ଭବିଷ୍ୟବାଣୀ କରିଥାଏ ଏହି ବୃକ୍ଷ ! ଜାଣନ୍ତୁ କେମିତି
ଗାନ୍ଧୀନଗର: ଗଛ ବି କରିପାରେ ଭବିଷ୍ୟବାଣୀ । ଏକଥା ଆଶ୍ଚର୍ଯ୍ୟ ଲାଗୁଥିଲେ ମଧ୍ୟ ସତ । ଗୁଜୁରାଟର ଏକ ମନ୍ଦିରରେ ଥିବା ଏହି ବୃକ୍ଷକୁ ଦେଖି ଲୋକେ ଭବିଷ୍ୟତ ବିଷୟରେ ଅନୁମାନ କରିଥାଆନ୍ତି ।
Sambad is now on WhatsApp
Join and get latest news updates delivered to you via WhatsApp
ଏହି ବୃକ୍ଷଟି ଗୁଜୁରାଟର ବାଗଡ ଅଞ୍ଚଳର ଗାଲିୟାକୋଟସ୍ଥିତ ଶୀତଲା ମାତାଙ୍କ ମନ୍ଦିର ପ୍ରାଙ୍ଗଣରେ ରହିଛି। ଏହାର ଏକ ବିଶେଷତ୍ୱ ହେଲା, ଏହି ମନ୍ଦିରର ଛାତ ନାହିଁ । ମନ୍ଦିରର ପ୍ରାଙ୍ଗଣରେ ଥିବା ବୃକ୍ଷକୁ ଦେଖି ପଣ୍ଡିତମାନେ ଭବିଷ୍ୟତ ବିଷୟରେ ଅନୁମାନ କରିଥାଆନ୍ତି । ମୁଖ୍ୟତଃ ବର୍ଷା ହେବ କି ନାହିଁ ଏହି ବିଷୟରେ ବୃକ୍ଷଟି ସୂଚନା ଦେଇଥାଏ । ଶୀତଲା ମାତା ମନ୍ଦରରେ ମାତା ଶୀତଲାଙ୍କ ମୁଖ୍ୟ ମୂର୍ତ୍ତିର ଠିକ୍ ପଛରେ ବୃକ୍ଷ ପାଇଁ ଏକ ସ୍ଥାନ ରହିଛି । ସେହି ସ୍ଥାନରେ ବର୍ଷା ସମୟରେ ଏକ ଛୋଟ ବୃକ୍ଷ ଦେଖାଯାଇଥାଏ । ସ୍ଥାନୀୟ ଭାଷାରେ ଏହି ବୃକ୍ଷକୁ ‘ହୁରଣ’ କୁହାଯାଏ ।
ପ୍ରତିବର୍ଷ ଆଷାଢ ମାସରେ ଏହି ସ୍ଥାନରେ ଆପେ ଆପେ ଏହି ଗଛ ହୋଇଥାଏ । ଗଛଟିର ବୃଦ୍ଧି ଦେଖି ଭବିଷ୍ୟତରେ ବର୍ଷା ହେବ କି ନାହିଁ ଜାଣିହୁଏ । ଆଶ୍ଚର୍ଯ୍ୟର କଥା ହେଲା, ଏହି ଗଛ ଦୁର୍ଗାପୂଜା ସମୟରେ ଲୁପ୍ତ ହୋଇଯାଏ । ଚାରିମାସ ବଞ୍ଚି ରହୁଥିବା ଏହି ବୃକ୍ଷ ଗାଁ ଲୋକଙ୍କୁ ଭବିଷ୍ୟତ ବିଷୟରେ ସୂଚନା ଦେଇଯାଇଥାଏ । ଯେତେବେଳେ ଭବିଷ୍ୟତରେ କିଛି ଭଲ ହେବାର ନଥାଏ, ଏହି ଗଛ ଶୁଖିଯାଇଥାଏ । ଏହି ବୃକ୍ଷକୁ ଦେଖିବାକୁ ଗୁରୁରାଟର ବିଭିନ୍ନ ଅଞ୍ଚଳରୁ ଲୋକ ଆସନ୍ତି । ମନ୍ଦିର ପୁରୋହିତଙ୍କ କହିବା ଅନୁସାରେ ବହୁ ବର୍ଷ ହେବ ଏହି ସ୍ଥାନରେ ଗଛ ଏମିତି ପ୍ରତିବର୍ଷ ଉଠେ ଓ ତା’ପରେ ଶୁଖିଯାଏ । ଯାହା ଆଗାମୀ ବର୍ଷର ବର୍ଷା ହେବ କି ନାହିଁ ସେ ବିଷୟରେ ସୂଚନା ଦେଇଥାଏ ।