ନୂଆଦିଲ୍ଲୀ: ଇଣ୍ଟରନେଟ ମଜାଳିଆ, ଭାବପ୍ରବଣ ଏବଂ ଆକର୍ଷଣୀୟ ବିଷୟବସ୍ତୁରେ ପରିପୂର୍ଣ୍ଣ ରହିଛି। ଯାହା ଆମକୁ ଘଣ୍ଟାଘଣ୍ଟା ଧରି ବାନ୍ଧି ରଖିଥାଏ। ଏପରି ଏକ ଭିଡିଓ ନିକଟରେ ଭାଇରାଲ ହୋଇଛି।

Advertisment

ଯୋଧପୁରର କଳାକାର ଡକ୍ଟର ଶିବାନୀ ମାଣ୍ଡାଙ୍କ ଚମତ୍କାର ସ୍କେଚିଂ ଶୈଳୀ ସୋସିଆଲ ମିଡ଼ିଆରେ ଚର୍ଚ୍ଚାରେ ରହିଛି। ଏକ ପେଣ୍ଟବ୍ରଶ୍ କିମ୍ବା ରଙ୍ଗୀନ ପେନ୍ସିଲ ବ୍ୟବହାର କରିବା ପରିବର୍ତ୍ତେ ରାମରାମ ଲେଖି ଶିବାନୀ ଏହି ସୁନ୍ଦର ଚିତ୍ର ପୂରା କରିଛନ୍ତି। ରାମରାମ ଲେଖିବା ପାଇଁ ସେ ବିଭିନ୍ନ ପ୍ରକାର ରଙ୍ଗୀନ ସ୍କେଚ ପେନର ବ୍ୟବହାର କରିଛନ୍ତି।

ଏହି ଭିଡିଓ ସୋସିଆଲ ମିଡିଆ ପ୍ଲାଟଫର୍ମରେ ସେୟାର କରାଯାଇଥିଲା। ସେୟାର ହେବା ପରଠାରୁ ଏହାକୁ ୯.୫ ନିୟୁତ ଥର ଦେଖାଯାଇଛି । ଏହି ଭିଡିଓରେ ୧.୧ ମିଲିୟନ୍ ଲାଇକ୍ ଏବଂ ଅନେକ କମେଣ୍ଟ ଅଛି । ଶିବାନୀଙ୍କ ପ୍ରତିଭା ଦେଖି ଅନେକ ଲୋକ ପ୍ରଶଂସା କରିଛନ୍ତି।

ଜଣେ ଇନଷ୍ଟାଗ୍ରାମ ବ୍ୟବହାରକାରୀ ଲେଖିଛନ୍ତି, 'ବହୁତ ଭଲ କାମ। ତୁମର ମହାନ କାର୍ଯ୍ୟକୁ ନମସ୍କାର। ଏହା ସହଜ ନୁହେଁ। ମୁଁ ତୁମର ଧୌର୍ଯ୍ୟକୁ ପ୍ରଶଂସା କରୁଛି।| ଅନ୍ୟ ଜଣେ ଲେଖିଛନ୍ତି, ବହୁତ, ବହୁତ ସୁନ୍ଦର। ସେହିପରି ଆଉ ଜଣେ ପ୍ରତିକ୍ରିୟା ଦେଇ ଲେଖିଛନ୍ତି 'କି ପ୍ରତିଭା। କେତେ ସୁନ୍ଦର।'