ପାତ୍ରରେ ଜଳ ଏବଂ ଏସବୁ ସାମଗ୍ରୀ ସହ ଭଗବାନ ସୂର୍ଯ୍ୟଙ୍କୁ ଅର୍ଘ୍ୟଦାନର ରହିଛି ବିଶେଷ ଗୁରୁତ୍ବ
ବ୍ରହ୍ମା,ବିଷ୍ଣୁ ଓ ମହେଶ ଆଦି ଦେବଗଣ ବିନା ସାଧନ ଓ ଭଗବତ୍ କୃପାର ପ୍ରତ୍ୟକ୍ଷ ଦର୍ଶନ ହେବା ସମ୍ଭବ ନୁହେଁ। ଶାସ୍ତ୍ରର ଆଜ୍ଞାନୁଯାୟୀ କେବଳ ଭାବନା ଦ୍ୱାରା ହିଁ ଧ୍ୟାନ ଓ ସମାଧି ଦ୍ୱାରା ଏହାର ଅନୁଭବ ହୋଇପାରେ। କିନ୍ତୁ ଭଗବାନ ସୂର୍ଯ୍ୟ ପ୍ରତିଦିନ ସମସ୍ତଙ୍କୁ ପ୍ରତ୍ୟକ୍ଷ ଦର୍ଶନ ଦେଇଥାଆନ୍ତି। ଏଥିପାଇଁ ସଂସାରର ପ୍ରତ୍ୟକ୍ଷ ଦେବତା ଭାବେ ଭଗବାନ ସୂର୍ଯ୍ୟଦେବ ସମସ୍ତଙ୍କର ପୂଜନୀୟ।
Sambad is now on WhatsApp
Join and get latest news updates delivered to you via WhatsApp
ବେଦ,ପୁରାଣ ଓ ଅନ୍ୟାନ୍ୟ ଧର୍ମଗ୍ରନ୍ଥ ମାନଙ୍କରେ ପ୍ରତିଦିନ ସୂର୍ଯ୍ୟଙ୍କର ଆରାଧନା କରାଯିବାର ନିର୍ଦ୍ଦେଶ ରହିଛି। ସୂର୍ଯ୍ୟଙ୍କର ଆରାଧନା ପାଇଁ ପ୍ରଥମ ମନ୍ତ୍ର ହେଲା-ଓଁ ଧୃଣି ସୂର୍ଯ୍ୟ ଆଦିତ୍ୟ ଓଁ ଏବଂ ଦ୍ୱିତୀୟ ମନ୍ତ୍ର ହେଲା-ଓଁ ହ୍ଲୀଂ ଧୃଣି ସୂର୍ଯ୍ୟ ଆଦିତ୍ୟଃ ଶ୍ରୀଂ ହ୍ଲୀଂ ମହ୍ୟଂ ଲକ୍ଷ୍ମୀଂ ପ୍ରୟଚ୍ଛ’’।
ଭଗବାନ ସୂର୍ଯ୍ୟଙ୍କୁ ଅର୍ଘ୍ୟଦାନର ବିଶେଷ ମହତ୍ତ୍ୱ ରହିଛି। ପାତ୍ରରେ ଜଳ,ଲାଲ ଚନ୍ଦନ,ଚାଉଳ ରକ୍ତପୁଷ୍ପ ଓ କୁଶାଦି ରଖି ସୂର୍ଯ୍ୟମନ୍ତ୍ରର ମନ୍ତ୍ର ହେଲା-ଓଁ ଏହି ସୂର୍ଯ୍ୟ ସହସ୍ରାଂଶୋ ତେଜରାଶୋ ଜଗତପତି ଅନୁକଂପୟମାଂ ଭକ୍ତ୍ୟା ଗୃହଣାର୍ଘ୍ୟ ଦିବାକର।’’ଅର୍ଘ୍ୟଦାନରେ ଭଗବାନ ସୂର୍ଯ୍ୟ ପ୍ରସନ୍ନ ହୋଇ ଆୟୁ,ଆରୋଗ୍ୟ,ଧନଧାନ୍ୟ,ଯଶ,ବିଦ୍ୟା,ସୌଭାଗ୍ୟ ଓ ମୁକ୍ତି ଇତ୍ୟାଦି ପ୍ରଦାନ କରିଥାନ୍ତି ବୋଲି ବିଶ୍ବାସ ରହିଛି।