ଯଦି ମଙ୍ଗଳବାରରେ ପଡ଼େ ପୂର୍ଣ୍ଣିମା,ସୌଭାଗ୍ୟପ୍ରାପ୍ତି ପାଇଁ କରନ୍ତୁ ଏହି ଉପାୟ!

ଆଜି ପୌଷ ପୂର୍ଣ୍ଣିମା ଏଣେ ମଙ୍ଗଳବାର ବି। ଆଜିଠାରୁ ମାଘ ମାସର ଶୁଭାରମ୍ଭ ହେଉଛି।ମଙ୍ଗଳବାର ଦିନ ଯଦି ପୂର୍ଣ୍ଣିମା ପଡ଼େ,ତେବେ ତାହା ଏକ ଶୁଭଯୋଗ ବୋଲି କୁହାଯାଇଥାଏ। ମଙ୍ଗଳବାର ହେଉଛି ଉଭୟ ଭଗବାନ ହନୁମାନ ଓ ମଙ୍ଗଳ ଦେବଙ୍କ ସ୍ୱତନ୍ତ୍ର ଦିନ। ତା’ଛଡ଼ା ପୂର୍ଣ୍ଣିମା ଦିନ ଭଗବାନ ବିଷ୍ଣୁ ଓ ଲକ୍ଷ୍ମୀଙ୍କର ଆରାଧନା କରାଯାଇଥାଏ। ମଙ୍ଗଳବାର ଦିନ ପୂର୍ଣ୍ଣିମା ପଡ଼ୁଥିଲେ ସମସ୍ତ ଦେବଦେବୀଙ୍କୁ ସହଜରେ ପ୍ରସନ୍ନ କରାଯାଇପାରେ। ଆସନ୍ତୁ ସେହି ଉପାୟଗୁଡ଼ିକ ସଂପର୍କରେ ଜାଣିବା!……

୧-ମଙ୍ଗଳବାର ଦିନ ଜଳରେ ଲାଲ ପୁଷ୍ପ ,ଲାଲ ଚନ୍ଦନ ଓ ଗଙ୍ଗା ଜଳ ମିଶାଇ ସ୍ନାନ କରନ୍ତୁ।ଏପରି କଲେ ତୀର୍ଥ ସମ ପୁଣ୍ୟ ମିଳିଥାଏ ଏବଂ ଦୁର୍ଭାଗ୍ୟରୁ ମୁକ୍ତି ମିଳିଥାଏ।

୨-ମଙ୍ଗଳବାର ଭଗବାନ ଶ୍ରୀରାମଙ୍କ ମନ୍ଦିରକୁ ଯାଇ ହନୁମାନଙ୍କ ମୂର୍ତ୍ତିର ମଥାରେ ଥିବା ସିନ୍ଦୁରକୁ ଡ଼ାହାଣ ହାତର ଆଙ୍ଗୁଠିରେ ନେଇ ମାତା ସୀତାଙ୍କ ଚରଣରେ ଲଗାନ୍ତୁ।ଏହି ସମୟରେ ନିଜର ମନ କଥା ଠାକୁରଙ୍କୁ ଜଣାନ୍ତୁ। ଏପରି କରିଲେ ନିଜର ମନସ୍କାମନା ପୂରଣ ହୋଇଥାଏ।
୩-ମଙ୍ଗଳବାର ସନ୍ଧ୍ୟାରେ ହନୁମାନଜୀଙ୍କ ମନ୍ଦିରକୁ ଯାଇ ଗୋଲାପ ମାଳା ପ୍ରଦାନ କରନ୍ତୁ।ଏହା ଦ୍ୱାରା ମଧ୍ୟ ଭଗବାନ ହନୁମାନଙ୍କ କୃପା ମିଳିଥାଏ।

୪- ମଙ୍ଗଳବାର ସନ୍ଧ୍ୟାରେ ହନୁମାନଙ୍କ ମନ୍ଦିରରେ ଗୋଟିଏ ଦୀପ ସୋରିଷ ତେଲରେ ଓ ଗୋଟିଏ ଶୁଦ୍ଧ ଘିଅରେ ଜଳାନ୍ତୁ। ହନୁମାନ ଚାଳିଶା ପାଠ କରନ୍ତୁ। ଏହାଦ୍ୱାରା ସମସ୍ତ କଷ୍ଟ ଲାଘବ ହୋଇଥାଏ।
୫-ପୂର୍ଣ୍ଣିମା ଦିନ ଭଗବାନ ସତ୍ୟନାରାୟଣଙ୍କ କଥା ଶୁଣନ୍ତୁ। ଭଗବାନ ବିଷ୍ଣୁଙ୍କୁ ହାଲୁଆ ଭୋଗ ପ୍ରଦାନ କରନ୍ତୁ।ତା’ ସହିତ ମା’ ମହାଲକ୍ଷ୍ମୀଙ୍କୁ ମଧ୍ୟ ପୂଜାର୍ଚ୍ଚନା କରନ୍ତୁ।