କେବେ ଭାବିଛନ୍ତି! ଆମେରିକାର ଲୋକମାନେ କାହିଁକି ସବୁଠୁ ଧନୀ ହୋଇଥାନ୍ତି?
ନୂଆଦିଲ୍ଲୀ : ଆମେରିକା ବିଶ୍ୱର ସବୁଠାରୁ ଶକ୍ତିଶାଳୀ ବୋଲି କୁହାଯାଏ । ସବୁ କ୍ଷେତ୍ରରେ ସବୁ ଦେଶଠାରୁ ଆଗରେ ଆମେରିକା । କଥା ଅର୍ଥ ବ୍ୟବସ୍ଥାର ହେଉ କି ବ୍ୟବସାୟୀ କମ୍ପାନିମାନଙ୍କର ହେଉ; ଆମେରିକା ଏବଂ ଆମେରିକାର ଲୋକମାନେ ସବୁଠୁ ଶକ୍ତିଶାଳୀ । କୌଣସି ବି ସେକ୍ଟରରେ ଟପ୍-୫କମ୍ପାନି ମଧ୍ୟରୁ ଆମେରିକାର କମ୍ପାନି ନିଶ୍ଚୟ ରହିଥାଏ । ସାରା ଦେଶରେ ଧନୀମାନଙ୍କ କଥା ପଡ଼ିଲେ ଆମେରିକାର ନାଗରିକଙ୍କ ସଂଖ୍ୟା ଅଧିକ ରହିଥାଏ । ଫୋର୍ବସ କରୁଥିବା ଗଣନା ଅନୁଯାୟୀ ସାରା ଦେଶର ଟପ୍-୫୦୦ ଧନୀମାନଙ୍କ ମଧ୍ୟରୁ ୪୦୦ଲୋକ ଆମେରିକାର ହିଁ ହୋଇଥାନ୍ତି । ଏତେ ସବୁ ବିଷୟରେ ଜାଣିବା ପରେ ଆପଣଙ୍କ ମନରେ ପ୍ରଶ୍ନ ଆସୁଥିବ କି ଆମେରିକାରେ ହିଁ କ’ଣ ପାଇଁ ଏତେ ଅଧିକ ଧନୀ ଲୋକ ଜନ୍ମ ହୁଅନ୍ତି ! ତେବେ, ଆସନ୍ତୁ ଜାଣିବା ଆମେରିକାର ଲୋକ ଅଧିକ ଧନୀ ହେବା ପଛର ପ୍ରକୃତ କାରଣ କ’ଣ?
୧. ଆମେରିକାର ଲୋକ ଧନୀ ହେବାର ପ୍ରକୃତ କାରଣ ହେଉଛି, ସେମାନେ ସକାଳ ୯ରୁ ସନ୍ଧ୍ୟା୫ ପର୍ଯ୍ୟନ୍ତ କାମ କରନ୍ତି ନାହିଁ ।
Sambad is now on WhatsApp
Join and get latest news updates delivered to you via WhatsApp
ଯେଉଁମାନେ ଧନୀ ହୋଇ ଫୋର୍ବସ ଗ୍ଲୋବାଲ ଲିଷ୍ଟରେ ନିଜର ସ୍ଥାନ ବନାଇଛନ୍ତି ସେମାନଙ୍କ ମଧ୍ୟରେ ଗୋଟେ ସାଧାରଣ କଥା ହେଉଛି, ସେମାନେ ସକାଳ୯ରୁ ସନ୍ଧ୍ୟା୫ ପର୍ଯ୍ୟନ୍ତ କାମ କରନ୍ତି ନାହିଁ । ମାଇକ୍ରୋସଫ୍ଟର ପୂର୍ବତନ ସିଇଓ ଷ୍ଟିଭ୍ ବାଲ୍ମିର ଜଣେ ଏମିତି ବ୍ୟକ୍ତିତ୍ୱ ଯିଏ କେବଳ ୯-୫ କାମ କରି ଧନୀ ହୋଇଥଲେ । ଆମେରିକାରେ ପ୍ରାୟ ଲୋକ ୯-୫ କାମ କରିବାରେ ବିଶ୍ୱାସ କରନ୍ତି ନାହିଁ। ସେମାନେ ୨୪ଘଣ୍ଟା କାମ କରିବା ସହ କିଛି ନୂଆ କିପରି କରିବେ ସେ ଚିନ୍ତାରେ ରହିଥାନ୍ତି । ଯେଉଁଥି ପାଇଁ ସେମାନେ ଆଜି ଏତେ ସଫଳ ହୋଇ ପାରିଛନ୍ତି ।
୨. ସବୁ ବେଳେ କିଛି ନୂଆ କରିବାର ଇଚ୍ଛା ପାଇଁ ଆଜି ମାର୍କ ଜୁକରବର୍ଗ, ବିଲ୍ ଗେଟ୍ସ, ଓ୍ଵରେନ୍ ବଫେ ଏଭଳି ସଫଳତା ପାଇ ପାରିଛନ୍ତି । କୌଣସି ବ୍ୟବସାୟୀଙ୍କ ପୁଅ ନ ହୋଇ ଏବଂ ପାଖରେ ଲକ୍ଷ ଲକ୍ଷ ଟଙ୍କା ନଥାଇ ମଧ୍ୟ ସେମାନେ ଆଜି ଧନୀ ହୋଇ ପାରିଛନ୍ତି । କେବଳ କିଛି ନୂଆ କରିବାର ଇଚ୍ଛା ହିଁ ସେମାନଙ୍କୁ ସଫଳତା ଆଣି ଦେଇଛି ।