ନୂଆଦିଲ୍ଲୀ: ଆନ୍ଧ୍ରପ୍ରଦେଶର ଜଣେ ଛଅବର୍ଷର ଶିଶୁ ନିଜ ସ୍କୁଲ ନିକଟରେ ପ୍ରତିଦିନ ହେଉଥିବା ଟ୍ରାଫିକ ଜାମ ହେତୁ ବ୍ୟସ୍ତ ହୋଇ ପୁଲିସ ଷ୍ଟେସନରେ ଆସି ପହଞ୍ଚି ଯାଇଥିବାର ଘଟଣା ସାମ୍ନାକୁ ଆସିଛି। ପୁଲିସକୁ ଶିଶୁ ଟ୍ରାଫିକ ସମସ୍ୟା ନେଇ କରୁଥିବା ପ୍ରଶ୍ନର ଏକ ଭିଡିଓ ସୋସିଆଲ ମିଡିଆରେ ଭାଇରାଲ ହୋଇଛି।
Sambad is now on WhatsApp
Join and get latest news updates delivered to you via WhatsApp
ୟୁକେଜିର ଜଣେ ଛାତ୍ର ଗୁରୁବାର ଦିନ ତାର ଅଭିଯୋଗ ନେଇ ଚିତ୍ତୁର ଜିଲ୍ଲାର ପାଲମନେର ସ୍ଥାନୀୟ ପୁଲିସ ଷ୍ଟେସନକୁ ଯାଇଥିଲା। କାର୍ତ୍ତିକେୟ ନାମକ ଏହି ଶିଶୁ ପାଲମନେର ସର୍କଲ ଇନ୍ସପେକ୍ଟର ଏନ ଭାସ୍କରଙ୍କୁ ଯାଇ କହିଥିଲା ଯେ ଡ୍ରେନ କାମ ପାଇଁ ଖୋଳା ଯାଇଥିବା ରାସ୍ତାରେ ଟ୍ରାଫିକ ସମସ୍ୟା ଦିନକୁ ଦିନ ବୃଦ୍ଧି ପାଉଛି। ତେଣୁ ସ୍କୁଲ ଯିବାରେ ଅସୁବିଧା ହେଉଛି। ସମସ୍ୟାର ସମାଧାନ ପାଇଁ ଉକ୍ତ ଅଞ୍ଚଳ ପରିଦର୍ଶନ କରିବାକୁ ସେ ଅନୁରୋଧ କରିଥିଲା।
#AndhraPradesh: A 6-year-old UKG student Karthikeya of #Palamaner in #Chittoordistrict complaints to the police, on traffic issues near his school. He asked the police to visit the school and solve the problem.@NewsMeter_In @CoreenaSuares2 @ChittoorPolice @APPOLICE100 pic.twitter.com/RxiJpSYzY0
— SriLakshmi Muttevi (@SriLakshmi_10) March 19, 2022
ବାଳକର ଆତ୍ମବିଶ୍ୱାସ ଦେଖି ପୁଲିସ ଅଧିକାରୀ ଖୁସି ହୋଇ ତାକୁ ମିଠା ପ୍ରଦାନ କରିଥିଲେ ଏବଂ ଏହି ଘଟଣାର ଦୃଷ୍ଟି ଦେବାକୁ ପ୍ରତିଶୃତି ଦେଇଥିଲେ। ଏନ ଭାସ୍କର ମଧ୍ୟ ଶିଶୁକୁ ଫୋନ୍ ନମ୍ବର ଦେଇ ସ୍କୁଲ ଯିବା ସମୟରେ ଯଦି କେବେ କୌଣସି ସମସ୍ୟା ହୁଏ ତେବେ ଫୋନ ଜରିଆରେ ଜଣାଇବ ବୋଲି କହିଥିଲେ।