ଜୀବନ ସହ ଖେଳି ପାହାଡ଼ ମଧ୍ୟରେ ଜାଲ ବାନ୍ଧି ବିବାହ କଲେ ଦମ୍ପତି
ବିବାହ ଜୀବନରେ ଥରେ ହୋଇଥାଏ । ଏହି ଦିନଟିକୁ ସମସ୍ତେ ଅପେକ୍ଷା କରି ରହିଥାନ୍ତି । ବିବାହ ପରେ ସମସ୍ତଙ୍କ ଜୀବନରେ ପରିବର୍ତ୍ତନ ଆସିଥାଏ । ଏହା ପରେ ସମସ୍ତଙ୍କର ବଞ୍ଚିବା ଶୈଳୀରେ ପରିବର୍ତ୍ତନ ଆସିଥାଏ । ଏହି ଦିନକୁ ସ୍ମରଣୀୟ କରିବା ପାଇଁ ସମସ୍ତେ ଚେଷ୍ଟା କରିଥାନ୍ତି । ଘରୁ ବାହାରି ଅନ୍ୟ ଏକ ରାଜ୍ୟ ବା ଦେଶକୁ ଯାଇ ବିବାହ କରିଥାନ୍ତି ବର ଏବଂ ବଧୂ ।
Sambad is now on WhatsApp
Join and get latest news updates delivered to you via WhatsApp
ସେହିଭଳି ଭାବରେ କାଲିଫର୍ଣ୍ଣିଆର ବର ରେୟାନ ଜେଙ୍କ୍ସ ଏବଂ ବଧୂ କିମ୍ବର୍ଲେ ଓ୍ଵାଗ୍ଲିନ୍ ନିଜ ବିବାହକୁ ସବୁଦିନ ପାଇଁ ସ୍ମରଣୀୟ କରିବା ପାଇଁ ଏବଂ ସମସ୍ତଙ୍କଠାରୁ କିଛି ଅଲଗା କରିବା ପାଇଁ ଏକ ଭିନ୍ନ ପ୍ରୟାସ କରିଛନ୍ତି । ଦୁଇ ପାହାଡ଼ ମଧ୍ୟରେ ଜାଲକୁ ସଂଯୋଗ କରି ତା’ ଉପରେ ବିବାହ କରିଛନ୍ତି ଏହି ଦମ୍ପତି ।
ନିଜ ଜୀବନ ସହ ଖେଳି ଏହି ବିବାହ କରିଥିବା ବେଳେ ଏହି ଭିଡ଼ିଓ ଏବେ ଚାରିଆଡ଼େ ଚର୍ଚ୍ଚାର ବିଷୟ ପାଲଟିଛି। ସୋସିଆଲ୍ ମିଡ଼ିଆରେ ଭିଡ଼ିଓ ଭାଇରାଲ ହେବା ପରେ ସମସ୍ତେ ତାଙ୍କର ଏହି ସାହସକୁ ଦେଖି ଆଶ୍ଚର୍ଯ୍ୟ ହୋଇଯାଇଛନ୍ତି । ମୋବ୍ ସହରରେ ଥିବା ଉହାଥ୍ ପାହାଡ଼ ଉପରେ ସେମାନେ ଏପରି କରିଥିବା ଜଣା ପଡ଼ିଛି । ପାହାଡ଼ଟି ସମୁଦ୍ର ପତ୍ତନଠାରୁ ୪୦୦ ଫୁଟ୍ ଉଚ୍ଚ ଥିବା ଜଣା ପଡ଼ିଛି ।