ନୂଆଦିଲ୍ଲୀ: ସାପ ପୃଥିବୀରେ ଦେଖିବାକୁ ମିଳୁଥିବା  ବିପଜ୍ଜନକ ଜୀବ ମଧ୍ୟରୁ ଗୋଟିଏ । ସାପ ନାମ ଶୁଣିଲା ମାତ୍ରେ ଲୋମମୂଳ ଟାଙ୍କୁରି ଉଠିଥାଏ। ସାପ ଉପରେ କେ‌ବେ ବି ଭରସା କରି ହୋଇ ନଥାଏ । ସେ କୌଣସି ପରିସ୍ଥିତି ବି ଆକ୍ରମଣ କରିପାରେ।

Advertisment

ଏମିତି ବି କିଛି ସାପ ଅଛି ଯେଉଁମାନଙ୍କ ଗୋଟିଏ ଚୋଟ ମଣିଷ ଜୀବନ ନେଇ ଯାଇଥାଏ। ତେଣୁ ଛୋଟ ହେଉ କି ବଡ଼ ସାପକୁ ଦେଖିଲେ ଲୋକମାନଙ୍କ ମଧ୍ୟରେ କୋକୁଆ ଭୟ ଦେଖା ଦେଇଥାଏ।

ସୋସିଆଲ ମିଡିଆରେ ଜଣେ ଯୁବତୀ ଓ ସାପକୁ ନେଇ ଆଶ୍ଚର୍ଯ୍ୟଜନକ ଭିଡିଓ ସାମ୍ନାକୁ ଆସିଛି।  ଏହି ଭିଡିଓରେ ଯୁବତୀ ନିର୍ଭୟରେ ଏକ ସାପ ମଥାକୁ ଚୁମ୍ବନ ଦେଉଥିବାର ଦେଖିବାକୁ ମିଳୁଛି। ଏହି ଭିଡିଓ ସାମ୍ନାକୁ ଆସିବା ପରେ ସୋସିଆଲ ମିଡିଆ ବ୍ୟବହାରକାରୀମାନେ ଆଶ୍ଚର୍ଯ୍ୟ ହୋଇଯାଇଛନ୍ତି। ଭିଡିଓ ଦେଖି ବି ଭୟ ଲାଗୁଛି।

ଭିଡିଓରେ ଏହା ଦେଖିବାକୁ ମିଳୁଛି ଯେ ଏକ ବିଶାଳ କଳା ରଙ୍ଗର ସାପ ଜଙ୍ଗଲରେ ଫଣା ଟେକି ବସିଛି। ଆଉ ଏହି ସମୟରେ ଯୁବତୀ ଜଣକ ସାପ ନିକଟକୁ ଆସି ହାତରେ ତାର ବେକକୁ ସ୍ପର୍ଶ କରି ମଥାରେ ଚୁମ୍ବନ ଦେଇଥିଲେ। ଯୁବତୀଙ୍କ ଠାରୁ ଚୁମ୍ବନ ପାଇ ସାପ ବି ସେମିତି ସ୍ଥିର ‌ହୋଇ ରହିଥିଲା।

ଭିଡିଓଟି rasal_viper ନାମକ ଏକ ଇନଷ୍ଟାଗ୍ରାମ ଆକାଉଣ୍ଟରେ ସେୟାର କରାଯାଇଛି । ଭିଡିଓଟି ଏପର୍ଯ୍ୟନ୍ତ ୬ ଲକ୍ଷରୁ ଅଧିକ ଭ୍ୟୁ ପାଇଛି | ଏଥିସହିତ ୧୫ ହଜାରରୁ ଅଧିକ ଲୋକ ଏହି ଭିଡିଓକୁ ପସନ୍ଦ କରିଛନ୍ତି। ଏହି ଭିଡିଓ ଦେଖି ଲୋକମାନେ ବିଭିନ୍ନ ପ୍ରକାରର ପ୍ରତିକ୍ରିୟା ଦେଉଛନ୍ତି |

ସୌଜନ୍ୟ: ଜି ନ୍ୟୁଜ