ପ୍ରଜ୍ଞାଙ୍କ ବହୁମୁଖୀ ପ୍ରତିଭା

ସାମ୍ ଆଲ୍‌ଟମ୍ୟାନ୍‌ ଦ୍ୱାରା ପରିଚାଳିତ ଓପନ୍ଏଆଇ ପ୍ରଜ୍ଞା ମିଶ୍ରାଙ୍କୁ ଭାରତରେ ନିଜର ପ୍ରଥମ କର୍ମଚାରୀ ଭାବେ ନିଯୁକ୍ତ କରିଛି, ଯିଏକି ପବ୍ଲିକ୍‌ ପଲିସି ଓ ପାର୍ଟନର୍‌ସିପ୍‌ ଲିଡର୍‌ ପଦରେ ରହି ଦା‌ୟିତ୍ବ ସମ୍ଭ‌ାଳିବେ। କାରଣ ଦେଶ ଏକ ନୂତନ ପ୍ରଶାସନକୁ ଭୋଟ୍‌ ଦେବ ଯାହା ଏହାର କୃତ୍ରିମ ବୁଦ୍ଧିମତ୍ତା ନିୟମ ଉପରେ ବିଶେଷ ପ୍ରଭାବ ପକାଇବ। ଲୋକମାନଙ୍କ ନୀତିରେ ଓପନ୍‌ଏଆଇର ସୁରକ୍ଷା, ସ୍ୱଚ୍ଛତା ଓ ମାନବ-କେନ୍ଦ୍ରିତ ନବସୃଜନକୁ ଆଗକୁ ନେବା ପାଇଁ ଓପନ୍‌ଏଆଇରେ ଯୋଗ ଦେଇଥିବାରୁ ସେ ଅତ୍ୟନ୍ତ ଆନନ୍ଦିତ ବୋଲି ସେ ଏକ୍ସରେ ଏକ ପୋଷ୍ଟ କରିଥିଲେ।

ଭାରତର ସାମାଜିକ ଲାଭ ପାଇଁ ଏଆଇର ସମ୍ଭାବନାକୁ ବ୍ୟବହାର କରିବା ଲାଗି ଡେଭଲପର୍, ଉପଯୋଗକର୍ତ୍ତା, ଶିକ୍ଷାବିତ୍‌, ନାଗରିକ ସମାଜ ଓ ନୀତି ନିର୍ଣ୍ଣୟକାରୀମାନଙ୍କ ସହ ସହଯୋଗ କରି ଚାଟ୍‌ଜିପିଟି ଡେଭଲପର୍‌ ଭାରତର ଏଆଇ ମିସନ୍‌ରେ ସହଯୋଗ କରିବାକୁ ଆଗ୍ରହୀ ଅଛନ୍ତି। ପ୍ରଜ୍ଞା ମିଶ୍ରା ଦିଲ୍ଲୀ ବିଶ୍ୱବିଦ୍ୟାଳୟରୁ ବାଣିଜ୍ୟରେ ସ୍ନାତକ ହାସଲ କରିଛନ୍ତି। ତାଙ୍କର ଲିଙ୍କଡ୍‌ଇନ ପ୍ରୋଫାଇଲ୍‌ ଅନୁଯାୟୀ ସେ ଲଣ୍ଡନ ସ୍କୁଲ୍‌ ଅଫ୍‌ ଇକୋନୋମିକ୍ସ ଆଣ୍ଡ୍‌ ପଲିଟିକାଲ୍‌ ସାଇନ୍ସରୁ ବା‌ର୍ଗେନିଂ ଆଣ୍ଡ୍‌ ନେଗୋସିଏସନ୍‌ସରେ ଡିପ୍ଲୋମା କରିଛନ୍ତି। ସେ ଇଣ୍ଟର୍‌ନାସ୍‌ନାଲ୍‌ ମ୍ୟାନେଜ୍‌ମେଣ୍ଟ ଇନ୍‌ଷ୍ଟିଚ୍ୟୁଟ୍‌ରୁ ଏମ୍‌ବିଏ ମଧ୍ୟ କରିଛନ୍ତି। 

