ଦୁନିଆର ସବୁଠୁ ବଡ ହୀରା ଖଣିର ରହସ୍ୟ, ଏହା ଉପର ଦେଇ ଯାଉଥିବା ହେଲିକପ୍ଟର ହୁଏ ଦୁର୍ଘଟଣାଗ୍ରସ୍ତ
ପୂର୍ବ ସାଇବେରିଆରେ ଅବସ୍ଥିତ ‘ମିିରନୀ ଖଣି’ ଏହା ଦୁନିଆର ସବୁଠୁ ବଡ ହୀରା ଖଣି ଅଟେ । ଏହି ଖଣିରୁ ବିପୁଳ ପରିମାଣରେ ହୀରା ବାହାରି ଥାଏ । ଏହି ଖଣିର ଗଭୀର ୧୭୨୨ ଫୁଟ ହେଇଥିବା ବେଳେ ଚଉଡା ୩୯୦୦ ଫୁଟ ଅଟେ । ଏହା ଦୁନିଆର ଦ୍ୱିତୀୟ ମଣିଷ୍ୟକୃତ ଗୁମ୍ଫା ଅଟେ । ସୋଭିଏତ ଭୂବିଜ୍ଞାନୀମାନଙ୍କର ଏକ ଦଳ ୧୯୫୫ ମସିହା ଜୁନ ୧୩ ତରିଖରେ ଏହି ଖଣିକୁ ଖୋଜି ବାହାର କରିଥିଲେ । କିନ୍ତୁ ୧୯୫୭ ମସିହାରେ ଏହି ଖଣିର ବିକାଶ କରାଯାଇଥିଲା । ଏଠାରେ ବର୍ଷର ଅଧିକାଂଶ ସମୟ ପାଣିପାଗ ଖରାପ ରୁହେ, ଶୀତ ରୁତୁରେ ତାପମାତ୍ରା ଏତେ ତଳକୁ ଖସିଯାଏ ଯେ ଗାଡିରେ ଥିବା ତେଲ କଠିନ ହୋଇଯାଏ । ବେଳେବେଳେ ଗାଡି ଟାୟାର ମଧ୍ୟ ଫାଟିଯାଏ । ଖଣିକୁ ଖୋଲିବା ପାଇଁ ଡାଇନାମାଇଟ ଓ ଜେଟ ଇଞ୍ଜିନର ବ୍ୟବହାର କରାଯାଏ । ଖଣିର ଉଦ୍ଭାବନ ହେବା ପରେ ରୁଷିଆ ପୃଥିବୀର ତୃତୀୟ ଖଣି ଉତ୍ପାଦନ ଦେଶ ହୋଇଥିଲା । ଏହା ଖଣିରୁ ପ୍ରତି ବର୍ଷ ୧ କୋଟି କ୍ୟାରେଟର ହୀରା ଉତ୍ପାଦନ ହେଉଥିଲା ।
Sambad is now on WhatsApp
Join and get latest news updates delivered to you via WhatsApp
ଏହା ଖଣିର ଆକାର ଏତେ ବଡ ଯେ ଏହା ଉପର ଦେଇ ଯାଉଥିବା ହେଲିକପ୍ଟର ଖଣିର ଗଭୀରରୁ ଆସୁଥିବା ପବନ ପ୍ରଭାବରେ ଦୁର୍ଘଟଣା ଗ୍ରସ୍ତ ହୋଇଥାଏ । ଏପରି ଘଟଣା ବାରମ୍ବାର ଘଟିବା ପରେ ଖଣି ଉପର ଦେଇ ହେଲିକପ୍ଟର ଯିବାକୁ ବାରଣ କରାଯାଇଥିଲା । ବର୍ଷ ୨୦୧୧ ଠାରୁ ଏହି ଖଣିକୁ ପୁରାପୁରି ଭାବେ ବନ୍ଦ କରି ଦିଆଯାଇଛି ।