ନୂଆଦିଲ୍ଲୀ: ସୋସିଆଲ ମିଡିଆରେ ସାପକୁ ନେଇ ଅନେକ ଭିଡିଓ ସାମ୍ନାକୁ ଆସିଥାଏ। ଏହି ଭିଡିଓ ମଧ୍ୟରୁ କିଛି ଭିଡିଓରେ ଲୋକ ସାପ ବିପଦରେ ପଡ଼ିଥିବା ବେଳେ ତାକୁ ଉଦ୍ଧାର କରୁଥିବା  ଦେଖିବାକୁ ମିଳୁଥିବା ବେଳେ ଆଉ କିଛି ଭିଡିଓରେ ସାପ ଭୟଙ୍କର ଭାବେ ଫଣା ଟେକି ବସିଥିବାର ନଜରକୁ ଆସିଥାଏ।

Advertisment

ନିକଟରେ ଭାଇରାଲ ହୋଇଥିବା ସାପର ଭିଡିଓକୁ ଦେଖି ଲୋକେ ଆଶ୍ଚର୍ଯ୍ୟ ହୋଇଯାଇଛନ୍ତି। ଏହି ଭିଡିଓରେ ଦେଖିବାକୁ ମିଳୁଛି, ନୋଟ ବିଡ଼ା ଧରି ଏକ ସାପ ଘର ଭିତରେ ପ୍ରବେଶ କରିବାକୁ ଚେଷ୍ଟା କରୁଛି।

ଏହି ଭିଡିଓ ମୂଳତଃ ଅକ୍ଟୋବର ୨୭ରେ ଇନଷ୍ଟାଗ୍ରାମ ୟୁଜର୍ସ @lindaikejiblogofficial ଦ୍ୱାରା ସେୟାର ହୋଇଛି। ବର୍ତ୍ତମାନ ପର୍ଯ୍ୟନ୍ତ ଏହି ଭିଡିଓକୁ ୧୭ ହଜାରରୁ ଅଧିକ ଲାଇକ ମିଳିଛି ଏବଂ ଲୋକମାନେ ମଧ୍ୟ ଏହା ଉପରେ ପ୍ରତିକ୍ରିୟା ଦେଉଛନ୍ତି।

ସୋସିଆଲ ମିଡିଆ ବ୍ୟବହାରକାରୀ ଏହି ଭିଡିଓ ଦେଖି ପ୍ରତିକ୍ରିୟା ଦେଇ ଲେଖିଛନ୍ତି, ‘ସାପର ଅନେକ ଭିଡିଓ ଆମେ ଦେଖିଛୁ। କିନ୍ତୁ ଏମିତି ଭିଡିଓ ଆମେ କେବେ ହେଲେ ଦେଖି ନାହୁଁ। ସାପ ଏମିତି ପାଟିରେ ଟଙ୍କା ବିଡ଼ା ଧରି ଘରେ ପ୍ରବେଶ କରିବା ଦୃଶ୍ୟ ବାସ୍ତବରେ ଚକିତ କରୁଛି।

ତେବେ ଏହି ଭିଡିଓକୁ କିଛିଲୋକ ଏଡିଟିଂ ହୋଇଛି ‌ବୋଲି ବି ପ୍ରତିକ୍ରିୟା ‌ଦେଇ କହିଛନ୍ତି।’