ଯଦି ଆପଣ ଭାରତବର୍ଷର ପ୍ରକୃତ ସ୍ୱରୂପ ଦେଖିବାକୁ ଚାହାଁନ୍ତି , ଆସନ୍ତୁ ଏସବୁ ଗାଆଁକୁ
ଯଦି ଆପଣ ଭାରତବର୍ଷର ପ୍ରକୃତ ସ୍ୱରୂପ ଦେଖିବାକୁ ଚାହାଁନ୍ତି,ତେବେ ଏହି ସବୁ ଗାଆଁକୁ ଯାଆନ୍ତୁ। ଆସନ୍ତୁ ଜାଣିବା ସେହି ଗାଆଁଗୁଡ଼ିକ ସଂପର୍କରେ…
ତୋଶ୍ :ହିମାଚଳ ପ୍ରଦେଶର ପ୍ରାକୃତିକ ପରିବେଶରେ ବିଦେଶୀ ପର୍ଯ୍ୟଟକଙ୍କୁ ଆକର୍ଷିତ କରୁଥିବା ଏକ ଗାଆଁ ହେଲା‘ତୋଶ୍’।ଏହି ଗାଆଁକୁ ଇସ୍ରାଏଲ ଓ ୟୁରୋପରୁ ସବୁଠାରୁ ଅଧିକ ପର୍ଯ୍ୟଟକ ଆସିଥାନ୍ତି।
ମାବଲିନନାଙ୍ଗ୍ ଗ୍ରାମ:- ଏସିଆର ସବୁଠାରୁ ପରିଷ୍କାର ପରିଚ୍ଛନ ଗ୍ରାମ ଭାବେ ପରିଚିତ ମାବଲିନନାଙ୍ଗ୍ ଗ୍ରାମ। ଏହା ମେଘାଳୟର ରାଜଧାନୀ ସିଲଙ୍ଗଠାରୁ ମାତ୍ର ୧୦୦ କିଲୋମିଟର ଦୂରରେ ଅବସ୍ଥିତ।
ତର୍କାରଲୀ:ମହାରାଷ୍ଟ୍ରର ଏହି ଗାଆଁଟି ବେଶ୍ ମନୋରମ। ଷୋଡଶ ଶତାବ୍ଦୀରେ ଛତ୍ରପତି ଶିବାଜୀ ଏହି ଗ୍ରାମର ପ୍ରତିଷ୍ଠା କରିଥିଲେ। ଏଠାରେ ଅନେକ ପ୍ରକାରର ଜଳକ୍ରୀଡ଼ାର ମଜା ଉଠାଇପାରିବେ ପର୍ଯ୍ୟଟକ। ସମୁଦ୍ର ତଟରେ ଅବସ୍ଥିତ ଏହି ଗାଆଁକୁ ବହୁ ସଂଖ୍ୟକ ପର୍ଯ୍ୟଟକ ଆସିଥାନ୍ତି।
Sambad is now on WhatsApp
Join and get latest news updates delivered to you via WhatsApp
ମାଣା :- ଉତ୍ତରାଖଣ୍ଡର ଚମୋଲି ଜିଲ୍ଲାରେ ଥିବା ମାଣା ଭାରତର ଶେଷ ଗ୍ରାମ। ବଦ୍ରିନାଥଠାରୁ ଏହାର ଦୂରତା ମାତ୍ର ତିନି କିଲୋମିଟର। ଏଠାରେ ଥିବା ଗଣେଶ ଗୁମ୍ଫା ସବୁଠାରୁ ରୋମାଞ୍ଚକର ସ୍ଥଳ। ତା’ଛଡ଼ା ଏହି ଗାଆଁରେ ଥିବା ବ୍ୟାସ ଗୁମ୍ଫା,ତପ୍ତ କୁଣ୍ଡ ଓ ନୀଳକଣ୍ଠ ପିକେ ଆଦି ମଧ୍ୟ ଦେଖିବାକୁ ମିଳେ।