କାର୍‌, ବଙ୍ଗଳା ଓ କୋଟିକୋଟି ଟଙ୍କାର ମାଲିକ ହେବା ପରେ ବି ଏହି କାରଣରୁ ବାପାମଆଙ୍କୁ ନିଜ ଧନ ସଂପର୍କରେ କହିନାହାନ୍ତି ଯୁବକ

ନୂଆଦିଲ୍ଳୀ: ସୋସିଆଲ୍‌ ମିଡିଆରେ ଅର୍ଥ ଉପାର୍ଜନ କରିବା ଏବେ ଖୁବ୍‌ ସହଜ ହୋଇଯାଇଛି। ଜଣେ ୨୬ ବର୍ଷୀୟ ଯୁବକ ଏହି ସୋସିଆଲ୍‌ ମିଡିଆ ଜରିଆରେ କୋଟି କୋଟି ଟଙ୍କା ରୋଜଗାର କରି ମଧ୍ୟ ଏ ସଂପର୍କରେ ନିଜ ମାଆବାପାଙ୍କୁ କହିବାକୁ ଭୟ କରନ୍ତି। ତାହାର କାରଣ ଜାଣିଲେ ଆପଣ ଆଶ୍ଚର୍ଯ୍ୟ ହୋଇଯିବେ।

ଯୁବକ ଜଣକ କୋଟି କୋଟି ଟଙ୍କା, ବିଳାସମୟ ଘର ଓ ଗାଡ଼ିର ମାଲିକ ହୋଇ ମଧ୍ୟ ନିଜ ମାଆବାପାଙ୍କୁ ନକହିବାର କାରଣ ହେଉଛି କାଳେ ବାପାମାଆ ତାଙ୍କ ‌ରୋଜଗାର ଉତ୍ସକୁ ବୁଝି ପାରିବେ ନାହିଁ। କାଳ‌େ ଭାବିବେ ଯେ ସେ କୌଣସି ଅନୈତିକ ଉପାୟରେ ଏତେ ଟଙ୍କା ରୋଜଗାର କରିଛନ୍ତି।

 

 

View this post on Instagram

 

A post shared by Giuseppe Fiorentino (@beppewrld)

ଦ ମିରର୍‌ ମୁତାବକ, ଏହି ଯୁବକଙ୍କ ନାମ ଗ୍ୟୁସେପ୍‌ ଫିଓରେଣ୍ଟିନୋ। ‌ସେ ଏକ କନ୍‌ସଲଟିଂ ଏଜେନ୍ସିର ନିର୍ମାତା। ତାଙ୍କ କହିବା କଥା ‌ହେଉଛି ‘ମୁଁ ଯଦି ମୋ ମାଆବାପାଙ୍କୁ ମୋର ସଂପତ୍ତି ବିଷୟରେ କହିବି ତ ତାଙ୍କୁ ଲାଗିବ ମୁଁ କୌଣସି ଭୁଲ୍‌ ତରିକାରେ ଅର୍ଥ କମେଇଛି। ସେ ମୋ ଉପରେ ରାଗିଯିବେ। କାରଣ ଅନ୍‌ଲାଇନ୍‌ରୁ ଟଙ୍କା ରୋଜଗାର କରିହୁଏ ବୋଲି ସେମାନଙ୍କର ଧାରଣା ନାହିଁ। ସେଥିପାଇଁ ମୁଁ ତାଙ୍କୁ ମୋ ବିଷୟରେ ସବୁ କଥା ଲୁ‌ଚେଇଛି।’

ଗ୍ୟୁସେପ୍‌ ଇ-କମର୍ସ ସାଇଟରୁ ଭଲ ରକମର ରୋଜଗାର କରି ପାରୁଛନ୍ତି। ସେ ଖୁବ୍ ଶୀଘ୍ର ଅଧିକ ରକମର ଧନ ଅର୍ଜନ କରିଥିବାରୁ ତାଙ୍କ ବାପାମାଆ ସେକଥା ବୁଝିପାରିବେ ନାହିଁ ବୋଲି ତାଙ୍କ ମନରେ ଭୟ ରହିଛି। ଇନ୍‌ଷ୍ଟାଗ୍ରାମ୍‌ରେ ତାଙ୍କର ପ୍ରାୟ ୪୫୦୦୦ ଫଲୋୟର୍ସ।

ସମ୍ବନ୍ଧିତ ଖବର