ଉଚ୍ଚତା କାରଣରୁ ହୋଇପାରିଲାନି ବିବାହ, ଶେଷରେ ରାଜନୀତିରେ ଯୋଗ ଦେଲେ ଭାରତର ସବୁଠାରୁ ଡେଙ୍ଗା ବ୍ୟକ୍ତି
ଲକ୍ଷ୍ନୌ: ଭାରତର ସବୁଠାରୁ ଲମ୍ବା ବ୍ୟକ୍ତି ଧର୍ମେନ୍ଦ୍ର ପ୍ରତାପ ସିଂ ନିଜର ରାଜନୈତିକ ଇନିଂସ ଆରମ୍ଭ କରିଛନ୍ତି। ସେ ଉତ୍ତରପ୍ରଦେଶ ବିଧାନସଭା ନିର୍ବାଚନ ପୂର୍ବରୁ ସମାଜବାଦୀ ପାର୍ଟିରେ ଯୋଗ ଦେଇଛନ୍ତି । ସମାଜବାଦୀ ପାର୍ଟିର ଅଫିସିଆଲ୍ ଟ୍ୱିଟର ହ୍ୟାଣ୍ଡେଲରେ ଧର୍ମେନ୍ଦ୍ର ପ୍ରତାପ ସିଂଙ୍କ ଏକ ଚିତ୍ର ପୋଷ୍ଟ କରାଯାଇଛି ଯେଉଁଥିରେ ଧର୍ମେନ୍ଦ୍ର ପ୍ରତାପ ସିଂ, ସମାଜବାଦୀ ପାର୍ଟି ସୁପ୍ରିମୋ ଅଖିଳେଶ ଯାଦବଙ୍କ ସହ ନଜର ଆସିଛନ୍ତି। ଏହି ଚିତ୍ର ଭାଇରାଲ ହେବା ମାତ୍ରେ ଲୋକମାନେ ଧର୍ମେନ୍ଦ୍ର ପ୍ରତାପ ସିଂଙ୍କ ବିଷୟରେ ଜାଣିବାକୁ ଚେଷ୍ଟା କରିଥିଲେ। ବାସ୍ତବରେ ଉତ୍ତରପ୍ରଦେଶ ପ୍ରତାପଗଡର ବାସିନ୍ଦା ଧର୍ମେନ୍ଦ୍ର ପ୍ରତାପ ସିଂ ହେଉଛନ୍ତି ଭାରତର ସବୁଠାରୁ ଉଚ୍ଚ ବ୍ୟକ୍ତି।
Sambad is now on WhatsApp
Join and get latest news updates delivered to you via WhatsApp
ଧର୍ମେନ୍ଦ୍ରଙ୍କ ବୟସ ୪୬ ବର୍ଷ ଏବଂ ଉଚ୍ଚତା ୮ ଫୁଟ ୨ ଇଞ୍ଚ ହୋଇଥିବାବେଳେ ତାଙ୍କ ନାମ ଗିନିଜ ୱାର୍ଲ୍ଡ ରେକର୍ଡରେ ଲିପିବଦ୍ଧ ହୋଇଛି ଏବଂ ସେ ଏସିଆର ଉଚ୍ଚତମ ପୁରୁଷ ଭାବରେ ମଧ୍ୟ ରେକର୍ଡ ରହିଛି । ଧର୍ମେନ୍ଦ୍ର ପ୍ରତାପ ସିଂ ହିନ୍ଦୀରେ ମାଷ୍ଟର ଅଫ୍ ଆର୍ଟସ ପର୍ଯ୍ୟନ୍ତ ଅଧ୍ୟୟନ କରିଛନ୍ତି। ଧର୍ମେନ୍ଦ୍ର ଏବେ ବି ଚାକିରିଟିଏ ଖୋଜନ୍ତି। ଉଚ୍ଚତା ଅଧିକ ହେତୁ ତାଙ୍କୁ ନଇଁବାରେ ଅସୁବିଧା ହୁଏ ଏବଂ ଏହି କାରଣରୁ ସେ ଚାକିରି ପାଇନଥିଲେ | ତାଙ୍କୁ କାମ କରିବାରେ ଅସୁବିଧା ହେଉଥିବାବେଳେ ଯେତେବେଳେ ସେ ଲଖନଉର ଡାକ୍ତରଙ୍କୁ ଦେଖାଇଥିଲେ, ସେତେବେଳେ ଡାକ୍ତର ତାଙ୍କୁ ଅପରେସନ୍ କରିବାକୁ ପରାମର୍ଶ ଦେଇଥିଲେ, ଯେଉଁଥିରେ ବହୁତ ଟଙ୍କା ଖର୍ଚ୍ଚ ହେବ | ଧର୍ମେନ୍ଦ୍ର ପ୍ରତାପ ସିଂ ଲମ୍ବା ହୋଇଥିବା ଯୋଗୁଁ ସେ ଏପର୍ଯ୍ୟନ୍ତ ବିବାହ କରିନାହାଁନ୍ତି। ତାଙ୍କର ଅନେକ ସମ୍ପର୍କୀୟ ବିବାହ କରାଇବାକୁ ଚେଷ୍ଟା କରିଥିଲେ ମଧ୍ୟ ବିବାହ ହୋଇପାରିନଥିଲା |