କେଶ ରଙ୍ଗ କରିବା ପରେ ବଲ୍ବ ଭଳି ହୋଇ ଗଲା ମୁହଁ, ମୃତ୍ୟୁ ମୁହଁକୁ ଯାଉ ଯାଉ ଫେରି ଆସିଲେ ମହିଳା
ନୂଆଦିଲ୍ଲୀ : ଫ୍ରାନ୍ସରେ ଜଣେ ମହିଳାଙ୍କୁ ନିଜ କେଶ ରଙ୍ଗ କରିବା ଭାରୀ ପଡ଼ିଛି । ରଙ୍ଗ କରିବାର ତୁରନ୍ତ ପରେ କେଶ କୁଣ୍ଡାଇ ହେବା ଭଳି ସମସ୍ୟା ଆରମ୍ଭ ହେବା ସହ ମସ୍ତିଷ୍କର ଚମଡ଼ା ସିଝି ଯାଇଥିଲା । ଧିରେ ଧିରେ ମହିଳାଙ୍କ ମୁହଁ ଫୁଲି ବଲ୍ବ ଭଳି ହୋଇଯିବା ସହ ନିଶ୍ୱାସ ନେବାରେ ଅସୁବିଧା ହୋଇଥିଲା । ଗୁରୁତ୍ୱପୁର୍ଣ୍ଣ କଥା ହେଲା, କେଶ ରଙ୍ଗ କରିବା ପୂର୍ବରୁ ଯୁବତୀଜଣକ ଏଲର୍ଜି ଟେଷ୍ଟ କରିଥିଲେ । କିନ୍ତୁ ସେ ସମୟରେ କୌଣସି ପାର୍ଶ୍ୱ ପ୍ରତିକ୍ରିୟା ଦେଖାଯାଇ ନଥିଲା । ପରେ ସେ କେଶ ରଙ୍ଗ କରିବା ସମୟରେ କରିଥିବା ଭୁଲ ପାଇଁ ଆଜି ତାଙ୍କୁ ଏଭଳି ଅବସ୍ଥା ଭୋଗିବାକୁ ପଡ଼ିଛି । ଏଥି ପାଇଁ ସେ ସମସ୍ତଙ୍କୁ ସତର୍କ କରାଇବା ଆରମ୍ଭ କରିଛନ୍ତି ।
Sambad is now on WhatsApp
Join and get latest news updates delivered to you via WhatsApp
ସୂଚନା ମୁତାବକ, କୌଣସି ଜିନିଷ ବ୍ୟବହାର କରିବା ପୂର୍ବରୁ ତାହାର ପାର୍ଶ୍ୱ ପ୍ରତିକ୍ରିୟା ବିଷୟରେ ଜାଣିବା ପାଇଁ ଶରୀରର ଏକ ଛୋଟ ଅଂଶରେ ଏହାର ପରୀକ୍ଷା କରିବା ଦରକାର । ଅତି କମ୍ରେ ଲଗାଇଥିବା ଜିନିଷକୁ ୪୮ଘଣ୍ଟା ରଖିବା ପରେ ହିଁ ତାହା ବ୍ୟବହାର କରିବା ଦରକାର । କିନ୍ତୁ ଏଲ୍ସେ ଏଲର୍ଜି ଟେଷ୍ଟ କରିବା ପାଇଁ ଲଗାଇଥିବା ହେୟାର ଡ଼ାଇକୁ କେବଳ ଅଧଘଣ୍ଟା ପାଇଁ ରଖିଥିଲେ । ଯାହା ତାଙ୍କୁ ପରେ ମହଙ୍ଗା ପଡ଼ିଥିଲା ।