ଜାତୀୟ ପ୍ରେସ୍ ଦିବସ ଆଜି
ଆଜି ଜାତୀୟ ପ୍ରେସ୍ ଦିବସ। ୧୯୬୬ ନଭେମ୍ବର ୧୬ରେ କେନ୍ଦ୍ର ସରକାର ‘ଭାରତୀୟ ପ୍ରେସ୍ କାଉନ୍ସିଲ୍’ ଗଠନ କରିଥିଲେ। ଯଦି ସମ୍ବାଦପତ୍ର ଗଣତନ୍ତ୍ରର ଜାଗ୍ରତ ପ୍ରହରୀ ହୁଏ, ‘ପ୍ରେସ୍ କାଉନ୍ସିଲ୍’ ହେଉଛି ସମ୍ବାଦପତ୍ରର ନୈତିକ ପ୍ରହରୀ। ସମ୍ବାଦପତ୍ରଗୁଡ଼ିକର କାର୍ଯ୍ୟ-କଳାପ ଉପରେ ସତର୍କ ଦୃଷ୍ଟି ରଖିବା, ଆବଶ୍ୟକ ସ୍ଥଳରେ ପରାମର୍ଶ ଦେବା, ସମୀକ୍ଷା କରିବା, ବିବାଦୀୟ ସ˚ବାଦ ପ୍ରସାରଣ ଉପରେ ବିଚାର କରିବା ଆଦି ଏହାର ମୁଖ୍ୟ କାର୍ଯ୍ୟ।
Sambad is now on WhatsApp
Join and get latest news updates delivered to you via WhatsApp
୧୯୫୬ରେ କେନ୍ଦ୍ର ସରକାର ପ୍ରଥମ ପ୍ରେସ୍ କମିସନ୍ ବସାଇଥିଲେ। ଅବିଳମ୍ବେ ‘ପ୍ରେସ୍ କାଉନ୍ସିଲ୍’ ଗଠନ କରିବା ପାଇଁ ଏହି କମିସନ୍ ସୁପାରିସ୍ କରିଥିଲେ। ତେବେ, ଗଠନ ହେବାକୁ ଲାଗିଯାଇଥିଲା ଏକ ଦଶନ୍ଧି। ‘ପ୍ରେସ୍ କାଉନ୍ସିଲ୍’ ଉପରେ ସ୍ବତନ୍ତ୍ର ବିଚାର କ୍ଷମତା ନ୍ୟସ୍ତ। କୌଣସି ବ୍ୟକ୍ତି ଚାହିଁଲେ କୌଣସି ସମ୍ବାଦପତ୍ର ବିରୋଧରେ ଏହା ନିକଟରେ ଅଭିଯୋଗ କରିପାରିବେ। ଅପରପକ୍ଷେ ଯେକୌଣସି ସମ୍ବାଦପତ୍ର ମଧ୍ୟ ସରକାର ବା ଅନ୍ୟ କାହାର ଅବାଞ୍ଛିତ ହସ୍ତକ୍ଷେପ, ବଳପ୍ରୟୋଗ ଓ କଟକଣା ଆଦି ବିରୋଧରେ ଅଭିଯୋଗ କରିପାରିବେ। ସ˚ପ୍ରତି ବୈଦ୍ୟୁତିକ ଗଣମାଧ୍ୟମର ଜୟଯାତ୍ରା ସତ୍ତ୍ବେ ଛାପା ଗଣମାଧ୍ୟମର ଅଗ୍ରଗତି ଓ ଲୋକପ୍ରିୟତା ବାଧାପ୍ରାପ୍ତ ହୋଇନାହିଁ। ୨୦୧୫ ମାର୍ଚ୍ଚ ୩୧ ସୁଦ୍ଧା ଆମ ଦେଶରେ ପ˚ଜିକୃତ ମୋଟ ସମ୍ବାଦପତ୍ର ଓ ସାମୟିକ ପତ୍ରିକା ସ˚ଖ୍ୟା ଥିଲା ୧,୦୫,୪୪୩।