ନୂଆଦିଲ୍ଲୀ: ଇଣ୍ଟରନେଟ ଦୁନିଆରେ ସମୟସମୟରେ ଏମିତି ଘଟଣାର ଫଟୋ ଓ ଭିଡିଓ ସାମ୍ନାକୁ ଆସିଥାଏ, ଯାହାକୁ ଦେଖିଲେ ଆଶ୍ଚର୍ଯ୍ୟ ଲାଗିଥାଏ।

Advertisment

ନିକଟରେ ଏମିତି ଏକ ଭିଡିଓ ଭାଇରାଲ ହୋଇଛି। ଯେଉଁଥିରେ ଜଣେ ବ୍ୟକ୍ତିଙ୍କୁ ଦେଖିବାକୁ ମିଳୁଛି। ଏହି ବ୍ୟକ୍ତି ଜଣକ ପିନ୍ଧିଥିବା ଜ୍ୟାକେଟ ଉପରେ ଏକ ପୋଷ୍ଟର ଲଗାଇଛନ୍ତି। ଯାହାକୁ ଦେଖି ତାଙ୍କ ଆଖପାଖ ଲୋକ ଆଶ୍ଚର୍ଯ୍ୟ ହୋଇଯାଉଛନ୍ତି। ଯୁବକ ଜଣକ ତାଙ୍କ ଜ୍ୟାକେଟ ଉପରେ ଯେଉଁ ପୋଷ୍ଟର ଲଗାଇଛନ୍ତି, ସେଥିରେ ସେ ଲେଖିଛନ୍ତି, ‘‘ମୋତେ ପ୍ରେମିକା ଦାନ କର’ ।’

ତେବେ ବ୍ୟକ୍ତି ଜଣକ କାହିଁକି ଏଭଳି ପୋଷ୍ଟର ଲଗାଇ ଦିଲ୍ଲୀ ମେଟ୍ରୋ ଷ୍ଟେସନରେ ବୁଲୁଛନ୍ତି ତାହା ରିପୋର୍ଟ ଲେଖାହେଲା ପର୍ଯ୍ୟନ୍ତ ସ୍ପଷ୍ଟ ହୋଇପାରି ନଥିଲା।

ସୋସିଆଲ ମିଡିଆ ପ୍ଲାଟଫର୍ମ ଇନଷ୍ଟାଗ୍ରାମରେ ଏହି ଭିଡିଓକୁ ମୋହିତଗ୍ବହର ନାମକ ଆକାଉଣ୍ଟରୁ ସେୟାର କରାଯାଇଛି। ଏହାକୁ ସୋସିଆଲ ମିଡିଆ ବ୍ୟବହାରକାରୀ ବହୁ ମାତ୍ରାରେ ସେୟାର କରୁଛନ୍ତି। ଏଥିସହିତ ବିଭିନ୍ନ ପ୍ରକାର ପ୍ରତିକ୍ରିୟା ବି ଦେଉଛନ୍ତି। ଆଉ କେହିକେହି ଏହି ଘଟଣାକୁ ଦେଖି ହସିହସି ବେଦମ ହୋଇଯାଉଛନ୍ତି।

ଏହି ଫଟୋ ଦେଖି ଜଣେ ସୋସିଆଲ ମିଡିଆ ବ୍ୟବହାରକାରୀ ଲେଖିଛି, ‘ ଡୋନେଟ ମି ଏ ହସବ୍ୟାଣ୍ଡ।’ ରିପୋର୍ଟ ଲେଖାହେଲା ପର୍ଯ୍ୟନ୍ତ ଏହି ମଜାଳିଆ ଭିଡିଓକୁ ଏଯାବତ ୮୬ହଜାରରୁ ଅଧିକ ଲୋକ ଦେଖି ସାରିଲେଣି।