ଭାରତରେ ଟ୍ରମ୍ପଙ୍କର ଅଛି ୧୦୦ରୁ ଅଧିକ ଫ୍ଲାଟ ଓ ଘର
ନୂଆଦିଲ୍ଲୀ/ମୁମ୍ବାଇ: ଭାରତ ଗସ୍ତରେ ଆସିଛନ୍ତି ଆମେରିକା ରାଷ୍ଟ୍ରପତି ଡୋନାଲଡ ଟ୍ରମ୍ପ | ଭାରତ ଟ୍ରମ୍ପଙ୍କ ପାଇଁ ନୂଆ ସ୍ଥାନ ବୋଲି ଯଦି ଆପଣ ଭାବୁଥିବେ ତେବେ ଏ କଥା ସତ ନୁହେଁ | କାରଣ ଟ୍ରମ୍ପଙ୍କର ଭାରତରେ ଶତାଧିକ ଫ୍ଲାଟ ଓ ଘର ରହିଛି | ଟ୍ରମ୍ପଙ୍କ କମ୍ପାନୀ ଭାରତର ୪ଟି ସ୍ଥାନରେ ବିଳାସମୟ ଫ୍ଲାଟ ଓ ଆପାର୍ଟମେଣ୍ଟ ନିର୍ମାଣ କରିଛି | ଟ୍ରମ୍ପ ଟାୱାର ଭାବେ ପରିଚିତ କମ୍ପାନୀ ଭାରତର ମୁମ୍ବାଇ, କୋଲକାତା, ପୁନେ ଓ ଗୁଡଗାଓଁରେ ନିର୍ମାଣ ହୋଇଛି |
Sambad is now on WhatsApp
Join and get latest news updates delivered to you via WhatsApp
ମୁମ୍ବାଇରେ ହୋଇଥିବା ଟ୍ରମ୍ପ ଟାୱାରରେ ୭୫ଟି ମହଲା ଥିବାବେଳେ ଏଥିରେ ଟ୍ରମ୍ପଙ୍କ ପାର୍ଟନର ରହିଛନ୍ତି ମେକରୋଟେକ ଡେଭଲପର୍ସର ମାଲିକ ମଙ୍ଗଳ ପ୍ରଭାତ | ମଙ୍ଗଳ ମୁମ୍ବାଇ ବିଜେପିର ଅଧ୍ୟକ୍ଷ ଥିବାବେଳେ ମାଲବାର ହିଲସ ଆସନରୁ ବିଧାୟକ ମଧ୍ୟ ଅଛନ୍ତି | ସେହିପରି ପୁନେରେ ଥିବା ଟ୍ରମ୍ପ ଟାୱାରରେ ୨୩ଟି ମହଲା ଥିବାବେଳେ ଭାରତର ପଞ୍ଚଶୀଳା ରିୟଲିଟି କମ୍ପାନୀ ସହ ମିଶି ନିର୍ମାଣ କରିଛି |
ସେହିପରି ଗୁଡଗାଓଁରେ ମଧ୍ୟ ଏକ ଭାରତୀୟ କମ୍ପାନୀ ସହ ମିଶି ଟ୍ରମ୍ପ ଟାୱାର ଅଫିସ ଟାୱାର ନିର୍ମାଣ କରିଛି | ପଶ୍ଚିମବଙ୍ଗର ରାଜଧାନୀ କୋଲକାତାରେ ଟ୍ରମ୍ପଙ୍କ କମ୍ପାନୀ ଏକ ଆପାର୍ଟମେଣ୍ଟ ନିର୍ମାଣ କରୁଛି | ୨୦୨୦ ଶେଷ ବେଳକୁ ଏହାର ନିର୍ମାଣ କାର୍ଯ୍ୟ ସରିଯିବ |