ଟେକ୍‌ ଇଣ୍ଡଷ୍ଟ୍ରିରେ ତାଙ୍କର ଯାତ୍ରା ଆରମ୍ଭ ହୋଇଥିଲା ଯେତେବେଳେ ସେ ୨୦୧୮ରେ ମେଟା ପ୍ଲାଟଫର୍ମ (ପୂର୍ବରୁ ଫେସବୁକ୍‌)ରେ ଯୋଗ ଦେଇଥିଲେ। ଯେଉଁଠାରେ ସେ ଭୁଲ୍‌ ତଥ୍ୟ ବିରୋଧରେ ହ୍ବାଟସ୍‌ଆପ୍‌ ଅଭିଯାନର ନେତୃତ୍ୱ ନେଇଥିଲେ। ଏଠାରେ ଉଲ୍ଲେଖଯୋଗ୍ୟ, ଫାଷ୍ଟପୋଷ୍ଟ୍‌ ରିପୋର୍ଟ ଅନୁଯାୟୀ ସେ ଭାରତରେ ହ୍ବାଟସ୍‌ଆପ୍‌ର ପ୍ରଥମ କର୍ମଚାରୀ ଥିଲେ। ଏହାପରେ, ସେ କଣ୍ଟାକ୍ଟ ଭେରିଫିକେସନ୍ କମ୍ପାନି ଟ୍ରୁକଲର୍‌ ପାଇଁ ଜନସମ୍ପର୍କ ନିର୍ଦ୍ଦେଶକ ଭାବରେ କାର୍ଯ୍ୟ କଲେ। ସେ ସରକାରୀ ମନ୍ତ୍ରଣାଳୟ, ପ୍ରମୁଖ ହିତାଧିକାରୀ, ନିବେଶକ ଓ ଗଣମାଧ୍ୟମ ସହଭାଗୀମାନଙ୍କ ସହ ମଧ୍ୟ କାର୍ଯ୍ୟ କରିଥିଲେ। ପ୍ରଜ୍ଞା ଏର୍ନଷ୍ଟ ଆଣ୍ଡ୍‌ ୟଙ୍ଗ୍‌ ସହିତ ନୂଆଦିଲ୍ଲୀର ରୟାଲ୍‌ ଡାନିସ୍‌ ଦୂତାବାସ ସହିତ ମଧ୍ୟ କାମ କରିଛନ୍ତି। 

ତାଙ୍କର ବୃତ୍ତିଗତ ସଫଳତା ବ୍ୟତୀତ, ମିଶ୍ରା ଜଣେ ପୋଡକାଷ୍ଟର୍‌। ସେ ନିଜର ‘ପ୍ରଜ୍ଞାନ୍‌ ପୋଡ୍‌କାଷ୍ଟ’ର ହୋଷ୍ଟ୍‌ କରନ୍ତି, ଯେଉଁଥିରେ ସେ ଅତିଥିମାନଙ୍କୁ ତାଙ୍କ ସୋ’ରେ ଆମନ୍ତ୍ରଣ କରନ୍ତି ଏବଂ ଧ୍ୟାନ, ଯୋଗ ଓ ଚେତନା ପରି ବିଭିନ୍ନ ବିଷୟ ଉପରେ ଆଲୋଚନା ଓ ଅନୁଧ୍ୟାନ କରନ୍ତି। ତାଙ୍କ ଇନ୍‌ଷ୍ଟାଗ୍ରାମ୍‌ ବାୟୋ ଅନୁସାରେ ସେ ଜଣେ ଧ୍ୟାନଯୋଗ ପ୍ରଶିକ୍ଷକ ମଧ୍ୟ। ଜଣେ ପୋଡ୍‌କାଷ୍ଟର୍‌ ଓ ଇନ୍‌ଷ୍ଟାଗ୍ରାମ୍‌ ଇନଫ୍ଲୁଏନ୍ସର୍‌ (@pragyaan_podcast) ଭାବରେ ତାଙ୍କୁ ପ୍ରାୟ ୩୫,୦୦୦ ଅନୁଗାମୀ ଅନୁସରଣ କରୁଛନ୍ତି। ଖାଲି ସେତିକି ନୁହେଁ, ସେ ଜଣେ ଗଲ୍ଫର୍‌ ଭ‌ାବେ ୧୯୯୮ରୁ ୨୦୦୭ ପର୍ଯ୍ୟନ୍ତ ଅନେକ ଅନ୍ତର୍ଜାତୀୟ ଟୁର୍ଣ୍ଣାମେଣ୍ଟରେ ଦେଶର ପ୍ରତିନିଧିତ୍ୱ କରିଛନ୍ତି।