ଏହି ଦେଶର ରାଜଧାନୀରେ ଔଷଧ ବିକନ୍ତି ଫେରିବାଲା!

ନୂଆଦିଲ୍ଲୀ:  ହାଇତିର ରାଜଧାନୀ ପୋର୍ଟ‌୍‌-ଅଫ୍‌-ପ୍ରିନ୍‌ସଠାରେ ଫେରିବାଲା ବା ବୁଲା ବିକାଳିମାନେ ରାସ୍ତାରେ ବୁଲିବୁଲି ଔଷଧ ବିକନ୍ତି। ସେମାନେ ଡିଗ୍ରିଧାରୀ ଫାର୍ମାସିଷ୍ଟ୍ ହୋଇ ନ ଥିବା ସତ୍ତ୍ବେ ସେଠାରେ ଏ ପ୍ରକାର ଅବୈଧ କାରବାର ଅବାଧରେ ଚାଲିଛି। ବାଧା ଦେବାକୁ କେହି ନାହାନ୍ତି। ଔଷଧ ସ˚ପର୍କରେ କୌଣସି ଜ୍ଞାନ ନ ଥାଇ ସେମାନେ ବିକୁଛନ୍ତି। ରୋଗୀ କିଣୁଛନ୍ତି।

ସେଠାରେ ଏପରିକି ବ୍ରଣ ଭଲ କରିବା ପାଇଁ ଶକ୍ତିଶାଳୀ ଆଣ୍ଟିବାୟୋଟିକ୍‌ସ ଦିଆଯାଏ। ଲୋକେ, ବିକାଳି ସହ ପରାମର୍ଶ କରି ଔଷଧ କିଣନ୍ତି। ବିକ୍ରି ହେଉଥିବା ଅଧିକା˚ଶ ଔଷଧ ନିମ୍ନ ମାନର। ସେଗୁଡ଼ିକ ଆସୁଛି ଚାଇନାରୁ। ଅବଧି ଗଡ଼ିଯାଇଥିବା ଔଷଧ ମଧ୍ୟ ବିକ୍ରି ହେଉଛି। ଏହାକୁ ନେଇ ବେଳେ ବେଳେ ଅଘଟନ ଘଟୁଥିଲେ ହେଁ କେହି ଚିନ୍ତିତ ନାହାନ୍ତି। ଏଥି ପାଇଁ ସ୍ଥାନୀୟ ସ୍ବାସ୍ଥ୍ୟ ବିଭାଗ ଦାୟୀ।