୩୦୦ ଗ୍ରାମ ମସ୍ତିଷ୍କ ଥିବା ବାଘଙ୍କ ବାବଦରେ ଜାଣିଛନ୍ତି କି ଏହି କଥା
ନୂଆଦିଲ୍ଲୀ: ଆଜି ହେଉଛି ବିଶ୍ୱ ବ୍ୟାଘ୍ର ଦିବସ, ଯାହା ପ୍ରତିବର୍ଷ ୨୯ ଜୁଲାଇରେ ପାଳନ କରାଯାଏ | ସମଗ୍ର ବିଶ୍ୱରେ ଥିବା ବାଘ ଏବଂ ସେମାନଙ୍କ ଅବଶିଷ୍ଟ ଜାତିର ସଂରକ୍ଷଣ ପାଇଁ ୨୦୧୦ ରେ ଋଷିଆର ସେଣ୍ଟ ପିଟର୍ସବର୍ଗରେ ଆନ୍ତର୍ଜାତୀୟ ଟାଇଗର ଦିବସ ପାଳନ ପାଇଁ ଘୋଷଣା କରାଯାଇଥିଲା | ଏକ ଅନୁସନ୍ଧାନ ଅନୁଯାୟୀ, ଅଧାରୁ ଅଧିକ ବାଘ ଶାବକ ଦୁଇ ବର୍ଷ ବୟସରେ ମରିଯାଆନ୍ତି। ବାଘର ଗୋଡ ବହୁତ ଶକ୍ତିଶାଳୀ, ଯାହା ସେମାନଙ୍କୁ ଶିକାର କରିବାରେ ସାହାଯ୍ୟ କରେ |
Sambad is now on WhatsApp
Join and get latest news updates delivered to you via WhatsApp
ଆପଣ ଜାଣି ଆଶ୍ଚର୍ଯ୍ୟ ହେବେ ଯେ ବାଘର ଗୋଡରେ ଏତେ ଶକ୍ତି ଅଛି ଯେ ମୃତ୍ୟୁ ପରେ ମଧ୍ୟ ଠିଆ ହୋଇପାରିବେ | ବାଘମାନେ ସେମାନଙ୍କର ଜନ୍ମରୁଏକ ସପ୍ତାହ ପର୍ଯ୍ୟନ୍ତ ଦେଖିପାରନ୍ତି ନାହିଁ, ସେମାନଙ୍କ ଭିତରେ ଦେଖିବାର ଶକ୍ତି ଜନ୍ମର ୭ ଦିନ ପରେ ହିଁ ଆସିଥାଏ | ବାଘ ପାଞ୍ଚ ମିଟର ଉଚ୍ଚତା ପର୍ଯ୍ୟନ୍ତ ଡେଇଁପାରେ।
ବାଘର ମସ୍ତିସ୍କ ୩୦୦ ଗ୍ରାମ ର ହୋଇଥିବାବେଳେ ସେମାନେ ଉତ୍କୃଷ୍ଟ ସନ୍ତରଣକାରୀ | ବାଘମାନେ ୬ କିଲୋମିଟର ପର୍ଯ୍ୟନ୍ତ ପହଁରି ପାରନ୍ତି | ଟାଇଗରର ଦାନ୍ତ ଅତ୍ୟନ୍ତ ଖାସ ହୋଇଥାଏ | ଏକ ବାଘର ଗର୍ଜନ ରାତିରେ ୨ କିଲୋମିଟର ପର୍ଯ୍ୟନ୍ତ ଶୁଣାଯାଇପାରେ | ଭାରତ ବ୍ୟତୀତ ବାଂଲାଦେଶ, ଉତ୍ତର କୋରିଆ, ଦକ୍ଷିଣ କୋରିଆ ଏବଂ ମାଲେସିଆରେ ମଧ୍ୟ ଜାତୀୟ ପଶୁ ଭାବେ ବାଘ ହିଁ ରହିଛି |