ ରହିଥିଲା। କିନ୍ତୁ ଯେତେବେଳେ ଲକଡାଉନ୍ ଧୀରେ ଧୀରେ ସମାପ୍ତ ହେଲା, ସେତେବେଳେ ଗ୍ରାହକମାନେ ସେଲୁନକୁ ଆସିବାକୁ ସେତେ ଆଗ୍ରହ ପ୍ରକାଶ କରିନଥିଲେ | ଆଉ ଏହାକୁ ଦେଖି ସେ ଲୋକଙ୍କ ଧ୍ୟାନ ଆକର୍ଷିତ କରିବା ପାଇଁ ସୁନା ଖୁର ତିଆରି କରାଇଥିଲେ | ଅବିନାଶ ପିମ୍ପ୍ରି ଅଞ୍ଚଳରେ ଜଣେ ସୁନା କାରିଗରଙ୍କୁ ଏହି ଖୁର ତିଆରି କରିବା ପାଇଁ କହିଥିଲେ |
ଆଉ କାରିଗର ଜଣକ ୧୮ କ୍ୟାରେଟ ସୁନା ବ୍ୟବହାର କରି ଖୁର ତିଆରି କରିଥିଲେ | ଆଉ ଏଥିରେ ମୋଟ ୪ ଲକ୍ଷ ଟଙ୍କା ଖର୍ଚ୍ଚ ହୋଇଛି। ତେବେ ସୁନା ଖୁରରେ ଖିଅର ହେବାକୁ ମାତ୍ର ୧୦୦ ଟଙ୍କା ଖର୍ଚ୍ଚ କରିବାକୁ ପଡିବ ବୋଲି ଅବିନାଶ କହିଛନ୍ତି |