ପମ୍ପି: କୁହାଯାଏ ପ୍ରକୃତି ଆଗରେ କାହାର ରାଜୁତି ଚାଲେ ନାହିଁ । ପ୍ରକୃତି ଯେତେବେଳେ ବିଷ ବର୍ଷା କରେ ସେତେବେଳେ ସବୁ ଛାର୍ ଖାର୍ ହୋଇଯାଏ । ଏହାର ନମୁନା ତ ଆପଣମାନେ ବହୁତ ଦେଖୁଥିବେ । ସେ ବନ୍ୟା ହେଉ କି ବାତ୍ୟା ପ୍ରତି ବର୍ଷ ପ୍ରକୃତିର ଏପରି କରାଳ ରୂପକୁ ଲୋକେ ସାମ୍ନା କରି ଥାଆନ୍ତି । ତେବେ ଅନେକ ବର୍ଷ ପୂର୍ବରୁ ପ୍ରକୃତିର ଏମିତି ଗୋଟେ ରୂପ ଦେଖିବାକୁ ମିଳିଥିଲା, ଯେଉଁଠି ଇଟାଲିରେ ଥିବା ପମ୍ପି ସହରରେ ବସବାସ କରୁଥିବା ୨୦ ହଜାର ଲୋକ କିଛି ସମୟ ମଧ୍ୟରେ ପଥର ପାଲଟି ଯାଇଥିଲେ । ଏକ ଜ୍ୱାଳାମୁଖୀ କିଛି ସେକେଣ୍ଡ ମଧ୍ୟରେ ପମ୍ପି ସହରକୁ ମରୁଭୂମିରେ ପରିଣତ କରି ଦେଇଥିଲା । ଏହି ଘଟଣାଟି ଘଟିଥିଲା ଖ୍ରୀଷ୍ଟାବ୍ଦ ୭୯ରେ । ଇଟାଲି ଏବଂ ରୋମାନ ସାମ୍ରାଜ୍ୟର ପ୍ରସିଦ୍ଧ ସହର ପମ୍ପି କିଛି ସେକେଣ୍ଡ ମଧ୍ୟରେ ଚାହୁଁ ଚାହୁଁ ଧ୍ୱଂସ ପାଇ ଯାଇଥିଲା ।
Sambad is now on WhatsApp
Join and get latest news updates delivered to you via WhatsApp
ରିପୋର୍ଟ ଅନୁଯାୟୀ, ଇଟାଲୀର ପମ୍ପି ସହର ଧ୍ୱଂସ ପାଇବା ବେଳେ ସେ ସହରର ତାପମାତ୍ରା ୨୫୩ ଡ଼ିଗ୍ରି ସେଲ୍ସିୟସ ଥିଲା । ଯାହାକି ସହରକୁ ନଷ୍ଟ କରିବା ପାଇଁ ଯଥେଷ୍ଟ ଥିଲା । ହଠାତ୍ ଏହି ଜ୍ୱାଳାମୁଖୀ ଆସିବାରୁ ସହରରେ ବସବାସ କରୁଥିବା ୨୦ ହଜାର ଲୋକ ମାଟି ତଳେ ଚାପି ହୋଇ ରହି ଯାଇଥିଲେ । ନିଆଁରେ ପୋଡ଼ି ଲୋକମାନଙ୍କ ମୃତ୍ୟୁ ହୋଇଥିଲା। ୨୦,୦୦୦ ଲୋକ ପାଇଟି ଯାଇଥିଲେ ଅଙ୍ଗାର। ପ୍ରକୃତିର କରାଳ ରୂପ ଧ୍ୱଂସ ପରର ଦୃଶ୍ୟରୁ ଜଣା ପଡ଼ିଥିଲା । ଯାହା ଏବେ ବି ରହିଛି ।