କ୍ୟାବ୍ ଚାଳକଙ୍କ ଏହି କାମ ପାଇଁ ସୋସିଆଲ ମିଡିଆରେ ପୋଷ୍ଟ ଲେଖି ଭୁରି ଭୁରି ପ୍ରଶଂସା କଲେ ଯାତ୍ରୀ
ବେଙ୍ଗାଲୁରୁ : କ୍ୟାବ୍ ଚାଳକଙ୍କ କଥା ଉଠିଲେ ପୂର୍ବରୁ ଘଟିଥିବା ସବୁ ଅପ୍ରୀତିକର ଘଟଣା ଆଖି ଆଗକୁ ଆସି ଯାଇଥାଏ । କିଭଳି ମହିଳାମାନେ କ୍ୟାବ୍ରେ ଅସଦାଚରଣର ଶିକାର ହୋଇଛନ୍ତି, ତାହାର ବିଭିନ୍ନ ଚିତ୍ର ଆମେ ବିଗତ ଅତୀତରେ ଦେଖିଥିଲେ ମଧ୍ୟ ଏବେ ଜଣେ ବେଙ୍ଗାଲୁରୁ ଚାଳକଙ୍କୁ ନେଇ ଚର୍ଚ୍ଚା ଆରମ୍ଭ ହୋଇଛି । ଏହି ଓଲା କ୍ୟାବ୍ ଚାଳକଙ୍କୁ ନେଇ ଜଣେ ଯାତ୍ରୀ ନିଜ ଫେସ୍ବୁକ୍ ପେଜ୍ରେ ଲେଖିବା ପରେ ତାଙ୍କ କାମକୁ ନେଇ ଲୋକେ ପ୍ରଶଂସା କରିବାରେ ଲାଗି ପଡ଼ିଛନ୍ତି । ସୟୁଜ୍ ରବିନ୍ଦ୍ରନ୍ ନାମକ ଜଣେ ଯାତ୍ରୀ କ୍ୟାବ୍ରେ ନିଜର ଅନେକ ଗୁରୁତ୍ୱପୂର୍ଣ୍ଣ ଜିନିଷ ଓ ୨.୫ ଲକ୍ଷ ଟଙ୍କା ଛାଡ଼ି ଆସିଥିବା ବେଳେ କ୍ୟାବ୍ ଚାଳକ ତାଙ୍କୁ ଆଣି ସବୁ ଜିନିଷ ଫେରାଇଥିଲେ । ଚାଳକଙ୍କ ଏଭଳି କାମ ସୟୁଜ୍ଙ୍କୁ ଖୁସି କରାଇବା ସହ ସେ ଫେସ୍ବୁକ୍ରେ ପୂରା ଘଟଣା ସେୟାର କରିଥିଲେ ।
Sambad is now on WhatsApp
Join and get latest news updates delivered to you via WhatsApp
ପୋଷ୍ଟରେ ଲେଖାଯାଇଛି କି, ଏକ ବିବାହରେ ଯୋଗ ଦେଇ ଘରକୁ ଫେରିବା ପାଇଁ ମୁଁ କେଆର୍ ପୁରମ୍ ରେଳ ଷ୍ଟେସନରୁ ଭୋର୍ ୩ଟା ୩୦ମିନିଟ୍ରେ ଓଲା କ୍ୟାବ୍ ବୁକ୍ କରିଥିଲି । ଅଧା ବାଟରେ କାର୍ର ଚକା ପଙ୍କ୍ଚର ହେବାରୁ ଚାଳକ ଖତିବ୍ ଉର୍ ରେହମାନ୍ ମୋତେ ଆଉ ଏକ କ୍ୟାବ୍ ବୁକ୍ କରି ଘରକୁ ଯିବା ପାଇଁ କହିଥିଲେ । ମୁଁ ଦ୍ୱିତୀୟ କ୍ୟାବ୍ ବୁକ୍ କରି ଘରକୁ ବାହାରିଥିଲି । ଘରେ ପହଞ୍ଚିବାର କିଛି ବାଟ ପୂର୍ବରୁ ଖତିବ୍ ମୋତେ କଲ୍ କରି ବ୍ୟାଗ୍ ଛାଡ଼ି ଆସିଥିବା କଥା ଜଣାଇଥିଲେ । ଏହା ସହ ମୁଁ ଯିବା ପର୍ଯ୍ୟନ୍ତ ସେ ଅପେକ୍ଷା କରିବେ ବୋଲି ମଧ୍ୟ କହିଥିଲେ । ମୁଁ ଘରେ ପହଞ୍ଚି ମୋ କାର୍ ନେଇ ଖତିବ୍ଙ୍କ ପାଖରେ ପହଞ୍ଚିଥିଲି । ଯାହା ପରେ ସେ ମୋତେ ବ୍ୟାଗ୍ ଫେରାଇଥିଲେ । ତାଙ୍କର ଏଭଳି କାମ ପାଇଁ ମୁଁ ତାଙ୍କୁ କିଛି ଟଙ୍କା ଯାଚିଥିଲେ ମଧ୍ୟ ସେ ନେବା ପାଇଁ ମନା କରି ଦେଇଥିଲେ । ତାଙ୍କର ଏଭଳି କାମ ପାଇଁ ତାଙ୍କୁ ସମ୍ମାନିତ କରାଯିବ ଦରକାର ବୋଲି ଲେଖିଛନ୍ତି ସୟୁଜ୍ ।