ଆଶ୍ଚର୍ଯ୍ୟର ଘଟଣା : ଉପୁଡି ପଡିଥିବା ଗଛ ପୁଣି ଛିଡା ହୋଇଗଲା!
ଆମ ଦେଶ ଭାରତରେ ପ୍ରତିଦିନ କେଉଁଠିନା କେଉଁଠି ଅଦ୍ଭୁତ ଧରଣର ଘଟଣା ଦେଖିବାକୁ ମିଳିଥାଏ । କିଛି ଅନ୍ଧ ବିଶ୍ୱାସକୁ ମାନି ଲୋକମାନେ ବିଭିନ୍ନ ପ୍ରକାରର ପୂଜା ପାଠ ମଧ୍ୟ କରିଥାନ୍ତି । ଠିକ ସେହିଭଳି ଏକ ଆଶ୍ଚର୍ଯ୍ୟ କରିଦେଲା ଭଳି ଘଟଣା ଘଟିଛି ଉତ୍ତରପ୍ରଦେଶର ଶୀତାପୁର ଜିଲ୍ଲାରେ । ଉପୁଡି ପଡିଥିବା ଗଛଟି ପୁଣି ଥରେ ଛିଡା ହୋଇଯାଇଛି । ଏହାକୁ ଲୋକ ଦେଖି ଆଶ୍ଚର୍ଯ୍ୟ ଚକ୍କିତ ହେବା ସହିତ ଏହାକୁ ଭଗବାନଙ୍କ ଚମତ୍କାର ଭାବି ପୂଜାର୍ଚ୍ଚନା ଆରମ୍ଭ କରିଦେଇଛନ୍ତି ।
Sambad is now on WhatsApp
Join and get latest news updates delivered to you via WhatsApp
ବିଶେଷଜ୍ଞଙ୍କ କହିବା ଅନୁଯାୟୀ, ଉପୁଡି ପଡିଥିବା ଗଛ ପୂନର୍ବାର ଛିଡା ହୋଇଯିବ ଏହା ଏକ ସାମାନ୍ୟ କଥା । କାରଣ ଗଛର ଅପର ପାର୍ଶ୍ୱରେ ଓଜନ ବଢିବା ଏବଂ ଗଛର ଚେର ମାଟି ଭିତରକୁ ଯାଇ ଗୋଟେ ଦିଗକୁ ଟାଣିହୋଇଯିବା କାରଣରୁ ଉପୁଡି ପଡିଥିବା ଓସ୍ତ ଗଛଟି ଧିରେ ଧିରେ ଛିଡା ହୋଇଯାଇଛି । କିନ୍ତୁ ଲୋକଙ୍କ କହିବା ଅନୁସାରେ ଗତ ୬ ମାସ ତଳେ ଏହି ଓସ୍ତ ଗଛଟିକୁ କାଠୁରିଆ ହାଣି ଦେଇଥିଲା । ଏହା ପରେ କେବଳ ଗଛର ଗଣ୍ଡି ପଡି ରହିଥିଲା । ତେବେ ଏହି ଓସ୍ତ ଗଛଟି ପୁଣି ଥରେ ଛିଡା ହୋଇଯିବା ଘଟଣାକୁ ଲୋକମାନେ କୌଣସି ଔଲୋକିକ ଶକ୍ତି ବୋଲି ମାନୁଛନ୍ତି ।
ଏହି ଘଟଣାକୁ ନେଇ ପଚରାଉଚରା କରିବାରୁ ଜଣା ଯାହା ଜଣା ପଡିଛି, ଏଠାରେ ଏକ ମନ୍ଦିର ନିର୍ମାଣ କରାଯିବାର ବ୍ୟବସ୍ଥା କରାଯାଉଛି । ତେଣୁ କିଛି ଲୋକ ଏଭଳି କଥା କହି ଲୋକଙ୍କ ମଧ୍ୟରେ ଭକ୍ତି ଜାଗ୍ରୁତ କରିବାକୁ ଚାହୁଁଛନ୍ତି । ତେବେ ଏହି ଘଟଣା ସତ ନା ଏହାକୁ କିଏ ଚମତ୍କାର ବୋଲି ପ୍ରମାଣ କରିବା ପାଇଁ ଏପରି ମିଥ୍ୟା ଅପବାଦ ଖେଳାଇଛି ତାହା ଏଯାଏ ସ୍ପଷ୍ଟ ହୋଇପାରି ନାହିଁ ।