ଦୃଷ୍ଟିଶକ୍ତି ହରାଇଥିବା ଛାତ୍ର ସିଭିଲ ସର୍ଭିସ୍ ପରୀକ୍ଷାରେ ହେଲେ ଉତ୍ତୀର୍ଣ୍ଣ

ନୂଆଦିଲ୍ଲୀ: କେନ୍ଦ୍ରୀୟ ଲୋକସେବା ଆୟୋଗ(ୟୁପିଏସ୍‌ସି) ଦ୍ବାରା ପରିଚାଳିତ ୨୦୨୪ର ସିଭିଲ ସର୍ଭିସ୍ ପରୀକ୍ଷା ଫଳ ପ୍ରକାଶ ପାଇଛି। ଏଥିରେ ଶକ୍ତି ଦୁବେ ସାରା ଦେଶରେ ପ୍ରଥମ ହୋଇଥିବା ବେଳେ ହର୍ଷିତା ଗୋୟଲ ଦ୍ବିତୀୟ, ଡୋଙ୍ଗ୍ରି ଅର୍ଚ୍ଚିତ୍ ପରାଗ ତୃତୀୟ ସ୍ଥାନ ଅଧିକାର କରିଛନ୍ତି।

ଏହି କ୍ରମରେ ବିହାରର ନବାଦା ଜିଲ୍ଲାର ମହୁଲି ଗ୍ରାମରେ ରହୁଥିବା ରବି ରାଜ  ସିଭିଲ ସର୍ଭିସ୍ ପରୀକ୍ଷାରେ ୧୮୨ତମ ସ୍ଥାନ ଅଧିକାରୀ କରି ଚର୍ଚ୍ଚାର ପରିସରକୁ ଆସିଛନ୍ତି। ରବି ଚର୍ଚ୍ଚାର ପରିସରକୁ ଆସିବାର କାରଣ ହେଉଛି  ତାଙ୍କର ଦୃଷ୍ଟିଶକ୍ତି ନାହିଁ। ଏହା ସତ୍ତ୍ବେ ବି ସିଭିଲ ସର୍ଭିସ୍ ପରୀକ୍ଷାରେ ଉତ୍ତୀର୍ଣ୍ଣ ହୋଇ ସମସ୍ତଙ୍କ ପାଇଁ ପ୍ରେରଣା ପାଲଟିଛନ୍ତି।

ରବି ରାଜଙ୍କ ବାପାଙ୍କ ନାମ ରଞ୍ଜନ କୁମାର ସିହ୍ନା ଓ ମା’ଙ୍କ ନାମ ବିଭା ସିହ୍ନା। ରବିଙ୍କର ଏହି ସଫଳତା ପଛରେ ମା’ ବିଭାଙ୍କ ଗୁରୁତ୍ବପୂର୍ଣ୍ଣ ଭୂମିକା ରହିଛି। ରବି ରାଜଙ୍କର ସିନା ଦୃଷ୍ଟିଶକ୍ତି ନଥିଲା, କିନ୍ତୁ ତାଙ୍କର ଆଖି ସାଜିଥିଲେ ମା’। ରବିଙ୍କୁ ମା’ ପାଠପଢ଼ା ଠାରୁ  ଆରମ୍ଭ କରି ଲେଖିବା ବୁଝାଇବା  ସବୁ କାମ କରୁଥିଲେ।

ଏହି ସଫଳତାକୁ ନେଇ ରବି କହିଛନ୍ତି, ‘ମୋ ସଫଳତାର ସମ୍ପୂର୍ଣ୍ଣ ଶ୍ରେୟ ମା’ଙ୍କୁ ଦେବି। କାରଣ ମା’ ମୋ ପାଇଁ ତାଙ୍କ ଜୀବନକୁ ଜ‌ଣେ ବିଦ୍ୟାର୍ଥୀଙ୍କ ପରି ବଞ୍ଚୁଥିଲେ। ୟୁପିଏସ୍‌ସି ପରୀକ୍ଷା  ପ୍ରସ୍ତୁତି ପାଇଁ ମା’ ଓ ମୁଁ ୟୁଟ୍ୟୁବର ସାହାଯ୍ୟ ନେଇଥିଲୁ।