ନୂଆଦିଲ୍ଲୀ: ଇଣ୍ଟରନେଟ ଯୁଗରେ ସୋସିଆଲ ମିଡିଆରେ ପ୍ରତିଦିନ ବିଭିନ୍ନ ପ୍ରକାର ଭିଡିଓ ପୋଷ୍ଟ ହୋଇଥାଏ। ଏଥିରେ ବିଭିନ୍ନ ସମୟରେ ଦେଶଭକ୍ତିର ବିଭିନ୍ନ ପ୍ରକାର ଫଟୋ ଓ ଭିଡିଓ ଦେଖିବାକୁ ମିଳିଥାଏ। ଯାହାକି ବହୁତ ହୃଦୟସ୍ପର୍ଶୀ ମଧ୍ୟ ରହିଥ‌ାଏ।

Advertisment

ସୋସିଆଲ ମିଡିଆରେ ନିକଟରେ  ଏମିତି ଏକ ଦେଶଭକ୍ତି ପୂର୍ଣ୍ଣ ହୃଦୟସ୍ପର୍ଶୀ ଭିଡିଓ ଘୁରି ବୁଲୁଛି। ଏହି ଭିଡିଓରେ ଏକ କାରଖାନାରେ ନିଆଁ ଲାଗିଥିବା ଦେଖିବାକୁ ମିଳୁଛି। ନିଆଁକୁ ଆୟତ୍ତ କରିବାକୁ ଅଗ୍ନିଶମ ବିଭାଗକୁ ଖବର ଦିଆଯାଇଥିଲା। ଖବର ପାଇ ଦମକଳ ଗାଡ଼ି ଘଟଣାସ୍ଥଳରେ ପହଞ୍ଚି ନିଆଁକୁ ଆୟତ୍ତ କରିବାକୁ ଚେଷ୍ଟା କରିଥିଲା।

ଏତିକି ବେଳେ ନିଆଁ ଲିଭାଇବାକୁ ଆସିଥିବା ଦମକଳ ଗାଡ଼ି ଚାଳକ ‌ଦେଶଭକ୍ତିର କାମ କରିଥିଲେ। ‌ସେ ନିଜ ଜୀବନକୁ ବାଜି ଲଗାଇ  ନିଆଁ ଲାଗିଥିବା କାରଖାନାର ଛାତ ଉପରେ ଥିବା ଜାତୀୟ ପତାକାକୁ ବଞ୍ଚାଇବାକୁ ଚେଷ୍ଟା କରିଥିଲେ।  ଏହି ଭିଡିଓକୁ ସୋସିଆଲ ମିଡିଆରେ ବ୍ୟବହାରକାରୀ @neelkantbakshi  ଦ୍ୱାରା ସେୟାର କରାଯାଇଛି ।

ଏହି ଭିଡିଓକୁ ନେଇ ଅନେକ ଲୋକେ ବିଭିନ୍ନ ପ୍ରକାର ପ୍ରତିକ୍ରିୟା ଦେଇଛନ୍ତି। ଜଣେ ସୋସିଆଲ ମିଡିଆ ବ୍ୟବହାକାରୀ ଲେଖିଛନ୍ତି - ସେ ଜଣେ ପ୍ରକୃତ ଦେଶପ୍ରେମୀ । ଅନ୍ୟ ଜଣେ ଲେଖିଛନ୍ତି, ‘ବହୁତ ସୁନ୍ଦର ଭିଡିଓ’। ଭିଡିଓକୁ ୪୨ହଜାରରୁ ଅଧିକ ଥର ଦେଖାଯାଇ ସାରିଲାଣି।