ଅଷ୍ଟ୍ରିଆର ଜଣେ ନିଆରା ସଂଗ୍ରାହକ ହେଉଛନ୍ତି ଡାଇତର୍ କାପିସ୍ତ। ସେ ସ୍ବଦେଶର ଏକ ଘରୋଇ ବିମାନ ଚଳାଚଳ ସ˚ସ୍ଥାରେ ଫ୍ଲାଇଟ୍ ଆଟେଣ୍ତାଣ୍ଟ୍ ଭାବେ କାମ କରନ୍ତି। ବିମାନ ଭିତରେ ଯାତ୍ରୀଙ୍କୁ ଖାଇବା ବେଳେ ଦିଆଯାଉଥିବା ଚାମଚ ସ˚ଗ୍ରହ କରିବା, ତାଙ୍କର ଏକ ମାତ୍ର ନିଶା। ୪୪୭ଟି ଏଆର୍ଲାଇନ୍ସରେ ବ୍ୟବହାର କରାଯାଉଥିବା ୧୭୬୦ଟି ଚାମଚ ସେ ସ˚ଗ୍ରହ କରିରଖିଛନ୍ତି।
Sambad is now on WhatsApp
Join and get latest news updates delivered to you via WhatsApp
ଶୈଶବରେ ଭଉଣୀ ଗୁନ୍ଦାଙ୍କ ସହ ସେ ସ୍ପେନ୍ ଭ୍ରମଣରେ ଯାଇଥିଲେ। ଖାଇବା ଚାମଚରୁ ଗୋଟିଏ ରଖିନେବା ପାଇଁ ବିମାନ ଭିତରେ ଗୁନ୍ଦା ପ୍ରସ୍ତାବ ଦେଇଥିଲେ। ସ୍ପେନ୍ରେ ବୁଲିବା ବେଳେ ଚାମଚଟି କାମରେ ଲାଗିଥିଲା। ଛୁଟି କାଟି ଭାଇ-ଭଉଣୀ ଫେରିବା ପରେ ଚାମଚଟି କାପିସ୍ତଙ୍କ ନିକଟରେ ଏକ ସ୍ମାରକ ରୂପେ ରହିଲା। ତାହା ପରେ ଆରମ୍ଭ ହୋଇଥିଲା, ଚାମଚ ସ˚ଗ୍ରହ ନିଶା। ତାଙ୍କର ବନ୍ଧୁ ଏବ˚ ଆତ୍ମୀୟ ସ୍ବଜନମାନେ ତାଙ୍କୁ ବିଭିନ୍ନ ଏଆର୍ଲାଇନ୍ସରେ ବ୍ୟବହାର କରାଯାଉଥିବା ଚାମଚମାନ ଉପହାର ଦେଇଥିବା ଜଣାଯାଏ। ‘ପାନ୍ ଆମେରିକାନ୍’ରେ ୧୯୨୦-୩୦ ମଧୢରେ ବ୍ୟବହୃତ କିଛି ଚାମଚ ତାଙ୍କ ନିକଟରେ ଅଛି। ଏ ଭଳି କିଛି ଚାମଚ ମଧ୍ୟ ରଖିଛନ୍ତି, ଯାହାର ଉତ୍ସ ତାଙ୍କୁ ଅଜଣା।