ଫଟୋସୁଟ ପାଇଁ 'ଗର୍ଭବତୀ' ହେଉଛନ୍ତି ଅବିବାହିତା ଝିଅ

ବେଜିଂ: ଆମେ କଳ୍ପନା କରିବା ଅପେକ୍ଷା ବିଶ୍ୱ ବଦଳି ଯାଉଛି। ଯାହାକୁ ଏକଦା ସାମାଜିକ ଭାବେ ଭୁଲ୍ ବୋଲି ବିବେଚନା କରାଯାଉଥିଲା, ତାହା ଏବେ ଆଦର୍ଶରେ ପରିଣତ ହେଉଛି। ପଡୋଶୀ ଦେଶ ଚୀନ୍‌ରେ ମଧ୍ୟ ଏକ ଅଦ୍ଭୁତ ଏବଂ ଚକିତ ପ୍ରକ୍ରିୟା ଚାଲିଛି। ଏହି ପ୍ରସଙ୍ଗ ଚାଇନାର ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି। ପଡୋଶୀ ଚୀନ୍ ସମାଜ ଭାରତୀୟ ସମାଜ ଭଳି କିଛି ନୈତିକ ମୂଲ୍ୟବୋଧକୁ ଅନୁସରଣ କରିଥାଏ।

ବର୍ତ୍ତମାନ ସେଠାରେ ଏପରି ଏକ ଧାରା ଆରମ୍ଭ ହୋଇଛି ଯାହାକୁ ଲୋକମାନେ ଏହାକୁ ଗ୍ରହଣ କରିବାକୁ ଅମଙ୍ଗ ହେଉଛନ୍ତି। ଚୀନ୍‌ରେ ଅବିବାହିତା ଝିଅମାନେ ଗର୍ଭବତୀ ହୋଇ ଫଟୋ ଉଠାଉଛନ୍ତି। ତାଙ୍କର ଏହି ଫଟୋ ଅନ୍ୟମାନଙ୍କୁ ପସନ୍ଦ ହେଉନାର୍ହି। କିନ୍ତୁ ଏହା ଝିଅମାନଙ୍କ ଉପରେ କୌଣସି ପ୍ରଭାବ ପକାଉ ନାହିଁ।

ଚୀନ୍‌ର ଗଣମାଧ୍ୟମ ରିପୋର୍ଟ ଅନୁଯାୟୀ, ଅବିବାହିତା ଝିଅମାନଙ୍କୁ ଚାଇନାର ସୋସିଆଲ ମିଡିଆରେ ଗର୍ଭବତୀ ଫଟୋ ସୁଟ୍ କରୁଥିବା ଦେଖାଯାଉଛି। ଏହି ମାତୃତ୍ୱ ଫଟୋସୁଟରେ,ଏକ ନକଲି ବେବି ବମ୍ପ ଲଗାଇ ସେମାନେ ଫଟୋ ସୁଟ୍ କରୁଛନ୍ତି।

ଜେନେରେସନ୍ ଜେଡ୍‌ର ଏହି ନୂତନ ଧାରାକୁ ନେଇ ଚୀନ୍‌ର ବୃଦ୍ଧବୃଦ୍ଧା ଏବଂ ପିତାମାତାମାନେ ଚକିତ ତଥା ଚିନ୍ତିତ ହୋଇପଡିଛନ୍ତି। ଏହି ପ୍ରିମେଡ୍ ମାତୃତ୍ୱ ଫଟୋସୁଟ୍ ଟ୍ରେଣ୍ଡ୍ ଆରମ୍ଭ କରି ଚୀନ୍‌ର ପ୍ରଭାବଶାଳୀ  ବ୍ୟକ୍ତି ମେଜି ଗେଜ୍ ଏହାକୁ ସୋସିଆଲ୍ ମିଡିଆରେ ପୋଷ୍ଟ କରିଥିଲେ। ​​ ଏହି ଫଟୋକୁ ୫୭ ଲକ୍ଷ ଫଲୋଅର୍ସ ଦେଖିଥିଲେ।

ଏହିପରି ଫଟୋ ଉଠାଉଥିବା ଝିଅମାନଙ୍କର ଯୁକ୍ତି ହେଉଛି ଯେ, ସେମାନେ ଏବେ ବିବାହ କରିବାକୁ ଚାହାନ୍ତି ନାହିଁ, କିନ୍ତୁ ସେମାନେ ମାତୃତ୍ୱ ଫଟୋରେ ପତଳା ଏବଂ ସୁନ୍ଦର ଦେଖାଯିବାକୁ ଚାହାନ୍ତି।

ଅଧିକ ପଢ଼ନ୍ତୁ: ଲଜ୍ଜା ନାଟକର ମଞ୍ଚସ୍ଥ ଉପରେ କଟକଣା: ମମତାଙ୍କୁ ତସଲିମାଙ୍କ ସମାଲୋଚନା

ସେମାନଙ୍କ ଅନୁସାରେ ଯଦି ଆପଣ ୩୦ ବର୍ଷ ବୟସରେ ଗର୍ଭବତୀ ହୁଅନ୍ତି, ତେବେ ଆପଣଙ୍କ ଚେହେରାରେ କୁଞ୍ଚନ ଦେଖାଯିବ, କିନ୍ତୁ ୨୬ ବର୍ଷ ବୟସରେ ଆପଣ ଛୋଟ ଦେଖାଯିବେ। ଏଣୁ, ସେମାନେ ଫଟୋସୁଟ୍ ଶେଷ କରିସାରିଛନ୍ତି ଏବଂ ପ୍ରକୃତରେ ଗର୍ଭବତୀ ନ ହେବା ପର୍ଯ୍ୟନ୍ତ ଏହାକୁ ସ୍ମୃତି ଭାବରେ ପୋଷ୍ଟ କରିବେ। ଯେତେବେଳେ ସେମାନେ ପ୍ରକୃତରେ ଗର୍ଭବତୀ ହେବେ ସେତେବେଳର ଅନୁଭୁତି ନେଇ ସେମାନେ ବେଶ୍ ଆଶାବାଦୀ ଥିବା କହୁଛନ୍ତି। 

ଏନେଇ କିଛି ସୋସିଆଲ ମିଡିଆରେ କିଛି ୟୁଜର ମଜାଳିଆ ଭାବେ କହିଛନ୍ତି ଯେ, ତା’ପରେ ସେମାନେ ସେମାନଙ୍କର ଅନ୍ତିମ ସଂସ୍କାର ପାଇଁ ଏକ ମୃତ ଶରୀର ହୋଇ ଏକ ଫଟୋସୁଟ୍ କରିବା ଉଚିତ୍, ନଚେତ୍ ସେମାନେ ୭୦ ବର୍ଷ ବୟସରେ ଜନ୍ମଦିନର ସୁଟ୍ କରିବା ଉଚିତ୍।

ଅଧିକ ପଢ଼ନ୍ତୁ: ନାତିର କଷ୍ଟଡି ନମିଳିଲେ ସମସ୍ତେ ଜୀବନ ହାରିବୁ: ମୃତ ଅତୁଲଙ୍କ ବାପା