ପାଠପଢ଼ା ଖର୍ଚ୍ଚ ଉଠାଇବା ପାଇଁ ଚାଷ କାମ ଆରମ୍ଭ କରିଥିବା ଛାତ୍ର ୬ମାସରେ ୩ଲକ୍ଷ ଟଙ୍କା ରୋଜଗାର କରିଛନ୍ତି

ନୂଆଦିଲ୍ଲୀ: ଆର୍ଥିକ ସଙ୍କଟ ଦେଇ ଗତି କରୁଥିବା ଅନେକ ପିଲା/ଯୁବକ ପାଠପଢ଼ା ଓ ଅଳ୍ପ ଦରମାରେ ଚାକିରି କରିବା ସହିତ ପାର୍ଟ ଟାଇମ ଚାକିରି ବି କରିଥାଆନ୍ତି।

ଏହି କ୍ରମରେ ବୈଶାଳୀର ଜଣେ ଛାତ୍ର ପରିବାର କଥା ବୁଝିବା ସହିତ ନିଜର ପାଠପଢ଼ା ଖର୍ଚ୍ଚ ଉଠାଇବା ପାଇଁ ପାର୍ଟ ଟାଇମ ଚାଷ କାମ କରିବା ଆରମ୍ଭ କରିଥିଲେ। ଏହି ଛାତ୍ରଙ୍କ ନାମ ହେଉଛି ଅଜୟ। ତାଙ୍କ ବୟସ ୧୮ବର୍ଷ। ୧୮ବର୍ଷ ବୟସରେ ଅଜୟ ପାଠପଢ଼ା ସହିତ ଚାଷ କାମ କରି ୬ମାସ‌ରେ ୩ଲକ୍ଷ ଟଙ୍କା ରୋଜଗାର କରିପାରିଛନ୍ତି ବୋଲି କୁହାଯାଉଛି। ଯାହାକୁ ନେଇ ସମଗ୍ର ଅଞ୍ଚଳରେ ଚର୍ଚ୍ଚା ଜୋର ଧରିଛି।

ଅଜୟ ଚାଷ କାମରେ ସଫଳତା ପାଇବାକୁ ନେଇ କହିଛନ୍ତି, ‘ମୋର ବାପା ଓ ମା’ ଶିକ୍ଷିତ ନୁହନ୍ତି। ବାପା ଦିନମଜୁରିଆ ଭାବେ କାମ କରନ୍ତି। ତେଣୁ ମୋର ପାଠପଢ଼ା ପାଇଁ ଅର୍ଥ ବାଧା ଦେଇଥିଲା। ପାଠପଢ଼ାରେ ଇଚ୍ଛ‌ା ଥିବା ଦେଖି ବାପା ମୋତେ ଆର୍ଥିକ ଦୃଷ୍ଟିରୁ ଚାହିଁକି ବି ସାହାଯ୍ୟ କରି ପାରୁ ନଥିଲେ। ଯେଉଁଥିପାଇଁ ସେ ଚିନ୍ତାରେ ରହୁଥିଲେ।

ତେଣୁ ୧୦ମ ଶ୍ରେଣୀ ପାସ ହେବାପରେ ମୁଁ ଅଢ଼େଇ ଏକର ଜମିରେ ଚାଷ କରିବି ବୋଲି ସ୍ଥିର କରିଥିଲି। ତେଣୁ ଜମି ଲିଜରେ ନେଇ କୁନ୍ଦୁରି ଚାଷ କଲି। ଏହି କୁନ୍ଦୁରି ଚାଷରୁ ମୁଁ ୬ମାସ ମଧ୍ୟରେ ପାଖାପାଖି ତିନିଲକ୍ଷ ଟଙ୍କା ପର୍ଯ୍ୟନ୍ତ ରୋଜଗାର କରି ପାରିଛି। ଏହି ଟଙ୍କାରେ ମୋର ପରିବାର ବି ଚଳିଯିବ ଆଉ ପାଠପଢ଼ାର ଖର୍ଚ୍ଚ ବି ଉଠିଯିବ। ପାଠପଢ଼ା ସହିତ ଆଗକୁ ମୁଁ ମୋର ଏହି ଚାଷ କାମକୁ ବି ଜାରି ରଖିଥିବି।’