ନୂଆଦିଲ୍ଲୀ: ସାପ ନାମ ଶୁଣିଲେ ସମସ୍ତଙ୍କ ଲୋମମୂଳ ଟାଙ୍କୁରି ଉଠିଥାଏ। ମନରେ ଏକ ପ୍ରକାର ଭୟ ଖେଳି ଯାଇଥାଏ। ଯଦି ଆମେ ବିଶାଳ ଅଜଗର ସାପ ବିଷୟରେ କହିବା, ତେବେ ଏହା ମଣିଷ ଠାରୁ ଆରମ୍ଭ କରି ଜୀବଜନ୍ତୁଙ୍କୁ ବି ଗିଳି ଦେଇଥାଏ।| ସେଥିପାଇଁ ସର୍ବଦା ସାପ ଠାରୁ ଦୂରରେ ରହିବାକୁ ପରାମର୍ଶ ଦିଆଯାଏ ।
Sambad is now on WhatsApp
Join and get latest news updates delivered to you via WhatsApp
ନିକଟରେ ଦୁଇଟି ଅଜଗର ସାପକୁ ନେଇ ସୋସିଆଲ ମିଡିଆରେ ଏକ ଆଶ୍ଚର୍ଯ୍ୟଜନକ ଭିଡିଓ ଭାଇରାଲ ହେଉଛି। ଏହି ଭିଡିଓରେ ଜଣେ ବ୍ୟକ୍ତି କାନ୍ଧରେ ଦୁଇଟି ଅଜଗର ସାପ ପକାଇଥିବାର ନଜର ଆସିଛନ୍ତି । କେବଳ ଏତିକି ନୁହେଁ, ମୁଣ୍ଡରେ ଟୋପି ଓ ମୁହଁରେ ମାସ୍କ ପିନ୍ଧିଥିବା ବ୍ୟକ୍ତି ଜଣକ ଦୁଇଟି ଅଜଗରକୁ କାନ୍ଧରେ ପକାଇ ଖୁସିରେ ନୃତ୍ୟ କରୁଥିବା ଦେଖିବାକୁ ମିଳୁଛି।
View this post on Instagram
ୱାର୍ଲଡ ଅଫ ସ୍ନେକ ନାମକ ଇନଷ୍ଟାଗ୍ରାମ ଆକାଉଣ୍ଟରୁ ଏହି ଭିଡିଓ ଅପଲୋଡ୍ ହୋଇଛି । ଭିଡିଓ ଦେଖି ଜଣେ ସୋସିଆଲ ମିଡିଆ ବ୍ୟବହାରକାରୀ ଲେଖିଛନ୍ତି, ବ୍ୟକ୍ତି ଜଣକ ତାଙ୍କ ଜୀବନକୁ ନେଇ ଥକି ପଡ଼ିଛନ୍ତି। ଆଉ ଜଣେ ଲେଖିଛନ୍ତି , ବ୍ୟକ୍ତି ଜଣକ ଜନ୍ତୁ ଦୁଇଟିକୁ ଏପରି କାନ୍ଧରେ ପକାଇ ହଇରାଣ କରୁଛନ୍ତି। ତାଙ୍କୁ ଏପରି କରିବାର ନଥିଲା। ଯିଏବି ଏହି ଭିଡିଓ ପ୍ରସ୍ତୁତ କରିଛନ୍ତି ବ୍ୟକ୍ତି ଜଣକୁ ଏପରି କରିବାକୁ ମନା କରିବାର ଥିଲା।