ନୂଆଦିଲ୍ଲୀ: ଚେନ୍ନାଇ ସୁପର କିଙ୍ଗ୍ସ (ସିଏସକେ) ଅଧିନାୟକ ମହେନ୍ଦ୍ର ସିଂ ଧୋନି ତାଙ୍କ ଜର୍ସି ନମ୍ବର ପଛର କାରଣ ଉନ୍ମୋଚନ କରିଛନ୍ତି। କାହିଁକି ସବୁ ବେଳେ ୭ନଂ ଥିବା ଜର୍ସି ପିନ୍ଧନ୍ତି ଧୋନୀ? ଏ ପ୍ରଶ୍ନ କ୍ରିକେଟ ଦେଖୁଥିବା ଏବଂ ମହେନ୍ଦ୍ର ସିଂହ ଧୋନିଙ୍କର ଥିବା ପ୍ରଶଂସକଙ୍କ ମନରେ କେବେ ନା କେବେ ଆସିଥିବ ନିଶ୍ଚୟ। ଶୁଭ ନମ୍ବର ହୋଇଥିବାରୁ ଧୋନି ସବୁବେଳେ ୭ ନମ୍ବର ଥିବା ଜର୍ସି ପିନ୍ଧୁଥିବା ଚର୍ଚ୍ଚା ହେଉଥିବା ବେଳେ ଏବେ ୭ ନଂ ପଛର ରହସ୍ୟ କହିଛନ୍ତି ମହେନ୍ଦ୍ର ସିଂହ ଧୋନି।
Sambad is now on WhatsApp
Join and get latest news updates delivered to you via WhatsApp
ଇଣ୍ଡିଆ ସିମେଣ୍ଟ ଦ୍ୱାରା ଆୟୋଜିତ ଏକ ଭର୍ଚୁଆଲ୍ ବାର୍ତ୍ତାଳାପ ସମୟରେ ମହେନ୍ଦ୍ର ସିଂହ ଧୋନି କହିଥିଲେ ଯେ, ଅନେକ ଲୋକ ପ୍ରାରମ୍ଭରେ ଭାବିଥିଲେ ଯେ ମୋ ପାଇଁ ୭ ନମ୍ବର ଶୁଭ ହୋଇଥିବାରୁ ମୁଁ ୭ ନମ୍ବର ଥିବା ଜର୍ସି ପିନ୍ଧୁଛି। କିନ୍ତୁ ମୁଁ ସେଭଳି କୌଣସି କାରଣ ପାଇଁ ୭ ନମ୍ବର ବାଛିନଥିଲି। ଏହା ପଛରେ ଥିଲା ଅତି ସରଳ କାରଣ। ମୁଁ ଜୁଲାଇ ୭ରେ ଜନ୍ମଗ୍ରହଣ କରିଥିଲି। ଏହା ହେଉଛି ୭ ମାସର ସପ୍ତମ ଦିନ। ଏହି କାରଣ ପାଇଁ ମୁଁ ସବୁବେଳେ ୭ ନମ୍ବର ଥିବା ଜର୍ସି ପିନ୍ଧେ। ମୁଁ ଏଭଳି ନମ୍ବରକୁ ନେଇ ଅନ୍ଧବିଶ୍ୱାସୀ ନୁହେଁ। କିନ୍ତୁ ୭ ହେଉଛି ଏମିତି ଏକ ନମ୍ବର ଯାହା ମୋ ହୃଦୟର ନିକଟତର ଅଟେ ଏବଂ ମୁଁ ଏହାକୁ ବର୍ଷ ବର୍ଷ ଧରି ମୋ ସହିତ ରଖିଆସିଛି।
ତେବେ ଫୁଟବଲଠାରୁ କ୍ରିକେଟ୍ ପର୍ଯ୍ୟନ୍ତ ପ୍ରାୟ ଅନେକ ଖେଳାଳି ନିଜର ଜର୍ସି ନମ୍ବର ୭ ରଖିଥିବା ଦେଖାଯାଇଛି। ୭ ନଂ ଥିବା ଜର୍ସି ଦୁନିଆର ଅନେକ ମହାନ ଖେଳାଳି ପିନ୍ଧିଥିବା ଦେଖାଯାଇଛି। ଏରିକ୍ କୋଣ୍ଟାନା, ଜବାଗଲ ଶ୍ରୀନଥ, ଶାନ୍ ପୋଲକ୍, କ୍ରିଷ୍ଟିଆନୋ ରୋନାଲଡୋ, ଷ୍ଟିଫେନ୍ ଫ୍ଲେମିଙ୍ଗ ୭ନଂ ଥିବା ଜର୍ସି ପିନ୍ଧିଥାନ୍ତି।