ନାସାରନ୍ଧ୍ରରେ ବଢ଼ୁଥିବା ଦାନ୍ତକୁ ସଫଳତାର ସହ ଅସ୍ତ୍ରୋପଚାର କରି କାଢ଼ିଲେ ଡାକ୍ତର
ନୂଆଦିଲ୍ଲୀ: ଚୀନର ହାରବିନ ମେଡ଼ିକାଲ ୟୁନିଭର୍ସିଟିରେ ଜଣେ ବ୍ୟକ୍ତିଙ୍କର ନାସାରନ୍ଧ୍ରରେ ଏକ ଦାନ୍ତ ବଢ଼ୁଥିବା ଜଣାଯିବାପରେ ତାକୁ ସଫଳତାର ସହ ଅସ୍ତ୍ରୋପଚାର କରାଯାଇ କଢ଼ାଯିବା ଘଟଣା ଏବେ କେବଳ ଚୀନରେ ନୁହେଁ, ବରଂ ସାରା ବିଶ୍ବରେ ଚର୍ଚ୍ଚାର ବିଷୟ ହୋଇଛି। ସୂଚନା ଅନୁଯାୟୀ, ଝାଙ୍ଗ ବିନ ସେଙ୍ଗ ନାମକ ଜଣେ ୩୦ ବର୍ଷୀୟ ଚୀନୀ ଯୁବକ ନିଜର ଦାନ୍ତ ଯୋଗୁଁ ବହୁ ଅସୁବିଧାର ସମ୍ମୁଖୀନ ହେଉଥିବା ନେଇ କିଛିଦିନ ତଳେ ହାରବିନ ମେଡ଼ିକାଲ ୟୁନିଭର୍ସିଟିର ଡାକ୍ତରଙ୍କୁ କହିଥିଲେ।
Sambad is now on WhatsApp
Join and get latest news updates delivered to you via WhatsApp
ତାପରେ ଡାକ୍ତରଙ୍କ ପରୀକ୍ଷାରୁ ଜଣାପଡ଼ିଥିଲା ଯେ ବିନ ସେଙ୍ଗଙ୍କ ନାସାରନ୍ଧ୍ରରେ ଏକ ଦାନ୍ତ ବଢ଼ୁଛି। ତେବେ ଉକ୍ତ ଦାନ୍ତଟି ଏକ ସେଣ୍ଟିମିଟରର ବୋଲି ଏକ୍ସରେ ରିପୋର୍ଟରୁ ଜଣାପଡ଼ିଥିଲା। ଉକ୍ତ ଦାନ୍ତଟି ଝାଙ୍ଗ ବିନ ସେଙ୍ଗଙ୍କ ନାସାରନ୍ଧ୍ରରେ ଦୀର୍ଘ କୋଡ଼ିଏ ବର୍ଷ ଧରି ରହିଥିଲା ବୋଲି ବି ଜଣାପଡ଼ିଥିଲା ।
ଝାଙ୍ଗଙ୍କୁ ଗତ ତିନି ମାସ ହେବ ନିଶ୍ୱାସ ପ୍ରଶ୍ୱାସରେ ବାଧାସୃଷ୍ଟି ହେବାରୁ ସେ ଡାକ୍ତର ଗୁଓଲାନ ମେଇଙ୍କ ନିକଟକୁ ଯାଇଥିଲେ। ଡାକ୍ତର ଗୁଓଲାନ ମେଇ ଦାନ୍ତଟିକୁ ମାତ୍ର ୩୦ ମିନିଟର ସଫଳତାର ସହ ଅସ୍ତ୍ରୋପଚାର କରି ବାହାର କରିଥିଲେ । ଏବେ ଝାଙ୍ଗ ବିନ ସେଙ୍ଗ ସଂପୂର୍ଣ୍ଣ ସୁସ୍ଥ ଥିବା ଜଣାଯାଇଛି।