ବୋତଲର ଠିପି ରଙ୍ଗ କହିବ ଆପଣ ପିଉଛନ୍ତି କେଉଁ ପାଣି?

ନୂଆଦିଲ୍ଲୀ: ଅନେକ ସମୟରେ ଆପଣ ପାଣି ବୋତଲ କିଣି ପିଇଥିବେ | ପାଣି ପିଇସାରିବା ପରେ ଆପଣ ବୋତଲକୁ ଫୋଫାଡ଼ି ଦେଇଥିବେ | ତେବେ ଆପଣ ପିଇଥିବା ପାଣିରେ ଆଉ କଣ ସବୁ ମିଶିଛି କେବେ ଜାଣିବାକୁ ଚାହିଁଛନ୍ତି କି? ଆପଣ ପିଇଥିବା ପାଣିର ପ୍ରକାର କଣ କେବେ ଜାଣିଛନ୍ତି କି? ତେବେ ଆଜି ଆମେ ଆପଣଙ୍କୁ ଏମିତି ଏକ ସହଜ ଉପାୟ କହିବୁ ଯାହାଦ୍ୱାରା ଆପଣ ସହଜରେ ଜାଣିପାରିବେ ଯେ ଆପଣ ପିଇଥିବା ପାଣିରେ କଣ ଅଛି | ବାସ୍ତବରେ ପାଣି ବୋତଲରେ ଥିବା ପାଣିରେ କଣ ଅଛି ଏହା ତାହାର ଠିପିର ରଙ୍ଗରୁ ଆପଣ ସହଜରେ ଜାଣିପାରିବେ |
ଆପଣ ଟ୍ରେନ୍ କିମ୍ବା ବସ୍ ରେ ଯାତ୍ରା କରୁଥିଲେ, ଅଧିକାଂଶ ପାଣି ବୋତଲର ଠିପି ରଙ୍ଗ ନୀଳ ହୋଇଥାଏ | ପାଣି ବୋତଲର ନୀଳ ରଙ୍ଗ ଠିପି ସୂଚାଇଥାଏ ଯେ ଏହା ହେଉଛି ମିନେରାଲ ପାଣି | ସେହିପରି ଆପଣ ଅଧିକାଂଶ ସ୍ଥାନରେ ଧଳା ରଙ୍ଗର ଠିପି ସହିତ ପାଣି ବୋତଲ ପାଇବେ | ଏହା ସାଧାରଣ ଜଳ ପାଇଁ ବ୍ୟବହୃତ ହୁଏ | ଅନ୍ୟ ପଟେ, ଯଦି ଆପଣ ସବୁଜ ରଙ୍ଗର ଠିପି ଥିବା ପାଣି ବୋତଲ କିଣୁଛନ୍ତି, ଏହାର ଅର୍ଥ ହେଉଛି ଏହି ପାଣିରେ କିଛି ଅତିରିକ୍ତ ଫ୍ଲେଭର ମିଶା ଯାଇଛି |

ତଥାପି, କିଛି ବ୍ରାଣ୍ଡ ଅଛି ଯାହା ସେମାନଙ୍କର ଲୋଗୋର ରଙ୍ଗ ହେତୁ ସେମାନଙ୍କ ବୋତଲ କ୍ୟାପ୍ ରଙ୍ଗକୁ ଭିନ୍ନ ରଖିଥାନ୍ତି | କିନ୍ତୁ ଏହି ବ୍ରାଣ୍ଡଗୁଡ଼ିକ ମଧ୍ୟ ନିଜ ବୋତଲରେ ଲିଖିତ ଆକାରରେ ପାଣି ବିଷୟରେ ସମସ୍ତ ସୂଚନା ଦିଅନ୍ତି | ଏକ ଲାଲ ରଙ୍ଗର ଠିପି ଥିବା ବୋତଲରେ ସ୍ପାର୍କ୍ଳିଙ୍ଗ ପାଣି ଥାଏ | ସେହିପରି କାର୍ବୋନେଟଡ଼ ପାଣି ପାଇଁ ମଧ୍ୟ ଏହି ରଙ୍ଗର ଠିପି ବ୍ୟବହୃତ ହୁଏ | ହଳଦିଆ ରଙ୍ଗର ଠିପି ଥିବା ପାଣି ବୋତଲର ଅର୍ଥ ହେଉଛି ଏଥିରେ ଭିଟାମିନ୍ ଏବଂ ଇଲେକ୍ଟ୍ରୋଲାଇଟ୍ ଥାଏ | କଳା ରଙ୍ଗର ଠିପି ଥିବା ପାଣିରେ ଆଲକାଲାଇନ ମିଶିଥାଏ | ଏହି ରଙ୍ଗ ପ୍ରାୟତଃ ପ୍ରିମିୟମ୍ ଜଳ ଉତ୍ପାଦ ପାଇଁ ବ୍ୟବହୃତ ହୁଏ | ଗୋଲାପୀ ରଙ୍ଗର ଠିପି ଥିବା ପାଣି ବୋତଲ ମୁଖ୍ୟତଃ ସ୍ତନ କର୍କଟ ସଚେତନତା ଏବଂ ଦାନ କାର୍ଯ୍ୟକ୍ରମ ପାଇଁ ବ୍ୟବହୃତ ହୁଏ |

ସମ୍ବନ୍ଧିତ ଖବର