ହାତ ତିଆରି ଷ୍ଟ୍ରେଚରରେ ଆଦିବାସୀ ମହିଳା ଓ ତାଙ୍କ ଦୁଇ ଯମଜ ସନ୍ତାନଙ୍କୁ ୫କିଲୋମିଟର ବୋହିଲେ ଡାକ୍ତର
ନୂଆଦିଲ୍ଲୀ : ତେଲେଙ୍ଗାନାର ଜଣେ ସରକାରୀ ଡାକ୍ତର କରିଥିବା କାମର ଚର୍ଚ୍ଚା ଏବେ ଚାରିଆଡ଼େ ହେବାରେ ଲାଗିଛି । ଜଣେ ଆଦିବାସୀ ମହିଳାଙ୍କୁ ଡାକ୍ତରଖାନା ନେବା ପାଇଁ ଗାଡ଼ି ଆସି ପାରୁ ନଥିବାରୁ ଡାକ୍ତର ଏଲ୍. ରାମବାବୁ ଏକ ହାତ ତିଆରି ଷ୍ଟ୍ରେଚରରେ ୫କିଲୋମିଟର ବୋହି ମୁଖ୍ୟ ରାସ୍ତାକୁ ନେଇଥିଲେ । ସେଠାରୁ ଆମ୍ବୁଲାନ୍ସ ଯୋଗେ ପୀଡ଼ିତାଙ୍କୁ ଭଦ୍ରଚଲମ ସହରରେ ଥିବା ସରକାରୀ ଡାକ୍ତରଖାନାକୁ ନିଆଯାଇଥିବା ଜଣା ପଡ଼ିଛି ।
Sambad is now on WhatsApp
Join and get latest news updates delivered to you via WhatsApp
ଡାକ୍ତର ଏଲ୍. ରାମବାବୁଙ୍କ କହିବା ଅନୁଯାୟୀ, ପୀଡ଼ିତା ଦୁଇ ଯମଜ ସନ୍ତାନଙ୍କୁ ଜନ୍ମ ଦେବା ପରେ ତାଙ୍କର ରକ୍ତସ୍ରାବ ବନ୍ଦ ହୋଇ ନଥିଲା । ଅବସ୍ଥା ଗୁରୁତର ହେଉଥିବା ଦେଖି ସଂକ୍ରମଣର ଆଶଙ୍କା ଥିବାରୁ ପୀଡ଼ିତାଙ୍କ ପରିବାରର ସାହାଯ୍ୟରେ ଏକ ହାତ ତିଆରି ଷ୍ଟ୍ରେଚର ଦ୍ୱାରା ଆମେ ତାଙ୍କୁ ମୁଖ୍ୟ ରାସ୍ତାକୁ ନେଇଥଲୁ । ଯାହା ପରେ ସେଠାରୁ ତାଙ୍କୁ ସରକାରୀ ଡାକ୍ତରଖାନା ନିଆଯାଇଥିଲା ।
ତେବେ ସେ ସମୟର କିଛି ଫଟୋ ଭାଇରାଲ ହେବା ପରେ ଡାକ୍ତର ଏଲ୍. ରାମବାବୁ କରିଥିବା କାମକୁ ନେଇ ଲୋକେ ତାଙ୍କୁ ପ୍ରଶଂସା କରିବାରେ ଲାଗି ପଡ଼ିଛନ୍ତି ।