ଜଳାଭାବର କବଳିତ ଦକ୍ଷିଣ ଆଫ୍ରିକାର କେପଟାଉନ୍ : ୭୦ ଦିନରେ ହେବେ ର୍ନିଜଳ
କେପଟାଉନ୍: ଜଳ ହିଁ ଜୀବନ , ଜଳ ବିନା ଜୀବ ଜଗତର କଳ୍ପନା କରାଯାଇ ପାରିବ ନାହିଁ । ତେବେ ଅନେକ ସମୟରେଏପରି କୁହାଯାଇଥାଏ କି ଜଳ ସଂରକ୍ଷଣ କିମ୍ବା ନିୟନ୍ତ୍ରଣ ନ କଲେ ଏହା ଶେଷ ହୋଇଯିବ । ଏହି କଥା ବର୍ତ୍ତମାନ ସତ ହେବା ପାଇଁ ଯାଉଛି ସାଉଥ ଆଫ୍ରିକାର କେପଟାଉନ୍ ସହରରେ । ଆଉ କିଛି ଦିନ ମଧ୍ୟରେ ଯଦି ବର୍ଷା ନ ହୁଏ ତେବେ ସେଠାରେ ଜଳର ଭୀଷଣ ଅଭାବ ଅନୁଭୂତ ହେବ।
Sambad is now on WhatsApp
Join and get latest news updates delivered to you via WhatsApp
ଘଟଣା ଅନୁୟାୟୀ, ବର୍ତ୍ତମାନ ପର୍ଯ୍ୟନ୍ତ କେପଟାଉନର ପ୍ରାୟ ୬ଟି ଡ଼୍ୟାମ ଶୁଖି ସାରିଲାଣି । ଏବେ ଏଠାରେ କେବଳ ୭୦ ଦିନ ପାଇଁ ପାଣି ରହିଛି । ଯଦି ଏପ୍ରିଲ ୨୧ ପର୍ଯ୍ୟନ୍ତ ଏଠାରେ ବର୍ଷା ନ ହୁଏ ତେବେ ଏଠାକାର ଜଳସ୍ତର ୧୩.୫% ପର୍ଯ୍ୟନ୍ତ ତଳକୁ ଖସିଯିବାର ସମ୍ଭାବନା ରହିଛି। ଓ୍ଵାଟରପ୍୍ରୁଫ କେପଟାଉନର ସବୁଠାରୁ ବଡ଼ ଡ଼୍ୟାମ ଅଟେ ।
ଏହା ୧୦ ବର୍ଗକିଲୋମିଟର ପର୍ଯ୍ୟନ୍ତ ବ୍ୟାପି ଥିବା ବେଳେ ଏଥିରୁ ପ୍ରାୟ ୬୦ କୋଟି ଲିଟର ପିଇବା ପାଣି ଲୋକଙ୍କ ପାଖରେ ପହଞ୍ଚିଥାଏ । କିନ୍ତୁ ସମୟ କ୍ରମେ ବର୍ତ୍ତମାନ ଏହା ମଧ୍ୟ ଶୁଖିବାରେ ଲାଗିଲାଣି । ସେଠାରେ ଅଳ୍ପ କିଛି ଦିନ ମଧ୍ୟରେ ଲୋକଙ୍କ ଘରକୁ ପାଣିର ଯୋଗାଣ ବନ୍ଦ ହୋଇଯିବ । ସେଠାରେ ଦୈନିକ ୮୭ ଲିଟର ପାଣି ଯୋଗାଣ ହେଉଥିବା ବେଳେ ଏହା ହ୍ରାସ ପାଇ ଏବେ ୨୭ ଲିଟର ହୋଇଛି ।
ତାହା ମଧ୍ୟ ଲାଇନରେ ଠିଆ ହୋଇ ଏକ ସ୍ଥାନରୁ ଆଣିବା ପାଇଁ ପଡ଼ୁଛି । ଏହି ଅସୁବିଧା ସମୟରେ ଲୋକଙ୍କୁ ସରକାର ଜଳ ବଞ୍ଚାଇବାର ଅନେକ ନୂତନ ପଦ୍ଧତି ବିଷୟରେ ଜଣାଉଛନ୍ତି । ଲୋକମାନେ ମଧ୍ୟ ସରକାରଙ୍କ ସହ ମିଶି ଏହି ଅସୁବିଧା ସମୟର ମୁକାବିଲଶ କରିବା ପାଇଁ ପ୍ରସ୍ତୁତ ଅଛନ୍ତି ।