ପ୍ରସବ ପୂର୍ବରୁ ଡାକ୍ତରଙ୍କ ସହ ନାଚିଲେ ଗର୍ଭବତୀ, ଭିଡିଓରେ ଦେଖନ୍ତୁ ମହିଳାଙ୍କ ନିଆରା ଅନ୍ଦାଜ
ଲୁଧିଆନା : ଏବେ ସୋସିଆଲ ମିଡିଆରେ ଏକ ଭିଡିଓ ଭାଇରାଲ ହେବାରେ ଲାଗିଛି । ଏହି ଭିଡିଓରେ ଜଣେ ଗର୍ଭବତୀ ମହିଳା ନିଜ ଡାକ୍ତରଙ୍କ ସହ ନାଚୁଥିବାର ଦେଖାଯାଇଛି । ଡେଲିଭରି ହେବାର କିଛି ମିନିଟ୍ ପୂର୍ବରୁ ଗର୍ଭବତୀ ଥିବା ମହିଳା ଏଭଳି କରିବା ପାଇଁ ଭାବିଥିବା ଜଣାପଡ଼ିଛି । ତାଙ୍କର ସେହି ନିଆରା ଭାବନା ଆଜି ତାଙ୍କୁ ଚର୍ଚ୍ଚାକୁ ଆଣିବା ସହ ସୋସିଆଲ ମିଡିଆରେ ଭିଡିଓଟି ଭାଇରାଲ ହେବାର ଲାଗିଛି ।
Sambad is now on WhatsApp
Join and get latest news updates delivered to you via WhatsApp
ପୂର୍ବରୁ ଅନେକ ପ୍ରକାରର ଭିଡିଓ ସୋସିଆଲ ମିଡିଆରେ ଭାଇରାଲ ହୋଇଥିବା ବେଳେ ଏହା ସେ ସବୁଠାରୁ ନିଆରା ବୋଲି ଲୋକେ କହିବା ଆରମ୍ଭ କରିଛନ୍ତି । ଭିଡିଓରେ ମହିଳାଜଣକ ଡ଼ାକ୍ତରଖାନାର ପୋଷାକ ପିନ୍ଧି ପ୍ରସବ ପାଇଁ ଯିବାକୁ ପ୍ରସ୍ତୁତ ହୋଇ ଏପରି କରିଥିଲେ । ଏହାପରେ ତାଙ୍କର ଅସ୍ତ୍ରୋପଚାର ଜରିଆରେ ପ୍ରସବ କରାଯାଇଥିଲା । ଏହି ଭିଡିଓକୁ ଟୁଇଟର ବ୍ୟବହାରକାରୀ ହର୍ଷ ଗୋଏଙ୍କା ଟୁଇଟ୍ କରିବା ପରେ ଲୋକମାନଙ୍କ ଭିନ୍ନ ଭିନ୍ନ ପ୍ରତିକ୍ରିୟା ଲୋକମାନଙ୍କୁ ମିଳିଥିଲା ।
Just a few minutes before the C-section delivery, the Doctor and the patient perform a nice jig. This happened in Ludhiana. pic.twitter.com/ZOlzIhbQ8c
— Harsh Goenka (@hvgoenka) 28 December 2018
ପ୍ରସବ ପରେ ମହିଳା ସାମ୍ନାକୁ ଆସି ସେ ପେସାରେ ଜଣେ କୋରିଓଗ୍ରାଫର ବୋଲି କହିଥିଲେ । ମୁଁ ଗର୍ଭବତୀ ହେବା ପରେ ମଧ୍ୟ ନାଚିବା ଛାଡ଼ି ନଥିଲି । ପ୍ରସବ ପୂର୍ବରୁ ଏଭଳି ନାଚିବା ପଛରେ ସେଭଳି କିଛି ବିଶେଷ କାରଣ ନାହିଁ । ଗର୍ଭାବସ୍ଥାରେ ନାଚିବା ଦେହ ପାଇଁ ଏବଂ ପେଟରେ ଥିବା ପିଲା ପାଇଁ ଖୁବ୍ ଭଲ । ଏହା ଦ୍ୱାରା ଶରୀର ସୁସ୍ଥ ରହିଥାଏ ଏବଂ ଖୁସି ମଧ୍ୟ ମିଳିଥାଏ ବୋଲି ସେ କହିଥିଲେ । ଅନ୍ୟ ପକ୍ଷରେ, ଭିଡିଓ ଭାଇରାଲ ହେବା ପରେ ବ୍ୟବହାକାରୀ ଏହି ଭିଡିଓକୁ ୨୦୧୮ର ସବୁଠାରୁ ଭଲ ଭିଡିଓ ବୋଲି କହିବା ଆରମ୍ଭ କରିଛନ୍ତି ।