ନୂଆଦିଲ୍ଲୀ: ପରିବାରର ଇଚ୍ଛା ବିରୁଦ୍ଧରେ ଯାଇ ବିବାହ କରିଥିଲେ ପୁଅ । ଭାବିଥିଲେ ଯେ, କୋର୍ଟ ମ୍ୟାରେଜ୍ କରି ଘରକୁ ଫେରିବା ପରେ ପରିବାରକୁ ବୁଝାଇଦେବି । କିନ୍ତୁ ତାଙ୍କ ଭାବନାଟା ଓଲଟିଗଲା । ବାସ୍ତବରେ, ଯେତେବେଳେ ପୁଅ ଓକିଲ ଏବଂ କନ୍ୟା ସହିତ କୋର୍ଟ ମ୍ୟାରେଜ୍ କରିବା ପରେ ଘରେ ପହଞ୍ଚିଥିଲେ, ଘର ଦୁଆରେ କୌଣସି ବ୍ୟାଣ୍ଡ-ବାଜା ଛିଡ଼ା ହୋଇନଥିଲା । ବରଂ ବାପାଙ୍କ ପ୍ରଚଣ୍ଡ ରାଗ ଦେଖିବାକୁ ମିଳିଥିଲା । ବାପାଙ୍କ ନଜର ତାଙ୍କ ପୁଅ ଉପରେ ପଡ଼ିବା ମାତ୍ରେ ତା'ପରେ ଯାହା ଘଟିଥିଲା ତାହା ସୋସିଆଲ ମିଡିଆରେ ଭାଇରାଲ୍ ହେଉଛି । ଭିଡିଓଟି ଦେଖିବା ପରେ ଆପଣ ମଧ୍ୟ ଆଶ୍ଚର୍ଯ୍ୟ ହୋଇଯିବେ । 

Advertisment

ସୂଚନା ମୁତାବକ, ଜଣେ ପୁଅ ଯିଏକି ତାଙ୍କ ପରିବାରର ସମ୍ମତି ବିନା ଚୁପଚାପ୍ କୋର୍ଟରେ ବିବାହ କରି  କନ୍ୟା ଓ ଜଣେ ଓକିଲଙ୍କୁ ସାଙ୍ଗରେ ଆଣି ଘରକୁ ଫେରିଛନ୍ତି । ପୁଅ ଆଶା କରିଥିଲେ ଯେ, ତାଙ୍କ ବାପା ଥରେ ରାଗିଯିବେ ଏବଂ ତା’ପରେ ରାଜି ହୋଇଯିବେ । କିନ୍ତୁ ବିବାହ ପୋଷାକରେ ପୁଅକୁ ଦେଖିବା ମାତ୍ରେ ରାଗ ସୁଝାଇଛନ୍ତି ବାପା ।

ଭିଡିଓରେ ସ୍ପଷ୍ଟ ଭାବରେ ଦେଖାଯାଉଛି ଯେ, ବାପା କିଛି ନ ଶୁଣି କିଛି ନ ବୁଝି ତାଙ୍କ ପୁଅକୁ ଚାପୁଡ଼ା, ବିଧା, ଗୋଇଠା ମାରି ଚାଲିଛନ୍ତି । ପୁଅ ବିବାହ କରି ଘରକୁ ଫେରିଛି ସ୍ୱାଗତ କରିବେ କ'ଣ ପ୍ରତିଶୋଧ ନେଉଥିବା ଜଣାପଡ଼ୁଛି । ପୁଅ ହାତ ଯୋଡ଼ି ବାପାଙ୍କ ପାଦ ତଳେ ପଡ଼ି "ବାପା, ମୋତେ ଗ୍ରହଣ କର'' ବୋଲି ଯେତେ ନେହୁରା ହେଲେ ବି ବାପା ଶୁଣୁ ନାହାନ୍ତି । ଖାଲି କ'ଣ ଏତିକି ଓକିଲଙ୍କ କଥା ମଧ୍ୟ ଶୁଣି ନଥିଲେ । ତା'ପରେ  ଆଇନଗତ ବିବାହ କାଗଜପତ୍ର ମଧ୍ୟ ଚିରି ଫୋପାଡ଼ି ଦେଇଥିଲେ ।

ଏତିକିରେ ବି ବାପାଙ୍କର ରାଗ କମିନଥିଲା ତା'ପରେ ପୁଅକୁ ବାଡ଼ିରେ ପିଟିବା ଆରମ୍ଭ କରି ଦେଇଥିଲେ । ଏପଟେ କନ୍ୟା ଜଣକ ଭୟଭୀତ ହୋଇ ଠିଆ ହୋଇଥିବା ଭିଡିଓରେ ଦେଖିବାକୁ ମିଳିଛି । ବାରମ୍ବାର ଭୁଲ ମାଗିବା ସତ୍ତ୍ୱେ, ଶେଷରେ ବାପା ପୁଅକୁ ଘରୁ ବାହାର କରିଦେଇଥିଲେ । 

ଏହି ଭିଡିଓଟି ଏବେ ସୋସିଆଲ ମିଡିଆରେ ଚର୍ଚ୍ଚାର ବିଷୟ ପାଲଟିଛି । କିଛି ଲୋକ କହୁଛନ୍ତି ଯେ, ପୁଅର ନିଜ ଇଚ୍ଛାରେ ରହିବାର ଅଧିକାର ଅଛି, ଯେତେବେଳେ କି ଅନ୍ୟ କିଛି ଲୋକ କହୁଛନ୍ତି ଯେ ପରିବାରର ସମ୍ମତି ବିନା ହୋଇଥିବା ସମ୍ପର୍କ ଆଗକୁ ବଢ଼ିବା କଷ୍ଟକର । ଏହାବ୍ୟତୀତ, କିଛି ବ୍ୟବହାରକାରୀ ଭିଡିଓଟିକୁ ସ୍କ୍ରିପଟେଡ୍ ବୋଲି ମଧ୍ୟ କହିଛନ୍ତି ।