ଭୁବନେଶ୍ୱର: ଆଇଡିବିଆଇ ବ୍ୟାଙ୍କ ପକ୍ଷରୁ ଫାଇନାନ୍ସିଆଲ ଆକ୍ସନ ଟାସ୍କଫୋର୍ସ (ଏଫ୍ଏଟିଏଫ୍) ସଦସ୍ୟ ରାଷ୍ଟ୍ରଗୁଡ଼ିକରେ ବାସ କରୁଥିବା ପ୍ରବାସୀ ଭାରତୀୟଙ୍କ ନିମନ୍ତେ “ଏନ୍ଆର୍ଆଇ-ଇନଷ୍ଟା-ଅନଲାଇନ୍” ଖାତା ଖୋଲିବା ପ୍ରକ୍ରିୟାର ଶୁଭାରମ୍ଭ କରାଯାଇଛି । ଏହି ପ୍ରକ୍ରିୟାରେ ଖାତା ଖୋଲିବା ପାଇଁ ପ୍ରତ୍ୟକ୍ଷ ଭାବେ ଖାତା ଖୋଲିବା ଫର୍ମ ଏବଂ ପ୍ରତ୍ୟକ୍ଷ କେୱାଇସି ପ୍ରମାଣପତ୍ର ଦାଖଲ କରିବାକୁ ପଡ଼ିବ ନାହିଁ ଏବଂ ତେଣୁ ଏହା ବିଦେଶରେ ବାସ କରୁଥିବା ଏନ୍ଆରଆଇମାନଙ୍କ ପାଇଁ ବଡ଼ ଧରଣର ଆଶ୍ୱସ୍ତି ହେବ ।
Sambad is now on WhatsApp
Join and get latest news updates delivered to you via WhatsApp
ଯେଉଁ ଏନ୍ଆରଆଇ ମାନେ ଖାତା ଖୋଲିବାକୁ ଆଗ୍ରହୀ ସେମାନେ ବ୍ୟାଙ୍କର ୱେବସାଇଟର ୱେବ୍ ମଡୁଲ ହାସଲ କରି ସମର୍ଥିତ କାଗଜପତ୍ର ଦାଖଲ କରିପାରିବେ ଏବଂ ନିଜେ ଖାତା ଖୋଲିବାକୁ ଚାହୁଁଥିବା ଶାଖା ଚୟନ କରିପାରିବେ । ସଫଳତାର ସହ ଅପ୍ଲୋଡ୍ ହୋଇଯିବା ପରେ ଏବଂ ସ୍କାନ୍ ହୋଇଥିବା କାଗଜପତ୍ର ଯାଞ୍ଚ ହେବା ପରେ ତୁରନ୍ତ ଖାତା ଖୋଲିଯିବ ଏବଂ ଗ୍ରାହକଙ୍କ ପାଖରେ ଇଲେକ୍ଟ୍ରୋନିକ୍ସ ପରାମର୍ଶ ଆସିଯିବ । ଏହା ହେଉଛି ଏକ ଗ୍ରାହକ ଅନୁକୂଳ ଅଭିଯାନ ଯାହା ଏନ୍ଆରଆଇ ମାନଙ୍କୁ ବିନା ଶାଖା ପରିଦର୍ଶନ କରି ଏବଂ ପ୍ରତ୍ୟକ୍ଷ କାଗଜପତ୍ର ଦାଖଲ ବିନା ଖାତା ଖୋଲିବାରେ ସହାୟକ ହେବ ।