‘ଟ୍ରଙ୍କ୍ କଲ୍’ ଶବ୍ଦଟିର ଉତ୍ପତ୍ତି ହେଇଥିଲା ଏମିତି
ଯୁକ୍ତରାଷ୍ଟ୍ର ଆମେରିକାର କୋଟିପତି ଧନିକ ଉଇଲିଅମ୍ ରାଣ୍ତୋଲ୍ଫ ହର୍ଷ୍ଟ୍ ଥିଲେ ଟେଲିଫୋନ୍ ପାଗଳ। ତାଙ୍କ ପାଇଁ ସର୍ବାଧିକ ସୁଖ ପ୍ରଦାନକାରୀ ଜିନିଷ ଥିଲା ଟେଲିଫୋନ୍। ତାଙ୍କର ଭବ୍ୟ ପ୍ରାସାଦରେ ଏମିତି କୌଣସି ସ୍ଥାନ ନ ଥିଲା, ଯେଉଁଠି ସେ ଟେଲିଫୋନ୍ ରଖି ନ ଥିଲେ। ଆଖି ଯେଉଁ ଆଡ଼େ ଯିବ, ସବୁଠି ଟେଲିଫୋନ୍। ଖାଲି ଘର କାହିଁକି ବାହାରେ ମଧୢ ସେ ଟେଲିଫୋନ୍ ରଖିବାକୁ ଛାଡ଼ି ନ ଥିଲେ।
Sambad is now on WhatsApp
Join and get latest news updates delivered to you via WhatsApp
ବଗିଚା ଭିତରେ, ଗଛ କୋଟରରେ ସୁଦ୍ଧା ରଖିଥିଲେ ଟେଲିଫୋନ୍। ଆଉ କୋଟର ଭିତରେ ଥିବା ଟେଲିଫୋନ୍ ଘଣ୍ଟି ବାଜିଲେ ଜାଣିପାରୁଥିଲେ କେଉଁଠି ବାଜୁଛି! ତାଙ୍କ ପାଟିରୁ ସ୍ବତଃ ବାହାରିପଡ଼ୁଥିଲା- ‘ମଷ୍ଟ୍ ବି ଏ ଟ୍ରଙ୍କ୍ କଲ୍’। ଟେଲିଫୋନ୍ ଶିଳ୍ପରେ ଏକଦା ବହୁଳ ବ୍ୟବହୃତ ହେଉଥିବା ‘ଟ୍ରଙ୍କ୍ କଲ୍’ ଶବ୍ଦଟିର ଉତ୍ପତ୍ତି ଏମିତି ହେଇଥିଲା।